ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ផ្នត់គំនិតតិចនិយម ឬការអនុវត្តឱ្យមានសម្ភារៈតិចតួចតែសំខាន់ៗនៅក្នុងផ្ទះ បានជះឥទ្ធិពលឱ្យកន្លែងស្នាក់នៅ មានភាពស្រស់ស្រាយ ងាយស្រួលសម្អាត និងរក្សាអនាម័យ ឬបង្កលក្ខណៈងាយស្រួលតាមរយៈការរស់នៅមានភាពសាមញ្ញៗ ក្នុងគោលដៅចំណេញដល់ពេលវេលា និងថវិកា។
មិនថាបរិវេណផ្ទះធំ ឬតូច កំឡុងពេលមានភាពស្មុគស្មាញជាមួយនឹងបរិយាកាសដែរអួអាប់ នោះការចំណាយពេលដើម្បីជម្រុះចោលរបស់ដែលមិនចាំបាច់ និងសិក្សាពីគន្លឹះបន្ថែមអំពីការតុបតែងតាមបែបបទដោយប្រើប្រាស់សម្ភារៈតិច និងរក្សាអនាម័យគ្រប់ពេល គឺជាដំណោះស្រាយនៃបញ្ហាមួយនេះ។ តាមរយៈគេហទំព័រ The Spruce បានបង្ហាញគន្លឹះ ៣សម្រាប់ រក្សាភាពស្រលះទូលាយនៅក្នុងផ្ទះ។
១. រៀបចំទុកមុន ៖ ការរៀបចំទុកមុន មិនត្រូវការឱ្យអនុវត្តចំពោះមនុស្សគ្រប់គ្នានោះទេ ដោយហេតុថា មនុស្សមួយចំនួនមានទម្លាប់ទុកដាក់ របស់របទៅតាមសភាពដើមវិញបានទៀងទាត់ ដូច្នេះពួកគេអាចរៀបចំនៅពេលព្រឹកក៏មិនមានបញ្ហាអ្វីចោទខ្លាំងនោះទេ។ តែយ៉ាងណា ការរៀបចំ និងសម្អាតកន្លែងរស់នៅឱ្យរួចរាល់នៅពេលយប់មុនពេលចូលគេង គឺជាកត្តាដែលមិនបង្កហានិភ័យនៅពេលព្រឹក និងបញ្ចៀសសកម្មភាពប្រញាប់ប្រញាល់ ឬភ្លេចភ្លាំង។
២. បោកគក់រាល់ថ្ងៃ ៖ ទោះបីជា នៅក្នុងផ្ទះ មានសម្ភារៈដែលនៅសល់តិចតួចយ៉ាងណា ក៏ដោយ ប៉ុន្តែភាពរញ៉េរញ៉ៃអាចនឹងបង្កឡើងយ៉ាងឆាប់រហ័ស ប្រសិនបើទម្លាប់នៃការបោកគក់ត្រូវបានអាក់ខានក្នុងថ្ងៃណាមួយ។ ដូច្នេះការបង្កើនទម្លាប់សម្អាតសម្លៀកបំពាក់ រៀងរាល់ថ្ងៃ ឬក៏ប្រមូលសម្លៀកបំពាក់ដាក់បោកនៅទីតាំងផ្តល់សេវាកម្មជាប្រចាំ ជាកត្តាអាចរក្សារបៀបរស់នៅបែបតិចនិយមមានភាពយូរអង្វែង។
៣. បន្ថែមសម្ភារៈ១ ដកសម្ភារៈ១ ៖ ការសម្អាតជាចំណុចសំខាន់ ប៉ុន្តែនៅពុំទាន់គ្រប់គ្រាន់ ដែលជាហេតុបង្ហាញថា ការរក្សាបរិយាកាសឱ្យមានភាពស្រលះទូលាយបានជាប្រចាំ ជាកត្តាដែលពុំគួរមើលរំលង ហើយដើម្បីរក្សាភាពទូលាយនេះបាន រៀងរាល់ពេលដែលអ្នកមានគម្រោងនាំយកសម្ភារៈថ្មីៗមកចូលក្នុងផ្ទះ ត្រូវពិនិត្យរាល់សម្ភារៈចាស់ៗទាំងឡាយណាដែលមិនចាំបាច់ជាមុនសិន ថាតើត្រូវបោះចោល ឬបរិច្ចាគទៅកាន់អ្នកដទៃ។ ជារួម គឺការបន្ថែមរបស់របរថ្មីៗចូលទៅក្នុងផ្ទះ គួរពិចារណាអំពីតម្រូវការ និងភាពចាំចាប់ឱ្យបានល្អិតល្អន់៕
