បន្ថែមសកម្មភាពទាំង៩ដើម្បីកម្ចាត់ភាពឯកោពេលរស់នៅម្នាក់ឯង

ការបណ្តោយឱ្យភាពឯកោកើតមានរ៉ាំរ៉ៃ អាចបណ្តាលឱ្យពួកគេប្រឈមនឹងបញ្ហាបាក់ទឹកចិត្ត សុខភាពរាងកាយចុះខ្សោយ និងបង្កភាពឈឺចាប់ជាលំដាប់។ រស់នៅម្នាក់ឯង ជាកត្តាមួយនាំឱ្យមនុស្សកើតមាននូវអារម្មណ៍ឯកោ ដែលជំរុញឱ្យពួកគេរក្សាខ្លួននៅដាច់ដោយឡែក ឬរក្សាគម្លាតពីមនុស្សជាដើម បើទោះបីជាស្ថិតនៅក្នុងទីប្រជុំដោយមនុស្សម្នាក៏ដោយ ពួកគេហាក់មិនសូវជាមានទំនាក់ទំនងជាមួយមនុស្សជុំវិញខ្លួនឡើយ។ ដើម្បីជាគន្លឹះយកទៅអនុវត្តក្នុងការដោះស្រាយនឹងបញ្ហានេះ គេហទំព័រ verywellmind ផ្តល់ជូនវិធី ៩ចំណុច ហើយមានរៀបរាប់លម្អិតដូចខាងក្រោម ៖

១. ចូលរួមវគ្គសិក្សា និងក្លឹបអភិវឌ្ឍន៍នានា ៖ មិនថាជាប្រភេទ វគ្គសិក្សាផ្នែកសិល្បៈ ឬក៏ក្លឹបអានសៀវភៅនោះទេ ឱ្យតែអាចជួយឱ្យអ្នកមានឱកាសស្វែងរកចំណាប់អារម្មណ៍ផ្ទាល់ខ្លួន ឬអ្វីមួយដែលអ្នកចូលចិត្ត។ ចូរស្វែងរកទីតាំង តាមរយៈបណ្ណាល័យ ដែលស្ថិតនៅក្នុងតំបន់ក្បែរកន្លែងស្នាក់នៅ ឬសហគមន៍ ដែលបង្កើតឡើងដើម្បីផ្តល់ឱកាសឱ្យសាធារណៈជនចូលរួម ពីព្រោះវាអាចនាំមកនូវអារម្មណ៍កក់ក្ដៅ ដោយការក្លាយជាផ្នែកណាមួយនៃក្រុមនោះ ហើយថែមទាំងអាចជំរុញឱ្យមានភាពច្នៃប្រតិដ្ឋ និងកម្ចាត់ភាពឯកាបានមួយផ្នែកដែរ។

២. ស្ម័គ្រចិត្ត ៖ បើនិយាយអំពីប្រយោជន៍នៃការចូលរួមសកម្មភាពស្ម័គ្រចិត្ត ហាក់មិនសូវខុសគ្នាអំពីការចូលរួមវគ្គសិក្សាថ្មីៗប៉ុន្មានឡើយ ដោយហេតុថា ការទៅជួប ឬជួយអ្នកដទៃ និងក្លាយទៅជាបំណែកវិជ្ជមាននៅក្នុងក្រុមណាមួយ រួចបង្កើតបាននូវការចងចាំសកម្មភាពថ្មីៗ ប្រៀបបាននឹងការបន្ថែមន័យទៅកាន់ជីវិត បង្កើនសុភមង្គល និងការពេញចិត្តចំពោះការរស់នៅ។ បន្ថែមពីនោះ ធ្វើការជាមួយមនុស្សដែលត្រូវការជំនួយ ឬអ្នកដែលមានឱកាសតិចជាង ជំរុញឱ្យអ្នកយល់បានស៊ីជម្រៅជាងមុន និងដឹងគុណនូវអ្វីដែលអ្នកកំពុងតែមាននាពេលបច្ចុប្បន្ន។

៣. ស្វែងរកការគាំទ្របន្ថែមតាមបណ្តាញសង្គម ៖ តាមរយៈការប្រើប្រាស់បណ្តាញសង្គមដូចជា ហ្វេសប៊ុក កម្មវិធីហាត់ប្រាណ និងការប្រឹក្សាណាមួយ ដោយបង្កើនចំនួនបន្ថែមនូវប្រភេទមនុស្សដែលអ្នកចូលចិត្ត ប៉ុន្តែត្រូវប្រុងប្រយ័ត្ននូវការចែកចាយព័ត៌មានផ្ទាល់ខ្លួនដូចជា លេខគណនីធនាគា និងគណនីផ្សេងៗទៀត។

៤. ពង្រឹងទំនាក់ទំនងដែលមានស្រាប់ ៖ ជាធម្មតាអ្នកតែងតែមានមនុស្សដែលស្គាល់គ្នាជាយូរ ឬក៏សមាជិកគ្រួសារដែលអាចពឹងអាស្រ័យបានរួចជាស្រេចហើយ។ បើដូច្នេះ ហេតុអ្វីមិននិយាយជាមួយមិត្តឱ្យបានច្រើនជាងមុន ចេញក្រៅឱ្យបានច្រើន ហើយស្វែងរកវិធីសាស្រ្តដើម្បីរីករាយនឹងទំនាក់ទំនងដែលមានស្រាប់ រួចពង្រឹងការប្រាស្រ័យនោះឱ្យប្រសើរជាងមុន ព្រោះវាក៏ជាវិធីបំបាត់ភាពឯកោបានដែរ។

៥. ថែទាំសត្វចិញ្ចឹម ៖ សត្វចិញ្ចឹមមានច្រើនប្រភេទ ជាពិសេសឆ្កែ និងឆ្មា។  ការសង្គ្រោះសត្វចិញ្ចឹម អាចបង្កើននូវអារម្មណ៍ល្អៗ ព្រោះបានផ្សារភ្ជាប់ខ្លួនឯងជាមួយនឹងជីវិតអ្វីមួយ ចំណុចនេះហើយជាវិធីកាត់បន្ថយភាពឯកោ ពេលដែលនៅម្នាក់ឯង។ ទន្ទឹមគ្នានោះ អាចជួយឱ្យអ្នកភ្ជាប់ទំនាក់ទំនងជាមួយនឹងអ្នកដទៃតាមរយៈការនាំសត្វទៅលេងក្នុងសហគមន៍ណាមួយ។ កូនសត្វដែលមានរូបរាងស្អាតៗ មុខស្លូតបូតទាំងនោះ នឹងបង្រៀនឱ្យអ្នកចែករំលែក ក្ដីស្រឡាញ់ ក្ដីមេត្តា ដោយគ្មានលក្ខខណ្ឌ។

៦. និយាយជាមួយមនុស្សប្លែកមុខ ៖ ដើម្បីបង្កើតទំនាក់ទំនងបន្ថែមនៅក្នុងដំណើរជីវិតប្រចាំថ្ងៃ គឺការធ្វើអន្តរកម្មជាមួយអ្នកស្គាល់គ្នា ឬមនុស្សដែលប្លែកមុខពេលដែលអ្នកបានជួប។ ការសិក្សាស្រាវជ្រាវមួយបានបង្ហាញថា ការបរិច្ចាគទៅកាន់សង្គម បង្កើតបានបរិយាកាសដែលមានផាសុកភាព ដូច្នេះអ្នកគួរតែជាមនុស្សម្នាក់ដែលចាប់ផ្តើមការសន្ទនាមុន ទៅនិយាយជាមួយមនុស្សថ្មីៗ ប្រៀបបាននឹងការផ្តល់ជូនទៅអ្នកដទៃមុនដូច្នោះដែរ។

៧. ថែទាំខ្លួនឯង ៖ នៅពេលដែលអ្នកមានអារម្មណ៍ឯកោ ត្រូវពិនិត្យឱ្យប្រាកដក្នុងចិត្តថា អ្វីដែលអ្នកកំពុងធ្វើបច្ចុប្បន្ននេះ ពិតជាបានឆ្លើយតបនៅនឹងផលវិជ្ជមានចំពោះខ្លួនឯងទេ? មិនថាក្នុងវិធីណាក៏ដោយ។ ការថែរក្សាខ្លួនគឺជាគន្លឹះដ៏ល្អមួយ ជាពិសេសនៅពេលដែលអ្នកមានអារម្មណ៍មិនល្អ ឬធ្លាក់ស្មារតីទឹកចិត្តដោយសារអ្វីមួយ។ ផ្តើមដោយការបរិភោគអាហារដែលមានសារធាតុចិញ្ចឹម ធ្វើលំហាត់ប្រាណ គេងឱ្យបានគ្រប់គ្រាន់ វានឹងជួយឱ្យលោកអ្នកទទួលបានលទ្ធផលវិជ្ជមានឆ្លើយតបក្នុងរយៈពេលវែង។

៨. ធ្វើខ្លួនឱ្យរវល់ ៖ យកសកម្មភាពរវល់ទៅរំខានខ្លួនឯង ដើម្បីកម្ចាត់នូវអារម្មណ៍ឯកោ ហើយនៅជាមួយខ្លួនឯងឱ្យបានច្រើនតាមដែលអាចធ្វើបាន។ តើមាននៅសល់កិច្ចការណានៅក្នុងផែនការ ប៉ុន្តែមិនទាន់បានសម្រេចឬទេ? បើដូច្នោះមែន នេះគឺជាឱកាសដែលគួរតែចាប់ផ្តើមពីឥឡូវនេះទៅ វិនិយោគជាមួយនឹងខ្លួនឯង ហើយរក្សាគោលជំហរនៅក្នុងចិត្ត ធ្វើវាឱ្យប្រសើរជាងមុនជានិច្ច មានន័យថា រវល់ឱ្យចំគោលដៅ។

៩. ទៅប្រឹក្សាយោបល់ជាមួយអ្នកជំនាញសុខភាពផ្លូវចិត្ត ៖ អ្នកសិក្សាស្រាវជ្រាវបានផ្តល់ជាយោបល់ថា ភាពឯកោគឺជាសញ្ញានាំទៅរកការបាក់ទឹកចិត្ត វាមានន័យថានៅពេលអ្នកកាន់តែមានភាពឯកោ ការកើនឡើងនូវអារម្មណ៍តានតឹង នឹងនាំទៅរកផលអវិជ្ជមាន ។ កាលដែរគ្រាន់តែចេញទៅក្រៅ និងជួបមនុស្សថ្មីៗ មិនទាន់ឆ្លើយតបនៅឡើយទេ ព្រោះភាពឯកោនៅតែមាន ទោះបីជាអ្នកនៅជាមួយមនុស្សជាច្រើនក៏ដោយ ឬក៏អាចនិយាយបានថា ទទួលបានភាពតាងតឹងពីបរិយាកាសសង្គមខាងក្រៅត្រឡប់មកវិញក៏មាន។ ប្រសិនបើករណីនេះកើតឡើងចំពោះអ្នក នោះវាដល់ពេលដែលត្រូវស្វែងរកអ្នកមានជំនាញប្រឹក្សាផ្លូវចិត្ត ដើម្បីបង្ហាញទិសដៅដោះស្រាយនឹងអារម្មណ៍ឯកោទាំងនោះ ជាពិសេសនៅពេលដែលអ្នកមានសញ្ញាវិបត្តិផ្សេងទៀតបន្ថែមពីភាពឯកោ។

ជារួមមកវិញ មិនថាលោកអ្នកជ្រើសយកវិធីអ្វីក៏ដោយ ដើម្បីទៅដោះស្រាយជាមួយនឹងភាពឯកោ អ្នកត្រូវចាំក្នុងចិត្តថា អ្នកមិនមែនជាមនុស្សតែម្នាក់នោះទេដែលជួបបញ្ហានេះ។ ទន្ទឹមគ្នានោះ អ្នកក៏គួរកត់សម្គាល់ថា នៅមានមនុស្សជាច្រើនទៀតដែលអាចគាំទ្រអ្នកបាន ហើយក៏មានវីធីចម្រុះបន្ថែមក្រោយការអធិប្បាយប្រាំបួនចំណុចខាងលើ។ ដូច្នេះជ្រើសយក តែវិធីណាដែលសមស្របជាមួយនឹងស្ថានភាពបច្ចុប្បន្ន ដើម្បីយកទៅអនុវត្តឱ្យបង្កើតបានទៅជាផលវិជ្ជមានក្នុងការរស់នៅប្រចាំថ្ងៃ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់ឧត្ដមសិក្សា ពីសាកលវិទ្យាល័យ Yale នៅសហរដ្ឋអាមេរិក ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 20/10/2023

ឱកាសសិក្សាអាហារូករណ៍ថ្នាក់ឧត្ដមសិក្សានៅវិទ្យាស្ថានផ្សេងៗក្នុងសាកលវិទ្យាល័យ Yale សម្រាប់និស្សិតអន្តរជាតិទូទាំងពិភពលោកសិក្សានៅសហរដ្ឋអាមេរិក។​ អាហារូបករណ៍ផ្ដល់ជូនការសិក្សាថ្នាក់បរិញ្ញបត្រ ....

វិទ្យាស្ថានជាតិពាណិជ្ជសាស្រ្តផ្តល់អាហារូបករណ៍ សិក្សា​ជំនាញ​ក្នុង​វិស័យ​ធុរកិច្ច និង​ព័ត៌មានវិទ្យា ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 22/04/2024

វិទ្យាស្ថានជាតិពាណិជ្ជសាស្រ្ត បានប្រកាស​ផ្តល់អាហារូបករណ៍​ជាច្រើន​កន្លែង​ដល់​យុវជន​ ដែលមាន​បំណង​ចង់សិក្សា​ជំនាញក្នុងវិស័យ​ធុរកិច្ច និង​ព័ត៌មាន​វិទ្យា។

ឱកាសសិក្សាអាហារូបករណ៍ជំនាញវិជ្ជាជីវៈជាច្រើនកន្លែងនៅវិទ្យាស្ថានជាតិពាណិជ្ជសាស្ត្រ

ព័ត៌មានអាហារូបករណ៍, ព្រឹត្តិការណ៍

• 11/09/2024

ឱកាសសិក្សាជំនាញវិជ្ជាជីវៈដោយឥតគិតថ្លៃ និងសិក្សារយៈពេលខ្លីសម្រាប់យុវជន យុវនារី ដែលមានជីវភាពខ្វះខាត នៅវិទ្យាស្ថានជាតិពាណិជ្ជសាស្ត្រ។ អាហារូបករណ៍ផ្ដល់ជូនការសិក្សាជំនាញជាច្រើនកន្លែងសម្រាប់យុវជន យុវនារី និងសាធារណៈជន...

ឱកាសសិក្សាអាហារូបករណ៍សម្រាប់វគ្គសិក្សារដូវក្ដៅនៅប្រទេសអាល្លឺម៉ង់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/11/2024

ឱកាសសិក្សាអាហារូបករណ៍សម្រាប់វគ្គសិក្សានារដូវក្ដៅក្នុងប្រទេស អាល្លឺម៉ង់ឆ្នាំសិក្សា២០២៥ ពីកម្មវិធី DAAD University Summer Courses 2025 ។ អាហារូបករណ៍ផ្ដល់ជូនសម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ដោយការសិក្សា...

ឱកាសអាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)

ព័ត៌មានអាហារូបករណ៍, ព្រឹត្តិការណ៍

• 28/09/2026

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។

បំណង ​ផ្ដល់​អាហារូបករណ៍​កន្លែង​ស្នាក់នៅ​ ​២​១០​កន្លែង​ ​ដល់​និស្សិត​បន្ត​ការ​សិក្សា​នៅ​រាជធានី​ភ្នំពេញ​សម្រាប់​ឆ្នាំ​សិក្សា​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 25/08/2026

​ដើម្បី​ជួយ​សម្រួល​ដល់​ការ​លំបាក ​និង​កាត់បន្ថយ​បន្ទុក​ចំណាយ​លើ​ការ​ស្វែងរក​កន្លែង​ស្នាក់​នៅ​ប្រកបដោយ​គុណភាព​ សុវត្ថិភាព​ ​និង​តម្លៃ​សមរម្យ​ ​"​បំណង​"

អាហារូបករណ៍ល្បីៗ៣ប្រភេទសម្រាប់និស្សិតចង់ទៅ​សិក្សានៅប្រទេសតួគី

ព័ត៌មានអាហារូបករណ៍, ព្រឹត្តិការណ៍

• 20/06/2023

កម្មវិធីអាហារូបករណ៍៣ប្រភេទកំពុងបើកផ្ដល់អាហារូបករណ៍ថ្នាក់ឧត្តមសិក្សានៅសាកលវិទ្យាល័យជាច្រើនដែលជាសាកលវិទ្យាល័យដៃគូក្នុងប្រទេស...

អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/04/2024

ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...

អង្គការជឿជាក់លើសិស្សជនបទកម្ពុជា ជ្រើសរើសសិស្ស-និស្សិតសិក្សាអាហារូបករណ៍ចំនួន២០កន្លែងសម្រាប់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 04/06/2024

អង្គការជឿជាក់លើសិស្សជនបទកម្ពុជាប្រកាសជ្រើសរើស សិស្ស-និស្សិតចំនួន២០នាក់ដើម្បីសិក្សាអាហារូបករណ៍នៅថ្នាក់វិទ្យាល័យ សាកលវិទ្យាល័យ...