ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
គោលបំណងនៃការទទួលទានកាហ្វេរបស់មនុស្សមួយចំនួនគឺដើម្បីជំរុញថាមពល ប៉ុន្តែការពិសាកាហ្វេទាំងពោះទទេ អាចបណ្តាលឱ្យបង្កើនភាពស្រ្តេស និងប៉ះពាល់សុខភាពរាងកាយទៅវិញ ។ ដូច្នេះហើយទើបវិធីសាស្រ្តនៃការផឹកកាហ្វេប្រកបដោយភាពឈ្លាសវៃជារឿងគួរឱ្យចាប់អារម្មណ៍សម្រាប់អ្នកចូលចិត្តទទួលទានកាហ្វេ។
យោងតាមគេហទំព័រ Mirror បានបង្ហាញអំពីសកម្មភាពសាមញ្ញៗមួយចំនួនដែលគួរធ្វើមុនពេលទទួលទានកាហ្វេ ដោយមានដូចជា៖
រក្សារាងកាយឱ្យមានជាតិទឹក ៖ លោកអ្នកអាច ពិសាទឹកមួយកែវដែលស្ថិតក្នុងសីតុណ្ហភាពក្ដៅឧណ្ហៗ ឬក៏ទឹកដែលមានសារធាតុផ្លែក្រូចឆ្មារ មុនពេលទទួលទានកាហ្វេ។
ពិសាអាហារមានសារធាតុចិញ្ចឹម ៖ មុនពេលចាប់កាន់កែវកាហ្វេ លោកអ្នកគួរតែអនុញ្ញាតឱ្យរាងកាយទទួលបានរបបអាហារដែលមានសារធាតុចិញ្ចឹម ដូចជាប្រូតេអ៉ីន ឬអាហារមានជាតិសរសៃគ្រប់គ្រាន់ ឬក៏អាហារណាដែលទ្រទ្រង់តុល្យភាពកម្រិតជាតិស្ករកុំឱ្យលើសបរិមាណចំពោះរាងកាយ។
ហាត់ប្រាណ ៖ មានមនុស្សមួយចំនួនទទួលទានកាហ្វេ មុនពេលហាត់ប្រាណ ហើយពួកគាត់ជឿជាក់ថា កាហ្វេជួយឱ្យកាត់បន្ថយការគិតច្រើន និងបន្ធូរអារ្មណ៍មិនល្អ។ ផ្ទុយមកវិញ អ្នកជំនាញនិយាយថា ទទួលទានកាហ្វេមុនហាត់ប្រាណអាចបណ្តាលឱ្យលោកអ្នកកាន់តែមានភាពតានតឹង និងធ្វើឱ្យរាងកាយញ័រកន្រ្តាក់រឿយៗនៅពេលពិសាកាហ្វេមុនទៅហាត់ប្រាណ។ ដូច្នេះលោកអ្នក គួរតែធ្វើលំហាត់ប្រាណសិន បន្ទាប់មកចាំទទួលទានកាហ្វេតាមក្រោយ៕
