ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា បានប្រកាសពីការបើកឱកាសដល់សិស្ស និស្សិត និងយុវជនកម្ពុជា ចូលរួមក្នុងកម្មវិធីប្រកួតប្រជែង Games for Change (G4C) Student Challenge 2026។ នេះគឺជាវេទិកាកម្រិតអន្តរជាតិដែលអនុញ្ញាតឱ្យយុវជនយើងបង្ហាញស្នាដៃ ស្វែងរកដំណោះស្រាយសម្រាប់បញ្ហាសកល និងមានឱកាសទទួលបានរង្វាន់ធំ គឺអាហារូបករណ៍តម្លៃ ១ម៉ឺនដុល្លារសហរដ្ឋអាមេរិក។
កម្មវិធីនេះ ត្រូវឱ្យយុវជនកម្ពុជា ប្រើប្រាស់គំនិតច្នៃប្រឌិត និងជំនាញឌីជីថល ដើម្បីបង្កើតហ្គេមដែលចូលរួមចំណែកដោះស្រាយបញ្ហាសង្គម ដោយផ្ដោតលើប្រធានបទសំខាន់ៗចំនួន ៣ រួមមាន៖
-All in for Nature: ការចូលរួមការពារធនធានធម្មជាតិ
-Outgrow Hunger: ការចូលរួមដោះស្រាយបញ្ហាស្បៀងអាហារ
-Own the Road: ការលើកកម្ពស់សុវត្ថិភាពចរាចរណ៍
លក្ខខណ្ឌនៃការចូលរួម៖
- បេក្ខជនត្រូវមានអាយុចន្លោះពី ១០ ទៅ ២៥ ឆ្នាំ (បើកទូលាយសម្រាប់សិស្ស-និស្សិតគ្រប់ភេទ)។
- អាចចូលរួមប្រកួតជាឯកត្តជន ឬសហការគ្នាជាក្រុម (ពី ២ ទៅ ៤ នាក់)។
ដាក់ពាក្យ៖ https://link.moeys.gov.kh/g4cstudentchallenge
ផុតកំណត់ដាក់ស្នើស្នាដៃ ៖ ថ្ងៃទី៣០ ខែមីនា ឆ្នាំ២០២៦
កម្រងមេរៀនកម្មវិធីអប់រំបង្កើតហ្គេម៖ https://sala.moeys.gov.kh/kh/sala/salagcc/home
