ក្រសួងអប់រំ ប្រកាសជ្រើសរើសយុវជនដាក់ពាក្យចូលរួមកម្មវិធីជជែកដេញ

ភ្នំពេញ – ដើម្បីចូលរួមអបអរសាទរខួបលើកទី៥៥ របស់អាស៊ាន និងកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ានលើកទី៤០ និងលើកទី៤១ នៅឆ្នាំ២០២២ នេះ ក្រសួងអប់រំ យុវជន និងកីឡា បានរៀបចំគំនិតផ្តួចផ្តើម “ឆ្នាំ២០២២ ជាឆ្នាំនៃយុវជនអាស៊ាន – the Year of ASEAN Youth 2022” ។ ទន្ទឹមគ្នានេះ ក្រសួងរៀបចំព្រឹត្តិការណ៍អមចំនួន៤ ដោយផ្តោតទៅលើសក្តានុពលនិងគំនិតច្នៃប្រតិដ្ឋរបស់យុវជនអាស៊ាន ។

ព្រឹត្តិការណ៍អមចំនួន៤ ដែលក្រសួងអប់រំរៀបចំ រួមមាន ទី១. កិច្ចសន្ទនាយុវជនអាស៊ានលើកទី១ ទី២. កម្មវិធីប្រកួតប្រជែងវីដេអូយុវជនអាស៊ានលើកទី៦ ទី៣. កម្មវិធីប្រកួតប្រជែងរូបថតយុវជនអាស៊ាន និង ទី៤. កម្មវិធីជជែកដេញដោលយុវជនអាស៊ាន ២០២២ ។ នេះបើតាមការបញ្ជាក់របស់ លោក ម៉ិល ផនសីហា អនុប្រធាននាយកដ្ឋានយុវជន និងជាជនបង្គោលនៃឧត្តមមន្ត្រីយុវជនកម្ពុជា ។

លោក ម៉ិល ផនសីហា អនុប្រធាននាយកដ្ឋានយុវជន និងជាជនបង្គោលនៃឧត្តមមន្ត្រីយុវជនកម្ពុជា មានប្រសាសន៍ថា កាលពីឆ្នាំ២០១៩ អគ្គលេខាធិការដ្ឋានអាស៊ាន បានផ្តួចផ្តើមឱ្យមានការរៀបចំកិច្ចសន្ទនាយុវជនអាស៊ានលើកទី១ (1st ASEAN Youth Dialogue) ។ លោកបន្តថា នេះជាវេទិកាសម្រាប់យុវជនអាស៊ានក្នុងការចូលរួមវិភាគវែកញែកពីគោលនយោបាយប្រកបដោយខ្លឹមសារ តាមរយៈកិច្ចសន្ទនាយុវជនអាស៊ានជាទៀងទាត់ ក្រោមការឧបត្ថម្ភរបស់រដ្ឋាភិបាលនៃសាធារណរដ្ឋកូរ៉េ និងបានស្នើឱ្យព្រះរាជាណាចក្រកម្ពុជាទទួលធ្វើជាម្ចាស់ផ្ទះនៅខេត្តសៀមរាប។

លោក ម៉ិល ផនសីហា បន្ថែមថា កម្មវិធីប្រកួតប្រជែងវីដេអូយុវជនអាស៊ានលើកទី៦ (6th ASEAN Youth Video Contest) ជាកម្មវិធីប្រចាំឆ្នាំរបស់មូលនិធិអាស៊ាន ដែលបានប្រារព្ធឡើងចំនួន ៥លើករួចមកហើយ ហើយលើកទី៦នេះ កម្ពុជានឹងទទួលធ្វើជាម្ចាស់ផ្ទះរៀបចំកម្មវិធីតាមប្រព័ន្ធអនឡាញ ដោយកាលពីឆ្នាំ២០២០ និងឆ្នាំ២០២១ មិនបានប្រារព្ធដោយសារបញ្ហាជំងឺកូវីដ-១៩។

លោក ម៉ិល ផនសីហា មានប្រសាសន៍ទៀតថា កម្មវិធីប្រកួតប្រជែងរូបថតយុវជនអាស៊ាន (ASEAN Youth Photo Competition) និងកម្មវិធីជជែកដេញដោលយុវជនអាស៊ាន ២០២២ (ASEAN Youth Debate 2022) ជាគំនិតផ្ដួចផ្ដើមរបស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា ។ លោកបន្តថា កម្មវិធីនេះ មានគោលបំណងចងក្រងសៀវភៅរូបថតរបស់យុវជនអាស៊ាន ជាវត្ថុអនុស្សាវរីយ៍ជូនដល់រដ្ឋមន្រ្តីអាស៊ានទាំងអស់ដែលចូលរួមក្នុងកិច្ចប្រជុំក្រុមប្រឹក្សាសហគមន៍សង្គមវប្បធម៌អាស៊ាន (ASCC Council Meeting) នៅខែតុលា ឆ្នាំ២០២២ ខាងមុខ និងអបអរសាទរខួបលើកទី៥៥ នៃការបង្កើតអាស៊ាន តាមរយៈបង្កើតជាវេទិកាជជែកដេញដោលយុវជនក្នុងក្របខណ្ឌអាស៊ានសំដៅលើកកម្ពស់ការយល់ដឹងរបស់យុវជនអំពីអាស៊ាន។

លោកអនុប្រធាននាយកដ្ឋានយុវជន បញ្ជាក់បន្ថែមថា កម្មវិធីជជែកដេញដោលយុវជនអាស៊ាន ២០២២ បង្កើតឡើងក្នុងគោលបំណង ទី១. លើកកម្ពស់ការយល់ដឹងរបស់យុវជនអំពីគុណតម្លៃ និងអត្តសញ្ញាណរបស់អាស៊ាន ទី២. កសាងសមត្ថភាពយុវជនឱ្យមានភាពក្លាហាន អភិវឌ្ឍជំនាញត្រិះរិះពិចារណា ការសិក្សាស្រាវជ្រាវ ការចែករំលែកគំនិត និងជំនាញនិយាយសាធារណៈជាដើម និងទី៣. ផ្ដល់វេទិកាឱ្យយុវជនលើកឡើងអំពីបញ្ហាប្រឈម និងរកដំណោះស្រាយតាមរយៈការជជែកដេញដោល។

លោក ម៉ិល ផនសីហា

“យុវជនកម្ពុជា រួមទាំងយុវជនអាស៊ាន សុទ្ធសឹងជាយុវជនឆ្នើម មានគំនិតច្នៃប្រឌិត យើងចង់លើកកម្ពស់ និងផលិតធនធានមនុស្សជាអ្នកដឹកនាំវ័យក្មេង តាមរយៈការបណ្តុះភាពក្លាហាន ការអភិវឌ្ឍជំនាញនិយាយជាសាធារណៈ ការបណ្ដុះការគិតបែបស៊ីជម្រៅ និងការផ្លាស់ប្ដូរទស្សនៈ និងការយល់ឃើញរវាងយុវជនអាស៊ាន”

លោក ម៉ិល ផនសីហា បញ្ជាក់បន្ថែមថា យុវជនដែលចូលរួមក្នុងកម្មវិធីជជែកដេញដោលយុវជនអាស៊ាន ២០២២ ខាងមុខនេះ នឹងទទួលបាន ទី១. ការបណ្ដុះបណ្ដាលស្តីពីវិធីសាស្ត្រស្រាវជ្រាវ ជំនាញនិយាយជាសាធារណៈ ជំនាញវិភាគ និងសំយោគគំនិត ទី២. ទំនាក់ទំនងល្អរវាងយុវជននិងយុវជនក្នុងក្របខណ្ឌអាស៊ាន ទី៣. ឱកាសបង្ហាញទេពកោសល្យ និងសមត្ថភាពលើឆាកអន្តរជាតិ ក្នុងនោះបេក្ខជនជ័យលាភីនឹងទទួលបានពានរង្វាន់ បណ្ណសរសើរ និងថវិកាលើកទឹកចិត្ត។

ជនបង្គោលនៃឧត្តមមន្ត្រីយុវជនកម្ពុជា បន្ថែមថា បេក្ខជនដែលចង់ចូលរួមកម្មវិធីជជែកដេញដោលយុវជនអាស៊ាន ២០២២ ត្រូវមានសញ្ជាតិកម្ពុជា អាយុចាប់ពី១៨ ដល់ ៣៥ឆ្នាំ ចេះប្រើប្រាស់ភាសាអង់គ្លេសបានល្អ ជាពិសេស លើកទឹកចិត្តស្រី្តឱ្យចូលរួមប្រកួតក្នុងមួយក្រុមមានស្រ្តីយ៉ាងតិចចំនួន ២នាក់។

គួរជម្រាបជូនថា បេក្ខជនដែលមានបំណងចង់ចូលរួមក្នុងកម្មវិធីជជែកដេញដោលយុវជនអាស៊ាន ២០២២ អាចចុះឈ្មោះតាមរយៈតំណភ្ជាប់ https://bit.ly/3vV9GT1 ផុតកំណត់នៅថ្ងៃទី ៣១ ខែមីនា ឆ្នាំ២០២២ ។ សម្រាប់ព័ត៌មានបន្ថែមសូមទំនាក់ទំនងលេខទូរសព្ទ ០៦១ ៦៤៩ ៩៧៨ និង ០៧៨ ២៤៣ ២៩៨ ឬតាមរយៈអ៊ីម៉ែល aseanyouthdebate@gmail.com ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ជាង៣ពាន់កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 30/10/2023

វិទ្យាស្ថានបច្ចេកទេសឧស្សាហកម្ម (ITI) បានប្រកាសជ្រើសរើសសិស្ស និស្សិតទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ ថ្នាក់អាហារូបករណ៍ចំនួន ៣៤៨៥នាក់។

ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារ

ព័ត៌មានអាហារូបករណ៍, ព្រឹត្តិការណ៍

• 11/03/2024

ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាថ្នាក់សញ្ញាបត្របច្ចេកទេស និងវិជ្ជាជីវៈ១ កម្រិត២ សិក្សារយៈពេល៤ខែ។

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ

ព័ត៌មានអាហារូបករណ៍, ព្រឹត្តិការណ៍

• 25/05/2023

កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...

អាហារូបករណ៍ថ្នាក់ Diploma បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេសព្រុយណេ ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 18/12/2025

ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម បានប្រកាសថា រាជរដ្ឋាភិបាលព្រុយណេ នឹងផ្តល់អាហារូបករណ៍ដល់និស្សិតបរទេសទៅសិក្សានៅប្រទេសព្រុយណេសម្រាប់ឆ្នាំសិក្សា២០២៦-២០២៧

អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ

ព័ត៌មានអាហារូបករណ៍, ព្រឹត្តិការណ៍

• 02/04/2026

ឱកាសទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សាជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន

ឱកាសសិក្សាអាហារូបករណ៍១០០% លើជំនាញបច្ចេកវិទ្យានៅថ្នាក់បណ្ដុះបណ្ដាលបច្ចេកវិទ្យា អាន-ANT

ព័ត៌មានអាហារូបករណ៍, ព្រឹត្តិការណ៍

• 21/12/2023

ថ្នាក់បណ្ដុះបណ្ដាលបច្ចេកវិទ្យាអាន-ANT ប្រកាសផ្ដល់អាហារូបករណ៍សិក្សាជំនាញបច្ចេកវិទ្យាវគ្គខ្លីចំនួន៧៥កន្លែ។ ការសិក្សាមានរយៈពេល១១ខែ...

អាហារូបករណ៍ ១០០% ពី University of the Thai Chamber of Commerce ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 14/01/2025

University of the Thai Chamber of Commerce គឺជាសាកលវិទ្យាល័យល្បីមួយនៅប្រទេសថៃ ដែលផ្តោតទៅលើជំនាញធុរកិច្ច បានប្រកាសផ្តល់អាហារូបករណ៍ ១០០% សម្រាប់និស្សិតបរទេស ទៅសិក្សាថ្នាក់បរិញ្ញាបត្រ។

ក្រសួងអប់រំជ្រើសរើសនិស្សិតអាហារូបករណ៍សថ្នាក់បរិញ្ញាបត្រនៅប្រទេសបង់ក្លាដែសឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 19/05/2023

ក្រសួងអប់រំ យុវជន និងកីឡា ប្រកាសជ្រើសរើសសិស្សនិស្សិត មន្ត្រីរាជការ និងសាធារណជននារីកម្ពុជាសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យអាស៊ីសម្រាប់ស្ត្...

សាកលវិទ្យាល័យបច្ចេកវិទ្យា និងសហគ្រិនភាព នឹងផ្តល់អាហារូបករណ៍ ១០០% ដល់បុត្រធីតា នៃគ្រួសារវីរៈយោធិននៅសមរភូមិជួរមុខកម្ពុជា

ព័ត៌មានអាហារូបករណ៍, ព្រឹត្តិការណ៍

• 31/07/2025

ជាការចូលរួមចំណែកសម្រាលបន្ទុក និងជាការដឹងគុណដល់វីរៈយោធិនកម្ពុជា ដែលបានពលីជីវិត ឬបាត់បង់លទ្ធភាពក្នុងអាជីពដោយសារតែរងរបួសផ្តើមចេញពីការឈ្លានពាននៅតាមតំបន់ជាយដែនខ្មែរ-ថៃ ក្នុងពេលថ្មីៗនេះ...