ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មិនថាម្ចាស់អាជីវកម្ម ឬអ្នកធ្វើការក្នុងវិស័យណាមួយនោះទេ ការអនុវត្តន៍កិច្ចការដដែលៗក្នុងរយៈពេលយូរ អាចបង្កបាននូវភាពធុញទ្រាន់។ ប៉ុន្តែការងារ ជាផ្នែកមួយយ៉ាងសំខាន់ដើម្បីសម្រួលការរស់នៅ ដូចនេះជំនួសឱ្យការបោះបង់ទាំងស្រុងនៅពេលមិនសប្បាយចិត្តនឹងការងារ គួរងាកមកចាប់អារម្មណ៍អំពីសកម្មភាពថ្មីដែលខ្លួនចិត្ត ឬពុំធ្លាប់សាកល្បង ឬក៏ការរៀនជំនាញថ្មីៗបន្ថែម ដើម្បីបន្លប់និងបណ្តុះថាមពលឡើងវិញ។
បើតាមគេហទំព័រ The firm បានបង្ហាញគន្លឹះ២ ដែលមានឥទ្ធិពលការពារខ្លួនពីភាពតានតឹងក្រោយបំពេញការងារក្នុងរយៈពេលយូរៗ ៖
១. បន្ថែមសកម្មភាពជាចំណូលចិត្ត ៖ ក្រៅពីការបំពេញការងារជាច្រើនម៉ោងចប់សព្វគ្រប់ហើយ ការបន្ថែមសកម្មភាពជាចំណូលចិត្ត (hobby ) គឺជាវិធីសាស្រ្តក្នុងការរក្សាថាមពល ក៏ដូចជាបណ្តុះទឹកចិត្តឱ្យបន្តការងារបច្ចុប្បន្ន ប្រកបដោយក្ដីសង្ឃឹម។
នៅពេលផ្តោតលើការងារយូរពេក ទោះចង់ឬមិនចង់ អាការធុញថប់នឹងកើតមានគ្រាន់តែតិច ឬច្រើនអាស្រ័យទៅតាមស្ថានភាពរបស់មនុស្សម្នាក់ៗ។ ហើយការជ្រើសរើសសកម្មភាពដែលជាចំណូលចិត្តដែលសាកសមមួយ គឺផ្តើមដោយការ សង្កេតខ្លួនឯងថា តើសកម្មភាពមួយណាដែលធ្វើហើយ ប៉ុន្តែមិនងាយអស់ថាមពល ហើយពុំចាំបាច់បង្ខំខ្លួនឯងឱ្យធ្វើតែសកម្មភាពណាដែលឆ្លើយតបនឹងការងារគ្រប់ពេលរហូតនោះដែរ។ ជាឧទាហរណ៍ សកម្មភាពដែលផ្តល់នូវការកម្សាន្តទាំងនោះមានចម្រុះដូចជា ការលេងកីឡា លេងសី ហែលទឹក ឡើងភ្នំ ហាត់យូហ្កា ឬស្ម័គ្រចិត្តក្នុងសហគមន៍ជាដើម។
២. រៀនជំនាញថ្មីៗ ៖ ដោយឡែក ងាយទៅលម្អិតអំពីមូលហេតុដែលត្រូវរៀនជំនាញថ្មីវិញម្តង! បើនិយាយពីការជ្រើសរើស ហាក់មិនសូវខុសគ្នា ពីការជ្រើសរើសសកម្មភាពដែលខ្លួនចូលចិត្តប៉ុន្មានទេ គឺរៀនជំនាញបន្ថែមដែលពុំធ្លាប់សាកល្បងពីមុនៗ និងកុំបារម្ភ អំពីថា តើឆ្លើយតបនឹងកន្លែងការងារឬអត់ អ្វីដែលសំខាន់ តើវាឆ្លើយតបនឹងតម្រូវការផ្ទាល់ខ្លួន ឬចំណូលចិត្តខ្លួនបែបណា ព្រោះការរៀនជំនាញថ្មី ក្រៅពីរង្វង់ការងារ ទោះមិនផ្តល់ផលប្រយោជន៍ដោយផ្ទាល់ ក៏អាចជះឥទ្ធិពលដោយប្រយោលដែរ។
ជំនាញទូទៅដែលយុវវ័យគួរសាកល្បងមានដូចជា រៀនបង្កើតផេកផ្សព្វផ្សាយតាមបណ្តាញសង្គម រៀនឌីហ្សាញបែបមូដ្ឋានគ្រឹះដែលចាប់ផ្តើមពីកម្មវិធី Canva ឬក៏ជំនាញបច្ចេកទេសដទៃៗទៀត៕
