ក្រុមសិស្សមកពីវិទ្យាល័យសុខអានទន្លេបាទី ដណ្តើម​បាន​ជ័យលាភីលេខ១ ក្នុងការប្រកួតផលិតវីដេអូអប់រំខ្លីស្ដីពីផលប៉ះពាល់នៃការសេពគ្រឿងស្រវឹង

ក្រុមសិស្សមកពីវិទ្យាល័យ សុខ អាន ទន្លេបាទី ខេត្តតាកែវ បានឈ្នះជ័យលាភីលេខ១ ក្នុងការប្រកួតប្រជែង «ផលិតវីដេអូអប់រំខ្លីស្តីពីផលប៉ះពាល់នៃការសេពគ្រឿងស្រវឹង» ក្នុងចំណោមវីដេអូដែល​បាន​ចូលរួមប្រកួតសរុបចំនួន ៨៣ ស្នាដៃ។ ពិធីប្រកាស និងប្រគល់ជ័យលាភីនេះ បានប្រព្រឹត្តទៅកាលពីថ្ងៃទី១ ខែតុលា ឆ្នាំ២០២៦ នៅមជ្ឈមណ្ឌលគរុកោសល្យភូមិភាគរាជធានីភ្នំពេញ ក្រោមការរៀបចំរួមគ្នារវាងក្រសួងអប់រំ យុវជន និងកីឡា និងអង្គការចលនាដើម្បីសុខភាពកម្ពុជា (CMH)។

នៅក្នុងព្រឹត្តិការណ៍នេះ គណៈកម្មការបានវាយតម្លៃ និងសម្រេចផ្ដល់ជ័យលាភីសំខាន់ៗរួមមាន៖
ជ័យលាភីលេខ១ ៖ ក្រុមសិស្សមកពីវិទ្យាល័យ សុខ អាន ទន្លេបាទី (ខេត្តតាកែវ)
ជ័យលាភីលេខ២ ៖ ក្រុមនិស្សិតមកពីសាកលវិទ្យាល័យវិទ្យាសាស្ត្រសុខាភិបាល
ជ័យលាភីលេខ៣ ៖ ក្រុមសិស្សមកពីសាលារៀន វ៉េស្ទឡាញន៍

ក្នុងឱកាសនោះ លោកជំទាវបណ្ឌិត សឿ សុជាតា អនុរដ្ឋលេខាធិការ ក្រសួងអប់រំ យុវជន និងកីឡា និងជាប្រធានលេខាធិការដ្ឋានអន្តរក្រសួងស្តីពីសុខភាពសិក្សា មានប្រសាសន៍ថា ដើម្បីអាចសម្រេចគោលដៅឆ្នាំ២០៥០ ដែលកម្ពុជាក្លាយជាប្រទេសមានប្រាក់ចំណូលកម្រិតខ្ពស់ គឺទាល់តែយុវជន ប្រជាជនទាំងអស់គ្នា ថែរក្សាសុខភាព ដែលត្រូវចាប់ផ្ដើមជាដំបូងគឺជៀសឆ្ងាយពីការប្រើប្រាស់គ្រឿងស្រវឹង។ លោកជំទាវសង្កត់ធ្ងន់ថា​ គ្រឿងស្រវឹងជាកត្តាហានិភ័យមួយដែលបង្កឱ្យកើតជំងឺ ២០០មុខ និងធ្វើឱ្យយើងបាត់បង់កិត្តិយស និងសេចក្ដីថ្លៃថ្នូរ។

អនុរដ្ឋលេខាធិការ ក្រសួងអប់រំ ក៏បានកោតសរសើរដល់បេក្ខជនទាំងអស់ដែលបានចូលរួមផលិតវីដេអូអប់រំខ្លីស្ដីពីផលប៉ះពាល់នៃការសេពគ្រឿងស្រវឹង និងបានចម្រាញ់យកវីដេអូចំនួន ១០វីដេអូក្នុងចំណោម៨៣វីដេអូ ដើម្បីជម្រុះយកជ័យលាភីលេខ១ លេខ២ លេខ៣ ពោលគឺក្រុមបេក្ខជននីមួយៗសុទ្ធសឹងតែមានស្នាដៃល្អ។

យុវជន វុធ ប្រុសពៅ សិស្សមកពីវិទ្យាល័យសុខអានទន្លេបាទី និងជាតំណាងក្រុមជ័យលាភីលេខ១ បានលើកឡើងពីការព្រួយបារម្ភ ដោយថា សព្វថ្ងៃនេះ ការប្រើប្រាស់គ្រឿងស្រវឹង មិនត្រឹមតែប៉ះពាល់សុខភាពយុវជនទេ ប៉ុន្តែក៏បង្កឱ្យកើតមានគ្រោះថ្នាក់ចរាចរណ៍ជាច្រើនករណីផងដែរ។ ជាក់ស្ដែង អ្នកសេពគ្រឿងស្រវឹងជាបុគ្គលក៏ពិតមែន ប៉ុន្តែក៏អាចបង្កគ្រោះថ្នាក់ចរាចរណ៍ទៅកាន់អ្នកផ្សេងដែលបណ្ដាលឱ្យបាត់បង់ជីវិត ឬពិការភាពជាដើម។

យុវជន វុធ ប្រុសពៅ សិស្សមកពីវិទ្យាល័យសុខអានទន្លេបាទី និងជាតំណាងក្រុមជ័យលាភីលេខ១

តំណាងក្រុមជ័យលាភីលេខ១ រូបនេះ និយាយថា ការបញ្ឈប់ការផ្សព្វផ្សាយពាណិជ្ជកម្មគ្រឿងស្រវឹង គឺជាវិធានការមានប្រសិទ្ធភាពមួយ ក្នុងនោះការតម្លើងពន្ធលើផលិតផលគ្រឿងស្រវឹង ដើម្បីកុំឱ្យយុវជនមានលទ្ធភាពទិញក្រោមអាយុកំណត់ ក៏ជាវិធានការមានប្រសិទ្ធភាពផងដែរ។ ប្រសិនបន្តមានការផ្សាយពាណិជ្ជកម្មគ្រឿងស្រវឹង គឺផ្សាយត្រឹមម៉ាកសញ្ញា និងឡូហ្គូប៉ុណ្ណោះ ដោយមិនត្រូវប្រើប្រាស់តារា ឬបុគ្គលល្បីមកផ្សព្វផ្សាយផលិតផលគ្រឿងស្រវឹងនោះឡើយ ដូច្នេះទើបជាវិធានការមានប្រសិទ្ធភាពក្នុងការទប់ស្កាត់ផលប៉ះពាល់នៃការប្រើប្រាស់គ្រឿងស្រវឹងទៅថ្ងៃអនាគត។

គួរកត់សម្គាល់ថា ខ្លឹមសារដែលមាននៅក្នុងវីដេអូជាច្រើន ដែលផលិតដោយយុវជន ក្នុងយុទ្ធនាការនេះ ទទួលបានអ្នកទស្សនាជិត ៣លានដង (3M views) បង្ហាញថា “ប្រសិនបើការផ្សាយពាណិជ្ជកម្មគ្រឿងស្រវឹងនៅតែបន្តមាននៅលើបណ្ដាញសង្គមព័ត៌មាន តាមដងផ្លូវសាធារណៈ តាមមុខផ្ទះប្រជាពលរដ្ឋ និងតាមរយៈការផ្សព្វផ្សាយដោយតារាល្បីៗមានឥទ្ធិពលមួយចំនួន កម្ពុជានៅតែបន្តប្រឈមនឹងបញ្ហាដែលបណ្ដាលមកពីការប្រើប្រាស់គ្រឿងស្រវឹង”។

តាមរយៈវីដេអូអប់រំទាំងនេះ បានស្នើសុំឱ្យរាជរដ្ឋាភិបាលដាក់ចេញវិធានការ ដូចជា ការហាមឃាត់ការផ្សាយពាណិជ្ជកម្មគ្រឿងស្រវឹង ការដំឡើងអាករពិសេសលើផលិតផលគ្រឿងស្រវឹង ការកំណត់អាយុទិញ និងប្រើប្រាស់គ្រឿងស្រវឹង ព្រមទាំងការហាមឃាត់តារាល្បីៗ មិនឱ្យផ្សាយគ្រឿងស្រវឹង និងចាត់វិធានការឱ្យបានឆាប់រហ័សដើម្បីការពារកុមារ និងយុវជនកម្ពុជា ដែលជាមូលធនមនុស្សបន្តវេន ជាកម្លាំងស្នូលសម្រាប់ការពារជាតិ និងអភិវឌ្ឍសង្គមជាតិនាពេលអនាគត កុំឱ្យធ្លាក់ខ្លួនជាជនរងគ្រោះដោយសារការប្រើប្រាស់គ្រឿងស្រវឹង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

បណ្ឌិត្យ​សភា​នគរបាល​កម្ពុជា ផ្តល់​អាហារូបករណ៍​៤០០កន្លែង សម្រាប់​សិស្ស​និស្សិត​ដែល​ចង់​ក្លាយ​ជា​មន្រ្តី​នគរបាល

ព័ត៌មានអាហារូបករណ៍, ព្រឹត្តិការណ៍

• 19/11/2024

ក្រសួង​មហាផ្ទៃ​កាលពី​ពេលថ្មីៗ​នេះ​បាន​ប្រកាស​ដល់​សាធារណជន ក៏​ដូចជា​សិស្ស និស្សិត ដែល​មាន​បំណង​ក្លាយ​ជា​នាយ​នគរបាល និង​នាយ​នគរបាល​រង​បន្តវេន ក្នុង​ក្រប​ខ័ណ្ឌ​មន្រ្តី​នគរបាលជាតិ សូម​ត្រៀម​ខ្លួន​ក្នុង​ការ​ដាក់ពាក្យ​ប្រឡង​ប្រជែង​ទទួល​យក​អាហារូបករណ៍...

អាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគុយបា ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 27/01/2025

ក្រសួងអប់រំ យុវជន និងកីឡា ប្រកាសជ្រើសរើសសាធារណជនប្រឡងប្រជែងយកអាហារូបករណ៍ ទៅសិក្សាថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគុយបា សម្រាប់ឆ្នាំសិក្សា២០២៥-២០២៦។ ការប្រឡងជ្រើសរើសបេក្ខជនចំនួន ១នាក់...

អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare នៃប្រទេសជប៉ុន ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 02/05/2024

ឱកាសសិក្សាអាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare (IUHW) រយៈពេល៦ឆ្នាំនៃ...

អាហារូបករណ៍១០០កន្លែងសិក្សានៅសាកលវិទ្យាឌីជីថលកម្ពុជា ពីសម្ព័ន្ធយុវជនអាហារូបករណ៍ (ស២)

ព័ត៌មានអាហារូបករណ៍, ព្រឹត្តិការណ៍

• 12/01/2024

សម្ពន្ធយុវជនអាហារូបករណ៍ ស២ ប្រកាសផ្ដល់អាហារូបករណ៍១០០% ចំនួន១០០កន្លែងសិក្សានៅសាកលវិទ្យាល័យឌីជីថលកម្ពុជា(DUC) សម្រាប់ឆ្នាំសិក្សា២០២៣-២០២៤។...

រដ្ឋមន្រ្តីអប់រំផ្តល់អាហារូបករណ៍ ១០០% នៅវិទ្យាស្ថានគរុកោសល្យ​បាត់ដំបង ជូនដល់​កូនៗ​របស់វីរៈកងទ័ពកម្ពុជា

ព័ត៌មានអាហារូបករណ៍, ព្រឹត្តិការណ៍

• 04/08/2025

វិទ្យាស្ថានគរុកោសល្យ​បាត់ដំបង បានប្រកាស​ជូនដំណឹង​ដល់​ក្រុមគ្រួសារវីរៈកងទ័ព​កម្ពុជា ដែល​បាន​ពលីជីវិត​ក្នុង​បុព្វ​ហេតុ​ការពារ​បុរណភាព​ទឹកដីថា វិទ្យាស្ថាន​បានសម្រេច​ផ្តល់ជូនអាហារូបករណ៍ ១០០%

ឱកាសអាហារូបករណ៍ ៥០% ពីសាកលវិទ្យាល័យ Adelaide អូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 24/11/2025

សាកលវិទ្យាល័យ Adelaide ប្រទេស​អូស្រ្តាលី បានប្រកាសបើកកម្មវិធីអាហារូបករណ៍ "Adelaide Launch Your Future: ASEAN Scholarship" សម្រាប់និស្សិតឆ្នើមមកពីប្រទេសសមាជិកអាស៊ាន រួមទាំងកម្ពុជាផងដែរ...

ឱកាសសិក្សាអាហារូបករណ៍នៅប្រទេសជប៉ុនរយៈពេល១ឆ្នាំសម្រាប់បុគ្គលិកអប់រំ

ព័ត៌មានអាហារូបករណ៍, ព្រឹត្តិការណ៍

• 03/09/2025

តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader's Program (YLP)

អាហារូបករណ៍ថ្នាក់បរិញ្ញាបត្ររង ជំនាញគិលានុបដ្ឋាក ២៥កន្លែង ទៅសិក្សា​នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 01/06/2026

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន សហការជាមួយ​គ្រឹះស្ថាន​ឧត្តម​សិក្សា​នៅ​ខេត្ត​ជឺជាំង (Zhejiang) ប្រទេសចិន កំពុងតែជ្រើសរើស​និស្សិត​..

អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌

ព័ត៌មានអាហារូបករណ៍, ព្រឹត្តិការណ៍

• 18/11/2025

ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួង​ចំនួន ៥នាក់ ឱ្យ​ទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅ​សិក្សា​នៅ​ប្រទេសកូរ៉េ ក្រោម​កម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។