ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ដំណើរជីវិតរបស់មនុស្សម្នាក់ៗមានសភាពខុសៗគ្នា ដោយបុគ្គលខ្លះមានម្តាយឪពុកជាអ្នកណែនាំត្រួសត្រាយបង្ហាញផ្លូវយ៉ាងរលូន ប៉ុន្តែខ្លះទៀតត្រូវពឹងលើការខិតខំប្រឹងប្រែងផ្ទាល់ខ្លួន។ ទោះជារូបភាពបែបណាក៏ដោយ លទ្ធផលជោគជ័យរបស់មនុស្សម្នាក់ៗវាអាស្រ័យលើការខិតខំ និងការតស៊ូព្យាយាម ប្រៀបដូចសុភាសិតខ្មែរមួយឃា្លលើកឡើងថា “សេចក្តីព្យាយាមគង់បានសម្រេច”។ ជាក់ស្តែងយុវជន ម៉ី ច័ន្ទក្សត្រា មានអាយុ 20 ឆ្នាំ បានបង្កើតអាជីវកម្មផ្ទាល់ខ្លួនមួយ តាមរយៈបទពិសោធន៍សន្សំពីការងារស្ម័គ្រចិត្តក្នុងពេលកំពុងសិក្សានៅសាកលវិទ្យាល័យ។
អាជីវកម្មរួមភាគហ៊ុនឈ្មោះថា “ដឹកជញ្ជូនរហ័ស” មានគ្នីគ្នាចូលរួមចំនួនបួននាក់ ត្រូវបានបង្កើតឡើងក្នុងពេលដែល ច័ន្ទក្សត្រា កំពុងសិក្សាថ្នាក់បរិញ្ញាបត្រសិក្សាអន្តរជាតិ នៅវិទ្យាស្ថានភាសាបរទេស (IFL) នៃសាកលវិទ្យាល័យភូមិន្ទភ្នំពេញ។ ទន្ទឹមនឹងពេលវេលារៀនបណ្តើរធ្វើការងារស្ម័គ្រចិត្តបណ្តើរ ច័ន្ទក្សត្រា មានឱកាសច្រើនចូលរួមកម្មវីធីផ្លាស់ប្តូរបទពិសោធន៍សិក្សាផ្សេងៗទាំងក្នុងនិងក្រៅប្រទេស។
“ខ្ញុំបានធ្វើការងារស្ម័គ្រចិត្តជាច្រើន ពីព្រោះការងារនេះជួយហ្វឹកហាត់ និងផ្តល់បទពិសោធន៍ដល់ខ្ញុំ ដើម្បីពង្រឹងសមត្ថភាពខ្លួនឯង និងមានគំនិតរកស៊ីផងរៀនផង”។
យុវជន ម៉ី ច័ន្ទក្សត្
ឆ្នាំ 2018 យុវជន ម៉ី ច័ន្ទក្សត្រា បានចាប់ផ្តើមប្រើប្រាស់លុយសន្សំផ្ទាល់ខ្លួនចូលហ៊ុនគ្នាបើកអាជីវកម្មដឹកជញ្ជូនរហ័ស។ ការងារនេះមិនមែនជារឿងងាយស្រួលនោះទេសម្រាប់រូបគេដែលមានបទពិសោធន៍ក្មេងខ្ចីលើការងារអាជីវកម្ម។
“ខ្ញុំព្យាយាមកំណត់និងបែងចែកពេលវេលាសិក្សាបានច្បាស់និងប្ដេជ្ញាចិត្តខ្ពស់… ខ្ញុំគិតថាអាជីវកម្មដែលខ្ញុំជ្រើសយកនេះ វាចាំបាច់ក្នុងពេលបច្ចុប្បន្ន និងទៅអនាគត” ។
យុវជន ម៉ី ច័ន្ទក្សត្
ដើម្បីឱ្យអាជីវកម្មដំណើរការរលូន យុវជនរូបនេះបានបញ្ជាក់ថា គន្លឹះជោគជ័យក្នុងការងារកន្លងទៅដោយរក្សាផ្នត់គំនិតផ្លាស់ប្ដូរខ្លួនឯងឱ្យកាន់តែរីកច្រើនទៅមុខជានិច្ច។
“ពេលវេលាដែលមិនអាចបោះបង់ចោលបានសម្រាប់ខ្លួនឯង គឺពេលវេលាដើម្បីលំហែរអារម្មណ៍ ខ្ញុំឆ្លៀតពេលធ្វើឱ្យខ្លួនឯងរីករាយ ទើបខ្ញុំមិនបាក់ទឹកចិត្ត”។
យុវជន ម៉ី ច័ន្ទក្សត្
ក្រៅពីមានម្ចាស់ភាគហ៊ុនក្នុងអាជីវកម្ម “ដឹកជញ្ជូនរហ័ស” បច្ចុប្បន្ន ច័ន្ទក្សត្រា បានបង្កើតអាជីវកម្មលក់អនឡាយទៀត និងមានបំណងពង្រីកអាជីវកម្មមួយនេះឱ្យបានទូលំទូលាយបន្ថែមទៀតនៅថ្ងៃខាងមុខ។ សម្រាប់យុវជន ម៉ី ច័ន្ទក្សត្រា “បើមានបំណងត្រូវក្លាហានធ្វើ ចេះកំណត់ពេលវេលា និងមានគោលដៅច្បាស់លាស់”៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
ហេតុអ្វីកម្ពុជានៅលេខ៨១ ក្នុងរង្វាយតម្លៃ PISA ឆ្នាំ២០២២ ទោះជាមានកំណែទម្រង់វិស័យអប់រំឆ្នាំ២០១៤?
រដ្ឋមន្រ្តីអប់រំដាក់ចេញទិសដៅយុទ្ធសាស្រ្តចំនួន ៤ ដើម្បីបន្តកែលម្អប្រព័ន្ធអប់រំកម្ពុជា មានភាពប្រកួតប្រជែងក្នុងតំបន់ និងអន្តរជាតិ
ឯកឧត្តម ហង្ស សុតសំភារ ៖ ស្ថាបត្យករវ័យក្មេងបច្ចុប្បន្ន មានសមត្ថភាពខ្ពស់ អាចបន្តវេនសម្រាប់ការសាងប្រទេសជាតិ ពិសេសវិស័យស្ថាបត្យកម្ម
ឯកឧត្តម ឈួរ សុបញ្ញា ៖ ពេលយុវជនមានបេះដូងដឹងគុណ នោះសង្គមនឹងមានមូលដ្ឋានរឹងមាំ ប្រកបដោយសីលធម៌ គុណធម៌ និងសាមគ្គីភាព
តើ ពោត ល្អចំពោះសុខភាពដែរ ឬទេ?
ឱកាសរបស់យុវជនឆ្នើមលើវិស័យបច្ចេកវិទ្យា និងការបង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ
រដ្ឋមន្រ្តីអប់រំ អំពាវនាវឱ្យសាលារៀនគំរូ និងសាលារៀនទាំងអស់ បញ្ចូលស្មារតីស្នេហាជាតិក្នុងកម្មវិធីសិក្សា
វេសឡាញបង្កើតក្រុមប្រឹក្សាសិស្សដើម្បីរួមចំណែកអភិវឌ្ឍសាលារៀន សហគមន៍ និងបណ្តុះភាពជាអ្នកដឹកនាំ
ក្រសួងវប្បធម៌ អំពាវនាវឱ្យយុវជនប្រើប្រាស់ទិវានៃក្តីស្រឡាញ់ ជាឱកាសបង្ហាញមនោសញ្ចេតនាស្រឡាញ់ដឹងគុណ
អ៊ី ស៊ីដា ៖ តស៊ូរស់ដើម្បីកូន និងប្រទេសកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
