ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការទទួលទានអាហារពេលយប់មិនមែនជារឿងល្អសម្រាប់សុខភាពនោះទេ ជាពិសេសគឺប៉ះពាល់ដល់ការគ្រប់គ្រងទម្ងន់ តែយ៉ាងណាប្រសិនបើអ្នកឃ្លាន អ្នកជំនាញបានណែនាំអាហារមួយចំនួនដែលផ្តល់នូវអាហារូបត្ថម្ភ ដូចជា ផ្លែឈើ ស៊ុត ឬក៏ប្រភេទអាហារទាំងឡាយណាដែលផ្តល់ភាពលឿនរហ័សក្នុងការរំលាយ និងជំរុញបាននូវសុខភាពល្អ។ តាមរយៈគេហទំព័រ Healthline បានបង្ហាញប្រភេទអាហារមួយចំនួន ដែលអាចទទួលទានបានពេលឃ្លានខ្លាំង កំឡុងពេលយប់ជ្រៅ។
១. ផ្លែចេក ៖ ចេកជាប្រភេទផ្លែឈើ ដែលងាយស្រួលរក នៅលើទីផ្សារដើម្បីយកមកទទួលទានជាអាហារសម្រន់ មិនត្រឹមតែប៉ុណ្ណោះ ចេកគឺជាផ្លែឈើ សម្បូរទៅដោយសារធាតុសរសៃ និងអាចសម្រួលដល់ប្រព័ន្ធរំលាយអាហារ និងជាបំណែកនៃដំណោះស្រាយសម្រាប់អ្នកពិបាកបន្ទោបង់។
២. យូហ្គើត ៖ យូហ្គើត ជាប្រភេទអាហារសម្រន់ដែលមានជាតិកាល់ស្យូម និងប្រូតេអ៊ីន រួមទាំងមានសមត្ថភាពក្នុងការរក្សាឆ្អឹងឱ្យរឹងមាំ និងបង្កើនឱ្យមានគុណភាពនៃការគេង។ ក្រៅពីការញាំទឹកដោះគោយ៉ាអួគ្រប់ប្រភេទ គេអាចញាំលាយជាមួយនឹងផ្លែឈើស្រស់ៗដែលមិនសូវសម្បូរជាតិស្ករដើម្បី បន្ថែមរស់ជាតិ និងការថែរក្សារាងកាយ។
៣. គ្រាប់ល្ពៅ ៖ ជ្រើសយក គ្រាប់ល្ពៅជាអាហារសម្រន់ ដើម្បីទទួលទាននៅពេលយប់ មិនត្រឹមតែកាត់បន្ថយផលប៉ះពាល់ចំពោះរាងកាយ រួមទាំងជំរុញការទទួលទានដំណេកឱ្យមានគុណភាពជាងមុន។
៤. ស៊ុត ៖ ស៊ុត ជាប្រភេទអាហារដែលមិនមានឧបសគ្គក្នុងការស្វែងរកពេកនោះទេ រួមទាំងអាចយកទៅប្រើប្រាស់ច្នៃជាអាហារបានយ៉ាងសម្បូរបែប មិនថាជាអាហារស្រូបយកថាមពល ឬក៏ប្រើស៊ុតគ្រាន់ជាអាហារសម្រន់ដើម្បីបំពេញតម្រូវការឃ្លានខ្លាំង៕
