ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា ប្រកាសជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំឯកទេសប្រឹក្សាគរុកោសល្យ ជំនាន់ទី៥ ឆ្នាំសិក្សា២០២៣-២០២៤ ។ ការបណ្ដុះបណ្ដាលនឹងសិក្សានៅ មជ្ឈមណ្ឌលស្រាវជ្រាវគរុកោសល្យជំនាន់ថ្មី នៃវិទ្យាស្ថានជាតិអប់រំ ។
លក្ខខណ្ឌនៃការជ្រើសរើស បេក្ខជនត្រូវមានសញ្ជាតិខ្មែរ ជាបុគ្គលិកក្របខណ្ឌក្រសួងអប់រំ យុវជន និងកីឡា មានជីវប្រវត្តិច្បាស់លាស់ មានសុខភាពល្អ មានសញ្ញាបត្របរិញ្ញាបត្រ ឬសញ្ញាបត្រដែលមានតម្លៃស្មើ និងមានលក្ខខណ្ឌអាយុគិតត្រឹមថ្ងៃប្រឡងយោងតាមសញ្ញាបត្រ ។ បេក្ខជនដែលមានកម្រិតបណ្ដុះបណ្ដាលចាប់ពីបណ្ឌិតត្រូវបានលើកលែងករណីអាយុ បេក្ខជនដែលមានសញ្ញាបត្របរិញ្ញាបត្រជាន់ខ្ពស់ ឬសញ្ញាបត្រសមមូលត្រឹមអាយុ៤០ឆ្នាំគិតត្រឹមថ្ងៃប្រឡង ។ បេក្ខជនដែលមានសញ្ញាបត្រថ្នាក់បរិញ្ញាបត្រ ឬសញ្ញាបត្រសមមូល ត្រូវមានអាយុច្រើនបំផុត៣៥ឆ្នាំ គិតត្រឹមថ្ងៃប្រឡង ។
វិញ្ញាសារប្រឡងដែលបេក្ខជនត្រូវប្រឡងមាន សំនួរសរសេរ និងការសម្ភាសន៍ ដោយវិញ្ញាសា ចិត្ត-គរុកោសល្យ ជាប្រភេទសំនួរពហុជ្រើសរើសរយៈពេល៦០នាទី ។ វិញ្ញាភាសាអង់គ្លេស ផ្នែកចំណេះដឹងភាសាកម្រិតមធ្យមរយៈពេល៩០នាទី ។ បេក្ខជនដែលជាប់លើវិញ្ញាសារទាំង២ខាងលើនឹងឈានដល់វគ្គសម្ភាសន៍ការងារ(ទូទៅ)រយៈពេល២០នាទី និងបង្ហាញការបង្រៀនសាកល្បងលើមេរៀនណាមួយដែលបានជ្រើសរើសដោយបេក្ខជនរយៈពេល២០នាទី ។
សម័យប្រឡងចាប់ពីថ្ងៃទី២០ ខែសីហា ដល់ថ្ងៃទី១៥ ខែកញ្ញា ឆ្នាំ២០២៣ ។ បេក្ខជនដែលមានចំណាប់អារម្មណ៍ក្នុងការដាក់ពាក្យ អាចដាក់ពាក្យតាមរយៈ https://forms.gle/SXcbU5yLYYVvVsGc8 ។ បេក្ខជនអាចចុះឈ្មោះចាប់ពីថ្ងៃផ្សាយដំណឹងនេះរហូតដល់ថ្ងៃទី៣១ ខែកក្កដា ឆ្នាំ២០២៣ ។
សម្រាប់ព័ត៌មានបន្ថែមអាចទំនាក់ទំនងផ្ទាល់ទៅវិទ្យាស្ថានជាតិអប់រំ (មជ្ឈមណ្ឌលស្រាវជ្រាវគរុកោសល្យជំនាន់ថ្មី) អគារ I ស្ថិតនៅ#១២៣ មហាវិថីព្រះនរោតម្ត រាជធានីភ្នំពេញ៕
