ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា នឹងរៀបចំការប្រកួតស្នាដៃគំនូរកុមារ ស្ដីពី “ការអប់រំឌីជីថល វិទ្យាសាស្ត្រ និងបច្ចេកវិទ្យា និងកិច្ចសហប្រតិបត្តិការអាស៊ាន” ដើម្បីជាការលើកកម្ពស់ការយល់ដឹងជាសាធារណៈ ក្នុងដំណើរលើគន្លងថ្មីឆ្ពោះទៅកាន់ការអប់រំឌីជីថល ។ លើសពីនេះ លើកកម្ពស់ការអប់រំវិទ្យាសាស្រ្ត និងបច្ចេកវិទ្យា ក៏ដូចជាអបអរសាទរពិធីសម្ពោធជាផ្លូវការ នៃមជ្ឈមណ្ឌលអាស៊ានសម្រាប់ការអប់រំឌីជីថល ជាព្រឹត្តិការណ៍អមកិច្ចប្រជុំសហគមន៍សង្គម-វប្បធម៌របស់កម្ពុជា ក្នុងកិច្ចប្រជុំកំពូលអាស៊ាន ឆ្នាំ២០២២។
បើតាមសេចក្ដីជូនដំណឹងរបស់ក្រសួងអប់រំ កុមារដែលអាចចូលរួមក្នុងព្រឹត្តិការណ៍នេះ ត្រូវតែជាសិស្សកំពុងរៀននៅកម្រិតបឋមសិក្សា ពីថ្នាក់ទី១ដល់ថ្នាក់ទី៦ នៅគ្រឹះស្ថានសិក្សារដ្ឋ ឬឯកជន គឺត្រូវគូរគំនូរ ដោយប្រើខ្មៅដៃពណ៌ គូល័រទឹក ឬ គូល័រប្រេង ឬ ប្រភេទផ្សេងទៀតតាមការនិយម នៅលើក្រដាសទំហំ A3 (297 x 420 mm) ជាលក្ខណៈបញ្ឈរ ឬផ្តេក ។ គំនូរត្រូវរៀបចំលើក្រដាសដែលមានផ្ទៃពណ៌ស ហើយត្រូវរក្សាគម្លាតពីគែមសងខាងនៃក្រដាសប្រមាណ៣សង់ទីម៉ែត្រ។
ជាមួយគ្នានេះ បេក្ខជនត្រូវសរសេរ ឈ្មោះជាភាសាខ្មែរ និងឡាតាំង, ថ្ងៃ ខែ ឆ្នាំកំណើត, ទីកន្លែងកំណើត, ឈ្មោះសាលារៀន និងទីតាំងសាលារៀន និងលេខទូរស័ព្ទដែលអាចទាក់ទងបាន នៅផ្នែកខាងក្រោយនៃផ្ទាំងគំនូរ។ លើសពីនេះ ត្រូវសរសេរពីបទបរិយាយពីអត្ថន័យ នៃផ្ទាំងគំនូរបស់ខ្លួន សរសេរដោយដៃ នៅលើក្រសដាស A4 ឬក្រដាសសៀវភៅដាច់ដោយឡែក ហើយកឹបភ្ជាប់ជាមួយផ្ទាំងគំនូរ។
សិស្សានុសិស្សអាចជ្រើសរើសប្រធានបទមួយ ក្នុងចំណោមប្រធានបទ៣ខាងក្រោម សម្រាប់ការគូរ រួមមាន៖
ទី១. “ការអប់រំឌីជីថល” ដែលបង្ហាញពីការអភិវឌ្ឍនាពេលបច្ចុប្បន្ន នូវរបៀបនៃការរៀននៅក្នុងថ្នាក់រៀន នៅផ្ទះ នៅបណ្ណាល័យ… ដោយប្រើប្រាស់ឧបករណ៍អេឡិកត្រូនិច ការស្រាវជ្រាវតាមអ៊ីនធើណែត ការធ្វើការងារជាក្រុម ការប្រើបច្ចេកវិទ្យាកុំព្យូទ័រ ឬ ក្តីស្រមៃរបស់សិស្សចំពោះអនាគតនៃការសិក្សារបស់ខ្លួនក្នុងបរិបទនៃការអប់រំឌីជីថល។
ទី២. “ការអប់រំវិទ្យាសាស្រ្ត និងបច្ចេកវិទ្យា” ដែលបង្ហាញពីការអប់រំ STEM ការសិក្សា ការពិសោធន៍ ឬ ការអនុវត្តជាក់ស្តែងនៃការអប់រំវិទ្យាសាស្រ្តនិងបច្ចេកវិទ្យា ការចូលរួមរបស់សិស្សនៅក្នុងការអភិវឌ្ឍវិស័យវិទ្យាសាស្រ្តនិងបច្ចេកវិទ្យា មុខរបរ ឬអាជីពក្នុងវិស័យវិទ្យាសាស្រ្ត និងបច្ចេកវិទ្យា ឬ ក្តីស្រមៃរបស់សិស្សចំពោះការអភិវឌ្ឍវិទ្យាសាស្រ្តនិងបច្ចេកវិទ្យាសម្រាប់កម្ពុជា។
ទី៣. “កិច្ចសហប្រតិបត្តិការអាស៊ាន” ដែលបង្ហាញពីការស្វាគមន៍ និងភាពជាប្រធានអាស៊ាននៃកម្ពុជា ចំពោះប្រទេសសមាជិកអាស៊ានដទៃនិងពិភពលោកទាំងមូល សេចក្តីសុខសុវត្ថិភាពនៃប្រទេសកម្ពុជាចំពោះការធ្វើដំណើរនៃភ្ញៀវទេសចរណ៍ បំណងប្រាថ្នារបស់សិស្សក្នុងការទៅទស្សនា ឬកំសាន្តនៅប្រទេសអាស៊ានដទៃ ឬ ក្តីស្រមៃរបស់សិស្សចំពោះការលើកស្ទួយកិត្តិនាមកម្ពុជាលើឆាកអន្តរជាតិ។
ការទទួលស្នាដៃគំនូរ ចាប់ពីថ្ងៃទី២០ ដល់ថ្ងៃទី៣១ ខែសីហា ឆ្នាំ២០២២ ជាការចាប់ផ្តើមគូរគំនូរដោយសិស្សានុសិស្សនៅតាមសាលាបឋមសិក្សា។ សម្រាប់ព័ត៌មានបន្ថែមសូមទំនាក់ទំនងតាមរយៈទូរស័ព្ទលេខ ០១២ ៧៣៣ ៤៦៦។
គួរជម្រាបជូនថា ក្រសួងអប់រំនឹងជ្រើសរើសស្នាដៃផ្ទាំងគំនូរដែលមានលក្ខណៈពិសេស ទៅតាមប្រធានបទនីមួយៗ ដើម្បីរៀបចំជាពិព័រណ៍នៅមជ្ឈមណ្ឌលអាស៊ានសម្រាប់ការអប់រំឌីជីថល ដែលមានទីតាំងនៅបរិវេណវិទ្យាល័យព្រះស៊ីសុវត្ថិ និងផ្សព្វផ្សាយលើបណ្តាញសង្គម និងគេហទំព័រផ្លូវការរបស់ក្រសួងអប់រំ យុវជន និងកីឡា។ ក្រសួងនឹងចងក្រងជាសៀវភៅអនុស្សាវរីយ៍ ដើម្បីជាការផ្តល់កិត្តិយសសម្រាប់សិស្សានុសិស្ស ដែលបានចូលរួម និងផ្តល់ជូននូវវិញ្ញាបនបត្របញ្ជាក់ការចូលរួម និងរង្វាន់លើកទឹកចិត្តចំពោះជ័យលាភី ១០នាក់ និងវិញ្ញាបនបត្របញជាក់ការចូលរួមចំនួន ៥០នាក់ជូនចំពោះស្នាដៃផ្ទាំងគំនូរដែលមានលក្ខណៈពិសេស៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ជំនាញវិជ្ជាជីវៈជាច្រើនកន្លែងនៅវិទ្យាស្ថានជាតិពាណិជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 11/09/2024
ឱកាសសិក្សាជំនាញវិជ្ជាជីវៈដោយឥតគិតថ្លៃ និងសិក្សារយៈពេលខ្លីសម្រាប់យុវជន យុវនារី ដែលមានជីវភាពខ្វះខាត នៅវិទ្យាស្ថានជាតិពាណិជ្ជសាស្ត្រ។ អាហារូបករណ៍ផ្ដល់ជូនការសិក្សាជំនាញជាច្រើនកន្លែងសម្រាប់យុវជន យុវនារី និងសាធារណៈជន...
ឱកាសអាហារូបករណ៍សិក្សានៅប្រទេសអូស្ត្រាលី ពី Macquarie University International Scholarship សម្រាប់និស្សិតពីតំបន់អាស៊ាន
ព័ត៌មានអាហារូបករណ៍, ព្រឹត្តិការណ៍
• 30/12/2025
សាកលវិទ្យាល័យ Macquarie ដែលជាគ្រឹះស្ថានសិក្សាលំដាប់ថ្នាក់អន្តរជាតិមួយក្នុងប្រទេសអូស្ត្រាលី កំពុងប្រកាសផ្តល់អាហារូបករណ៍ Vice-Chancellor's International Scholarship សម្រាប់និស្សិតឆ្នើមមកពីបណ្តា...
វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/06/2025
ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស របស់រាជរដ្ឋាភិបាល
អាហារូបករណ៍ថ្នាក់ភាសាចិន ២០កន្លែងសិក្សារយៈពេល១ឆ្នាំ នៅសាធារណរដ្ឋប្រជាមានិតចិន
ព័ត៌មានអាហារូបករណ៍, ព្រឹត្តិការណ៍
• 18/01/2024
សមាគមទំនាក់ទំនងយុវជនកម្ពុជា-ចិន បានប្រកាសពីអាហារូបករណ៍ថ្នាក់ភាសាចិន ចំនួន ២០កន្លែង សិក្សារយៈពេល១ឆ្នាំ (ចូលរៀនថ្ងៃទី០១ ខែមីនា ឆ្នាំ២០២៤ រហូតដល់ថ្ងៃទី១៥ ខែមករា ឆ្នាំ២០២៥) នៅខេត្តហឺណាន...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 19/11/2025
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។
ឱកាសសិក្សាអាហារូបករណ៍១៥០កន្លែង នៅបណ្ឌិតសភាបច្ចេកវិទ្យាឌីជីថលកម្ពុជាឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 13/11/2023
បណ្ឌិតសភាបច្ចេកវិទ្យាឌីជីថលកម្ពុជាប្រកាសប្រលងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជំនាញឯកទេសនានាចំនួន១៥០កន្លែងក្នុងឆ្នាំសិក្សា២០២៣-២០២៤។ អាហារូបករណ៍....
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Donghua ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 01/08/2025
កម្មវិធីអាហារូបករណ៍ Donghua University Scholarship 2026 ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៦ នៅសាកលវិទ្យាល័យ Donghua ប្រទេសចិន។
អាហារូបករណ៍ថ្នាក់បរិញ្ញាបត្រជាន់ខ្ពស់ ៥០កន្លែង លើជំនាញបច្ចេកវិទ្យាឌីជីថល នៅ CADT
ព័ត៌មានអាហារូបករណ៍, ព្រឹត្តិការណ៍
• 12/01/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) ប្រកាសជ្រើសរើសនិស្សិតអាហារូបករណ៍ចំនួន ៥០ នាក់ ស្មើនឹង ២ ថ្នាក់ ដើម្បីសិក្សាថ្នាក់ បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល ព្រមទាំងធ្វើការបណ្តុះបណ្តាលវិធីសាស្ត្របង្រៀនជំនាញបច្ចេកវិទ្យាឌីជីថល...
អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 18/09/2023
វិទ្យាស្ថានពហុបច្ចេកទេសខេត្តកំពង់ធំ (PIKT) ប្រកាសជ្រើសរើសសិស្ស-និស្សិតថ្នាក់អាហារូបករណ៍ សិក្សាជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូតដល់កម្រិតសញ្ញាបត្រជាន់ខ្ពស់បច្ចេកទេស...
កម្មវិធីពិសេសរបស់ AMS EDUCATION
ព័ត៌មានសង្ខេប
