ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – លើកឡើងនៅក្នុងពិធីចែកសញ្ញាបត្រដល់និស្សិតសាកលវិទ្យាល័យឯកទេសនៃកម្ពុជា (CUS) សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានមានប្រសាសន៍ថា សម្តេចកំពុងតែសិក្សាផ្តល់ការបណ្តុះបណ្តាលជំនាញវិជ្ជាជីវៈ និងបច្ចេកទេស ជូនដល់យុវជនពីគ្រួសារក្រីក្រ និងគ្រួសារងាយរងហានិភ័យនៅទូទាំងប្រទេស ឱ្យទទួលបានការសិក្សានៅតាមគ្រឹះស្ថានបណ្តុះបណ្តាលរបស់រដ្ឋក្នុងកម្រិតសញ្ញាបត្របច្ចេកទេស និងវិជ្ជាជីវៈកម្រិត១ ដោយមិនបង់ថ្លៃ ហើយទទួលបានប្រាក់ឧបត្ថម្ភប្រចាំខែថែមទៀត។
សម្តេចតេជោបញ្ជាក់ថា យ៉ាងយូរនៅចុងឆ្នាំនេះ ឬដើមឆ្នាំក្រោយគម្រោងនោះនឹងចាប់ផ្តើម ដោយមានន័យថា រាជរដ្ឋាភិបាលនឹងរ៉ាប់រងសម្រាប់សិស្សដែលចេញពីគ្រួសារក្រីក្រគ្មានលទ្ធភាពទៅកាន់មហាវិទ្យាល័យ ដោយទទួលការបណ្តុះបណ្តាលជំនាញវិជ្ជាជីវៈដោយមិនបង់ថ្លៃ ហើយក៏នឹងទទួលបានប្រាក់ឧបត្ថម្ភពីរាជរដ្ឋាភិបាលផងដែរ។
” លទ្ធភាពនៃការជំរុញការបណ្តុះបណ្តាលជំនាញវិជ្ជាជីវៈឱ្យយុវជនក្រីក្រទទួលបានការបណ្តុះបណ្តាល មិនត្រឹមតែមិនបង់ប្រាក់ទេ ប៉ុន្តែយើងត្រូវផ្តល់ប្រាក់ឧបត្ថម្ភឱ្យពួកគាត់ថែមទៀត… ដោយសារថវិកាជាតិត្រូវបានអនុម័តរួចហើយ យើងគ្មានកញ្ចប់ថវិកាដើម្បីអនុវត្តទេ ប៉ុន្តែរឿងនេះយើងនឹងអនុវត្តនៅចុងឆ្នាំ ឬដើមឆ្នាំក្រោយតែម្តង “
បើតាមប្រសាសន៍លើកឡើងរបស់សម្តេចតេជោនាយករដ្ឋមន្រ្តី កម្ពុជាមានសក្តានុពល គឺយុវជនវ័យក្មេងមានចំនួនច្រើន ក៏ប៉ុន្តែសមត្ថភាពរបស់ពួកគេនៅមានកម្រិត ។ យ៉ាងណាក៏ដោយ នៅពេលដែលគម្រោងដាក់ឱ្យដំណើរការសម្តេចរំពឹងថា យុវជនប្រមាណ១លាន៥សែននាក់នឹងត្រូវបណ្តុះបណ្តាលក្នុងមួយឆ្នាំៗនូវជំនាញដែលជាតម្រូវការរបស់អ្នកវិនិយោគ៕
