ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ប្រសិនបើកកូនរបស់លោកអ្នកមានអកប្បកិរិយាស្លូតបូត ស្ងៀមស្ងាត់ ដំណើរនៃឬកពារមិនសូវប្រញាប់ប្រញាល់ ហើយនៅពេលធ្វើការស្តីបន្ទោស ភាគច្រើនគេមិនសូវតវ៉ាច្រើន នោះគឺបញ្ជាក់ថា កូនរបស់លោកអ្នកមានចរិតប្រភេទនឹងធឹង (Steadiness) ឬចរិតប្រភេទ S ក្នុងចំណោមចរិតទាំង៤ DISC ។ បើតាមអ្នកជំនាញ កុមារដែលមានចរិតប្រភេទនេះ ត្បិតតែពួកគេមិនសូវតវ៉ា ក៏មិនប្រាកដថា គេយល់ស្របនោះឡើយ ដូច្នេះឪពុកម្តាយគួរតែរៀនយល់ពីពួកគេឱ្យបានច្រើន។
អ្នកស្រី យូ បូរី អ្នកជំនាញផ្នែកធនធានមនុស្ស និងជាស្ថាបនិកក្រុមហ៊ុន TEDP បានលើកឡើងថា មនុស្សប្រភេទនឹងធឹង ឬជាប្រភេទមនុស្សអក្សរ S ពួកគេតែងតែធ្វើអ្វីតាមឪពុកម្តាយ ពួកគេចូលចិត្តស្នាក់នៅផ្ទះ ហើយបរិយាកាសដែលពួកគេចូលចិត្តខ្លាំង គឺទីកន្លែងដែលមានសុវត្ថិភាព ហើយជាទូទៅពួកគេមិនចូលចិត្តផ្លាស់ប្តូរទេ ។ ដូច្នេះការផ្លាស់ប្តូរសាលារៀនញឹកញាប់មិនមែនជាជម្រើសល្អសម្រាប់កូនប្រភេទនេះឡើយ ដោយវាអាចធ្វើប៉ះពាល់អារម្មណ៍របស់ពួកគេ ។
ស្ថានភាពដែលកាន់តែអាក្រក់ទៀតនោះ គឺការផ្លាស់ប្តូរកម្មវិធីសិក្សាដោយមិនសាកសួរ ឬមិនពិភាក្សាជាមួយពួកគេជាមុន, មិនត្រឹមតែផ្លាស់ប្តូរការសិក្សានោះទេសូម្បីតែការផ្លាស់ប្តូរទីលំនៅ ឬសកម្មភាពនានាផេ្សងទៀត ក៏ត្រូវឱ្យកូនបានដឹងជាមុនដែរ ដើម្បីឱ្យពួកគេបានត្រៀមចិត្តត្រៀមកាយ ។ បើសិនជាឪពុកម្តាយមិនបានផ្តល់ព័ត៌មានជាមុនទៅកាន់ពួកគេជាមុនទេ ពួកគេនឹងមានអារម្មណ៍ពោរពេញដោយមន្ទិលសង្ស័យ ដូច្នេះត្រូវចងចាំថា រាល់ការផ្លាស់ប្តូរការរស់នៅ ឬស្ថានភាពណាមួយឆាប់រហ័យពេក មិនមែនជាទីប្រាថ្នារបស់មនុស្សប្រភេទនឹងធឹង ឬមនុស្សប្រភេទអក្សរ S នេះទេ ដោយវាធ្វើឱ្យពួកគេមានអារម្មណ៍ឯកោ មិនសប្បាយចិត្ត និងមានអារម្មណ៍ថា អសន្តិសុខផ្នែកផ្លូវចិត្តជាទម្ងន់ ។
អ្នកជំនាញក៏បានបញ្ជាក់ដែរថា ការបាត់បង់សុវត្ថិភាព គឺជាអ្វីដែលមនុស្សប្រភេទនេះបារម្ភខ្លាចបំផុត ហើយនៅពេលដែលស្ថិតនៅក្នុងស្ថានភាពមួយដែលមានសម្ពាធ គេនឹងស្ងាត់តែម្តង ដូចជានៅពេលដែលមានមនុស្សស្ដីបន្ទោស ពួកគេនឹងក្លាយជាមនុស្សដែលមើលទៅស្លូតបំផុត មិនមានសកម្មភាពតបតអ្វីឡើយ គឺក្លាយជាអ្នកស្ដាប់សុទ្ធសាទតែម្ដង ។ ប៉ុន្តែឪពុកម្តាយ ក៏ត្រូវដឹងដែរថា ចំណុចនេះពួកគេមិនបានទទួលយកដោយសប្បាយចិត្តឡើយ ខណៈនោះក្នុងចិត្តរបស់គេអាចនឹងគិតរឿងអ្វីមួយ ។
អ្នកស្រី យូ បូរី ក៏បានរំលេចដែរថា ដូច្នេះឪពុកម្តាយនៅពេលដែលឃើញកូនស្ងាត់ សូមកុំគិតឱ្យសោះថា ខ្លួនទទួលបានជ័យជម្នះ ឬកូននឹងទទួលយកគំនិតរបស់ខ្លួន ។ អាណាព្យាបាលត្រូវដឹងថា ពេលនេះ កូនគឺកំពុងមានវិបត្តិដោយមានអារម្មណ៍មិនល្អលេចឡើង ប្រការនេះវាមិនមែនជាបរិយាកាសល្អទៀតទេសម្រាប់ពួកគេ និងសម្រាប់គ្រួសារទាំងមូល ។ ដូច្នេះអ្វីដែលអាចធ្វើបានដើម្បីទាញស្ថានភាពនេះឱ្យប្រសើរឡើងវិញ គឺចាប់ផ្តើមនិយាយពីចំណុចល្អរបស់កូន ប៉ុន្តែត្រូវប្រាកដថាមិនមែនសរសើរតាមបែបបញ្ជោរនោះទេ ។ ការនិយាយពីចំណុចល្អគឺលើកនូវអ្វីដែលជាសកម្មភាពជាក់ស្ដែង ដូចជាសកម្មភាពវិជ្ជមានដែលកូនធ្លាប់ធ្វើពីមុនមក ការបង្កើតស្នាដៃអ្វីមួយដោយសមត្ថភាពពួកគេផ្ទាល់ និងធ្វើយ៉ាងណាបង្ហាញឱ្យពួកគេបានឃើញថា ខ្លួនគេផ្ទាល់ជាមនុស្សដែលមានតម្លៃមិនអាចកាត់ថ្លៃបាន ។
អ្នកជំនាញបន្ថែមថា ដើម្បីចូលរួមជំរុញកូនដែលមានអកប្បកិរិយាស្ងៀមស្ងាត់ឱ្យគេចចេញពីចំណុចខ្សោយ និងមានការអភិវឌ្ឍបានលឿន គឺឪពុកម្តាយ ឬអាណាព្យាបាលត្រូវលើកទឹកចិត្ត និងផ្តល់ឱកាសឱ្យពួកគេនិយាយឱ្យបានច្រើន ជំរុញឱ្យគេរៀនឯករាជភាពក្នុងការសម្រេចចិត្តដោយខ្លួនឯងឱ្យបានច្រើន ។ បង្រៀនឱ្យគេហ៊ាននិយាយបកស្រាយតបតឱ្យបានច្រើនពេលមាននរណាម្នាក់ពិព័ណ៌នាអំពីអ្វីមួយទាំងដែលវាមិនមែនជាការពិត, បំផុសឱ្យមានការចូលរួមក្នុងសកម្មភាពនានាដូចជាការបញ្ចេញមតិយោបល់ជាដើម៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សម្រាប់សិស្សនារី ដែលមានបំណងបន្តការសិក្សាថ្នាក់ឧត្តមសិក្សានៅរាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 30/05/2024
មូលនិធិហាប់ស្វែល (Harpswell Foundation) ដែលជាអង្គការមិនមែនរដ្ឋាភិបាល បានប្រកាសផ្តល់អាហារូបករណ៍ ២០២៤-២០២៥ សម្រាប់សិស្សនារីដែលរស់នៅតាមបណ្តាខេត្តដែលកំពុងសិក្សា...
រៀនជំនាញបច្ចេកទេសឥតគិតថ្លៃនៅវិទ្យាស្ថានពហុបច្ចេកទេសភូមិភាគតេជោសែនស្វាយរៀង
ព័ត៌មានអាហារូបករណ៍, ព្រឹត្តិការណ៍
• 29/06/2026
សម្រាប់យុវជន ក៏ដូចជាប្រជាពលរដ្ឋ ដែលកំពុងស្វែងរកការសិក្សាជំនាញ វិជ្ជាជីវៈ និងបច្ចេកទេស ពេលនេះឱកាសបានមកដល់ហើយ, វិទ្យាស្ថានពហុបច្ចេកទេសភូមិភាគតេជោសែនស្វាយរៀង កំពុងតែជ្រើសរើសសិក្ខាកាមឱ្យចូលរៀន...
ឥណ្ឌូនេស៊ី ប្រកាសផ្តល់អាហារូបករណ៍ “DARMASISWA” ឆ្នាំសិក្សា ២០២៦-២០២៧ ផ្ដោតលើភាសា និងវប្បធម៌
ព័ត៌មានអាហារូបករណ៍, ព្រឹត្តិការណ៍
• 21/05/2026
ក្រសួងអប់រំ នៃសាធារណរដ្ឋឥណ្ឌូណេស៊ី បានប្រកាសផ្តល់អាហារូបករណ៍ "DARMASISWA" ដល់និស្សិតអន្តរជាតិសម្រាប់ឆ្នាំសិក្សា ២០២៦-២០២៧ ដើម្បីទៅសិក្សាស្រាវជ្រាវលើជំនាញភាសា សិល្បៈ និងវប្បធម៌ នៅតាមបណ្តាសាកលវិទ្យាល័យនានា
វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់ការបណ្តុះបណ្តាលជំនាញបច្ចេកទេសឥតគិតថ្លៃចំនួន ១២៦០កន្លែង
ព័ត៌មានអាហារូបករណ៍, ព្រឹត្តិការណ៍
• 23/09/2024
សម្រាប់បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនសំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ ដែលចង់ទទួលបានជំនាញមួយពិតប្រាកដសម្រាប់ជីវិត ពេលនេះវិទ្យាស្ថានពហុបច្ចេកទេសខេត្តបន្ទាយមានជ័យ...
ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 30/09/2024
វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។
ACE ផ្តល់អាហារូបករណ៍ 100% ចំនួន ៣៤ កន្លែងសម្រាប់ការសិក្សាភាសាអង់គ្លេសរយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 27/07/2026
មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) បានប្រកាសផ្តល់អាហារូបករណ៍សិក្សាភាសាអង់គ្លេស ១០០% ចំនួន ៣៤ រង្វាន់ សម្រាប់រយៈពេលមួយឆ្នាំពេញ ជូនដល់សិស្សានុសិស្សកម្ពុជា
អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី វិទ្យាស្ថានបណ្ដុះបណ្ដាលវិស័យកាត់ដេរ (CGTI) ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 14/11/2023
ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាស់ផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
