ទម្លាប់ដាក់សម្ពាធខ្លួនឯងខ្លាំងពេកងាយបណ្តាលឱ្យមនុស្សមានបញ្ហាសុខភាពផ្លូវចិត្ត

អារម្មណ៍ស្មុកស្មាញចាក់ស្រេចក្នុងខួរក្បាល គិតមិនចេញដំណោះស្រាយ ជាប់ជំពាក់វក់វីនៅក្នុងចិត្ត និងរុញគំនិតឱ្យសុញរាល់ពេលដោះស្រាយបញ្ហា នេះជាសញ្ញាបង្ហាញថា មនុស្សកំពុងទទួលរងសម្ពាធផ្លូវចិត្តអ្វីមួយពីខាងក្រៅ និងកំពុងរងទារុណផ្លូវចិត្តផ្ទាល់ខ្លួន ។ ពិតណាស់គ្មាននរណាម្នាក់ដឹងថា សុខភាពផ្លូវចិត្តមនុស្សម្នាក់មានរូបរាងយ៉ាងណានោះទេ ប៉ុន្តែគេក៏អាចសម្គាល់ទៅលើភាពមិនប្រក្រតីនៃសកម្មភាពរស់នៅរបស់មនុស្ស ។ បុគ្គលខ្លះមើលមិនដឹងទាល់តែសោះថាមានបញ្ហាផ្លូវចិត្តកើតឡើង ឬមានជំងឺផ្លូវចិត្ត ចំណែកបុគ្គលខ្លះទៀតអាចបង្ហាញឱ្យដឹងតាមរយៈពាក្យសម្តី អាកប្បកិរិយា ទំនាក់ទំនង និងសកម្មភាពរស់នៅជាក់ស្តែង ។

តាមការសិក្សាពីបញ្ហាសុខភាពផ្លូវចិត្តទូទៅ បានរកឃើញថា បញ្ហាសុខភាពផ្លូវចិត្តរបស់មនុស្សកើតឡើងដោយសារកត្តាចិត្តសាស្រ្ត កត្តាជីវសាស្ត្រ ព្រមទាំងកត្តាសង្គមនិងបរិស្ថានរស់នៅ ។ លោកវេជ្ជបណ្ឌិត យឹម សុបុត្រា អ្នកឯកទេសវិកលវិទ្យា និងជានាយកមន្ទីរសម្រាកព្យាបាលផ្លូវចិត្តសាន់ រ៉ាយ មានប្រសាសន៍ថា កត្តារួមផ្សំទាំងបីនេះ ងាយនឹងជំរុញឱ្យមនុស្សឈានទៅរកការគ្រប់គ្រងស្ថានភាពផ្លូវចិត្តខ្លួនឯងមិនបានល្អ ហើយឈានទៅប្រើប្រាស់គ្រឿងស្រវឹង គ្រឿងញៀន ដាក់ខ្លួនឯងឱ្យស្ងៀមស្ងាត់តែម្នាក់ និងលេបថ្នាំផ្សេងៗ ដោយយល់ច្រឡំថាជាមធ្យោបាយដោះស្រាយបញ្ហាផ្លូវចិត្ត ។ បញ្ហាទាំងអស់នេះ អាចកើតឡើងដោយសារការទម្លាប់ដាក់សម្ពាធខ្លួនឯងខ្លាំងទៅលើដំណោះស្រាយនៃបញ្ហារហូតដល់គ្មានដំណោះស្រាយ ។

មានហេតុផលបីចំណុចដែលអាចបង្ហាញយ៉ាងច្បាស់ថា បុគ្គលដែលមានទម្លាប់ដាក់សម្ពាធខ្លួនឯងខ្លាំងពេក អាចបណ្តាលឱ្យមានបញ្ហាសុខភាពផ្លូវចិត្តកើតឡើង ។ ទី១ គិតច្រើនពេក ៖ គិតច្រើនដើម្បីរកដំណោះស្រាយជារឿងត្រឹមត្រូវដែលគ្រប់គ្នាអាចស្វែងរកច្រកចេញពីបញ្ហា ប៉ុន្តែប្រសិនបើការគិតនោះកាន់តែមើលមិនឃើញដំណោះស្រាយ យូរៗទៅសកម្មភាពនៃការគិតនេះនឹងក្លាយជាសម្ពាធផ្លូវចិត្តកាន់តែធ្ងន់ និងរុញខ្លួនឯងឱ្យប៉ះទង្គិចផ្លូវចិត្តឥតឈប់ឈរ ។ ស្ថានភាពប៉ះទង្គិចផ្លូវចិត្តនេះហើយ អាចឱ្យមនុស្សកើតមានវិបត្តិផ្លូវចិត្ត ។

ទី២ បារម្ភខ្លាំងពេក ៖ ធម្មជាតិនៃអារម្មណ៍របស់មនុស្សតែងមានការព្រួយបារម្ភលើស្ថានភាព ឬរូបភាពអ្វីមួយដែលបានកើតឡើង និងមិនទាន់កើតឡើង ។ អាការៈបារម្ភខ្លាំងពេក គឺងាយនឹងដាក់សម្ពាធឱ្យខ្លួនឯងគិតច្រើន ភ័យខ្លាច ឬលែងហ៊ានចំពោះរឿងរ៉ាវផ្សេងៗក្នុងរយៈពេលខ្លីចំពោះមុខ និងសម្រាប់រយៈពេលវែង ។ ពេលខ្លះបញ្ហាថប់បារម្ភ (Anxiety Disorder) របស់មនុស្សនឹងកើតឡើងភ្លាមៗ ឈានទៅរកស្ថានភាពថប់បារម្ភញឹកញាប់ជាប្រចាំ ។

ទី៣ ចង់បានភាពល្អឥតខ្ចោះខ្លាំងពេក ៖ សម្ពាធផ្លូវចិត្តរបស់ខ្លួនកើតឡើងដោយចំណង់ខ្ពស់របស់ខ្លួនលើរឿងអ្វីមួយ អាចឱ្យមនុស្សភ្លេចខ្លួនឯង និងឈប់ខ្វល់ពីមនុស្សជុំវិញខ្លួន ។ នៅពេលធ្វើកិច្ចការមិនបានសម្រេចដូចបំណង អារម្មណ៍ខកចិត្តចាប់ផ្តើមកើតឡើង អាការៈអាក់អន់ស្រពន់ចិត្តសន្សំបានជាគំនរសម្ពាធដាក់លើខ្លួនឯងកាន់តែខ្លាំង ។ ការរំពឹងខ្ពស់ ឬចង់បានភាពល្អឥតខ្ចោះមិនមែនជារឿងខុសឆ្គងនោះទេ ប៉ុន្តែការរំពឹងល្អឥតខ្ចោះខ្លាំងពេក គឺជាបន្ទុករបស់ចិត្តប្រៀបដូចជារូបភាពសន្សំថ្មដាក់លើអំរែកខ្លួនឯង ។

សូមចងចាំថា អ្វីដែលធ្ងន់ធ្ងរបំផុតនាំឱ្យមនុស្សមានវិបត្តិផ្លូវចិត្ត គឺមនុស្សតែងដាក់សម្ពាធខ្លួនឯងខ្លាំងពេករាល់ពេលជួបបញ្ហា ឬស្វែងរកដំណោះស្រាយនៃបញ្ហា ។ មធ្យោបាយដែលអាចដោះទម្លាប់ដាក់សម្ពាធ ឬដាក់បន្ទុកខ្លួនឯងខ្លាំងពេក គឺប្តូរការគិតវិជ្ជមាន (positive thinking) លើស្ថានភាពដែលខ្លួនបានជួប ។ វិធីល្អបំផុតកុំគិតច្រើនពេក កុំបារម្ភខ្លាំងពេក និងកុំរំពឹងចង់បានភាពល្អឥតខ្ចោះខ្លាំងពេក ។ គួរទម្លាក់រឿងដែលកំពុងតានតឹង ចាប់រឿងសាមញ្ញៗជាជម្រើសសិន ។

ប្រសិនបើអ្នកមានអារម្មណ៍ថា ខ្លួនកំពុងកើតមានសម្ពាធអ្វីមួយលើដំណើរផ្លូវចិត្ត សូមនៅស្ងៀមស្ងាត់ ឬបន្តគិតច្រើនជ្រុលតែឯង ត្រូវប្រញាប់រកអ្នកជំនាញចាស់ទុំប្រឹក្សាយោល់ មិត្តដែលជិតស្និទ្ធ អ្នកជំនាញសុខភាពផ្លូវចិត្ត គ្រូពេទ្យឯកទេសវិកលវិទ្យា ដើម្បីទទួលបានការប្រឹក្សាយោបល់ និងទទួលបានការព្យាបាលទាន់ពេលវេលាពីអ្នកជំនាញ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេស​ខេត្តពោធិ៍សាត់ ផ្តល់ការ​សិក្សា​ជំនាញឥតគិតថ្លៃ ចំនួន៣០០កន្លែង

ព័ត៌មានអាហារូបករណ៍, ព្រឹត្តិការណ៍

• 09/09/2024

វិទ្យាស្ថាន​ពហុបច្ចេកទេស​ខេត្តពោធិ៍សាត់ ប្រកាស​ជ្រើសរើស​យុវជន យុវនារី ដែល​មក​ពី​គ្រួសារ​ក្រីក្រ និង​គ្រួសារ​ងាយរងហានិភ័យ​ឱ្យ​ចូលរៀន​ជំនាញវិជ្ជាជីវៈ និង​បច្ចេកទេស កម្រិតសញ្ញាបត្រ​បច្ចេកទេស និង​វិជ្ជាជីវៈ១ (C1) ចំនួន៣០០កន្លែង​ដោយ​ឥតគិតថ្លៃ។

អាហារូបករណ៍ថ្នាក់បរិញ្ញាបត្រ សិក្សា​នៅសាកលវិទ្យាល័យ Alberta ប្រទេស​កាណាដា

ព័ត៌មានអាហារូបករណ៍, ព្រឹត្តិការណ៍

• 30/10/2026

University of Alberta ប្រទេសកាណាដា បានប្រកាសផ្តល់អាហារូបករណ៍ និងរង្វាន់លើកទឹកចិត្តថ្នាក់បរិញ្ញាបត្រ សម្រាប់និស្សិតឆ្នើម និស្សិតមានភាពជាអ្នកដឹកនាំ

មូលនិធិព្រីនស៍ បញ្ចប់វគ្គសម្ភាសន៍ចុងក្រោយ ប្រកបដោយជោគជ័យ សម្រាប់អាហារូបករណ៍ ចេន ហ្ស៊ី ជំនាន់ទី៣

ព័ត៌មានអាហារូបករណ៍, ព្រឹត្តិការណ៍

• 11/03/2024

មូលនិធិព្រីនស៍ដែលជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប ថ្មីៗនេះបានធ្វើបទសម្ភាសន៍ចុងក្រោយ សម្រាប់កម្មវិធីអាហារូបករណ៍ ចេន ហ្ស៊ី របស់ខ្លួន។

អាហារូបករណ៍សាកលវិទ្យាល័យពីមូលនិធិ Child’s Dream សិក្សានៅប្រទេសថៃ ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 19/12/2024

មូលនិធិ Child’s Dream ប្រកាសជ្រើសរើសសិស្ស-និស្សិត ទៅសិក្សាថ្នាក់បរិញ្ញាបត្រសិក្សានៅសាកលវិទ្យាល័យនានានៅ​ប្រទេសថៃសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការ និងជ្រើសរើសសម្រាប់សិស្ស-និស្សិត...

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍ ១០០% កម្រិតសញ្ញាបត្រជាន់ខ្ពស់​បច្ចេកទេស ចំនួន១០៥កន្លែង

ព័ត៌មានអាហារូបករណ៍, ព្រឹត្តិការណ៍

• 07/10/2025

វិទ្យាស្ថាន​ពហុបច្ចេកទេស​ភូមិភាគ​តេជោ​សែនបាត់ដំបង បានប្រកាស​ផ្តល់អាហារូបករណ៍ ១០០% សរុបចំនួន ១០៥កន្លែង សម្រាប់ការសិក្សា​កម្រិតសញ្ញាបត្រ​ជាន់ខ្ពស់​បច្ចេកទេស សិក្សា​រយៈពេល ២ឆ្នាំ​ដោយ​ឥតគិតថ្លៃ។

អាហារូបករណ៍សិក្សាជំនាញវិជ្ជាជីវៈចំនួន៣៦០ន្លែងនៅវិទ្យាស្ថានពហុបច្ចេកទេសខេត្តកំពង់ធំ

ព័ត៌មានអាហារូបករណ៍, ព្រឹត្តិការណ៍

• 25/09/2024

ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ធំ ចំនួន៣៦០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១២មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យ...

វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនចូលរៀនជំនាញឥតបង់ថ្លៃចំនួន ៥៤០កន្លែង

ព័ត៌មានអាហារូបករណ៍, ព្រឹត្តិការណ៍

• 04/12/2023

វិទ្យាស្ថានពហុបច្ចេកទេស​ខេត្តកំពង់ធំ បានប្រកាស​ជ្រើសរើស​យុវជន យុវនារី ដែលមកពីគ្រួសារក្រីក្រ និង​គ្រួសារងាយរងហានិភ័យឱ្យ​ចូល​សិក្សា​ជំនាញបច្ចេកទេស និង​វិជ្ជាជីវៈ ឥតបង់ថ្លៃចំនួន ៥៤០កន្លែង។

ឱកាសសិក្សាអាហារូបករណ៍ថ្នាក់ឧត្ដមសិក្សា ពីសាកលវិទ្យាល័យ Yale នៅសហរដ្ឋអាមេរិក ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 20/10/2023

ឱកាសសិក្សាអាហារូករណ៍ថ្នាក់ឧត្ដមសិក្សានៅវិទ្យាស្ថានផ្សេងៗក្នុងសាកលវិទ្យាល័យ Yale សម្រាប់និស្សិតអន្តរជាតិទូទាំងពិភពលោកសិក្សានៅសហរដ្ឋអាមេរិក។​ អាហារូបករណ៍ផ្ដល់ជូនការសិក្សាថ្នាក់បរិញ្ញបត្រ ....

អាហារូបករណ៍សិក្សានៅវិទ្យាស្ថានជាតិសហគ្រិនភាព និងនវានុវត្តន៍សិក្សាថ្នាក់ជំនាញវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 23/04/2024

ឱកាសសិក្សាជំនាញវិជ្ជាជីវៈរយៈពេលខ្លីនៅវិទ្យាស្ថានជាតិសហគ្រិនភាព និងនវានុវត្តន៍ជាច្រើនជំនាញក្រោមគម្រោង ១,៥លាននាក់ និងផ្ដល់ជូន...