ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យធានជីន សម្រាប់ឆ្នាំសិក្សា២០២៥។
លក្ខខណ្ឌក្នុងការជ្រើសរើស ៖ ជាបេក្ខជនមិនមានសញ្ជាតិចិន, មានលិខិតឆ្លងដែន, មានសញ្ញាបត្រថ្នាក់បរិញ្ញាបត្រសម្រាប់បេក្ខជនស្នើពាក្យថ្នាក់បរិញ្ញាបត្រជាន់ខ្ពស់ និងមានអាយុក្រោម៣៥ឆ្នាំ, បេក្ខជនត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ សម្រាប់បេក្ខជនស្នើពាក្យថ្នាក់បណ្ឌិត និងមានអាយុក្រោម៤០ឆ្នាំ។ ជាមួយគ្នានេះ បេក្ខជនគ្រប់កម្រិតថ្នាក់ត្រូវមានក្រមសីលធម៌ល្អ មានសុខភាពផ្លូវចិត្ត និងផ្លូវកាយល្អ មានឆន្ទៈក្នុងការសិក្សា គោរពច្បាប់ និងបទប្បញ្ញត្តិរបស់សាកលវិទ្យាល័យធានជីន។
សម្រាប់កម្មវិធីសិក្សាជាភាសាចិន បេក្ខជនត្រូវមានវិញ្ញាបនបត្រ HSK5 (ពិន្ទុ ១៨០ឡើង) សម្រាប់កម្មវិធីសិក្សាជាភាសាអង់គ្លេស បេក្ខជនត្រូវមានលិខិតបញ្ជាក់សមត្ថភាពភាសាអង់គ្លេស TOEFL ៨០ឡើងទៅ និង IELTS ៦.០ឡើងទៅ។
បេក្ខជនជ័យលាភីអាហារូបករណ៍ នឹងទទួលបានការគាំទ្រពីភាគីចិនដូចជា ៖ ថ្លៃស្នាក់នៅ ការធានារ៉ាប់រងផ្នែកវេជ្ជសាស្ត្រ និងប្រាក់ឧបត្ថម្ភប្រចាំខែ ដោយថ្នាក់បរិញ្ញាបត្រជាន់ខ្ពស់ទទួលបាន ៣០០០RMB ក្នុងមួយខែ និងថ្នាក់បណ្ឌិតទទួលបាន ៣៥០០RMBក្នុងមួយខែ។
បេក្ខជនដែលមានចំណាប់អារម្មណ៍ក្នុងការដាក់ពាក្យ និងព័ត៌មានបន្ថែមអាចចូលទៅកាន់ https://mp.weixin.qq.com/s/_xwz21MCjSHaO4Q3B7GMZA ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០៥ ខែកុម្ភៈ ឆ្នាំ២០២៥៕
