ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មន្រ្តីជាន់ខ្ពស់ក្រសួងការងារ និងបណ្តុះបណ្តាលវិជ្ជាជីវៈ បានលើកទឹកចិត្តដល់យុវជនកម្ពុជាគួរងាកមករៀនជំនាញបច្ចេកទេស ដែលកំពុងតែមានតម្រូវការខ្លាំង ខណៈអ្នករៀននៅមានចំនួនតិច ។ ការលើកឡើងបែបនេះក្នុងឱកាសចូលរួមសិក្ខាសាលា ស្តីពីការជំរុញសហគ្រិនភាពយុវជន ដែលរៀបចំឡើងដោយសហភាពសហព័ន្ធយុវជនកម្ពុជា កាលពីថ្ងៃទី០៥ ខែឧសភា ឆ្នាំ២០២២ ។
ឯកឧត្តម ថង សាម៉ុន អគ្គនាយករង នៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍ថា ជំនាញវិជ្ជាជីវៈ ឬដែលហៅថា TVET កំពុងតែមានតម្រូវការទីផ្សារការងារ ដែលវានឹងជួយដល់ការជ្រោងសេដ្ឋកិច្ចជាតិ ។ ឯកឧត្តមបញ្ជាក់ថា បច្ចុប្បន្នកម្ពុជាមានកម្លាំងពលកម្មដែលមានជំនាញវិជ្ជាជីវៈតែប្រមាណ ២ម៉ឺនប្រាំពាន់នាក់ក្នុងមួយឆ្នាំ ខណៈទីផ្សារការងារត្រូវការក្នុងមួយឆ្នាំៗមិនក្រោម ៣០ម៉ឺននាក់នោះឡើយ ។
បើតាមប្រសាសន៍របស់ឯកឧត្តម ថង សាម៉ុន ក្នុងមួយឆ្នាំៗមានសិស្សដែលចូលរៀនជំនាញវិជ្ជាជីវៈ (TVET) តែប្រមាណជាង ៧ម៉ឺននាក់ប៉ុណ្ណោះ ដែលជាចំនួនដ៏តិចតូច ខណៈអ្នកដែលប្រឡងបញ្ចប់សញ្ញាបត្រមធ្យមសិក្សាទុតិយភូមិមានចំនួនជាង ១០ម៉ឺននាក់ ហើយអ្នកបោះបង់ថ្នាក់ទី៩ និងបឋមសិក្សាក៏មានច្រើន ។
ឯកឧត្តមយល់ឃើញថា យុវជនមិនចង់ចូលរៀនជំនាញបច្ចេកទេស (TVET) មកពីពួកគេគិតថា ការងារនេះលំបាក ប្រឡាក់ មិនបានពាក់អាវធំ ហើយពេលខ្លះទៅធ្វើការហាលថ្ងៃ។ ឯកឧត្តមបញ្ជាក់ថា ការគិតបែបនេះ គឺជាការគិតខុស ព្រោះថាគោលដៅចុងក្រោយនៃការរៀន គឺមិនមែនដើម្បីជាប់ទេ គឺដើម្បីមុខរបរ ដើម្បីការងារដើម្បីប្រាក់ចំណូល។
ឯកឧត្តម ថង សាម៉ុន
“នៅចុងបញ្ចប់នៃគោលដៅជីវិតរបស់យើង គឺយើងត្រូវតែមានលុយ មានការងារល្អ អាចបង្កើតសហគ្រិនភាព ក៏ដូចជាជួយសេដ្ឋកិច្ចជាតិ និងប្រទេសជាតិយើងទាំងមូល”
បើតាមការលើកឡើងរបស់ ឯកឧត្តម ថង សាម៉ុន ក្នុងមួយឆ្នាំៗរាជរដ្ឋាភិបាលកម្ពុជាបានផ្តល់អាហារូបករណ៍លើការបណ្តុះបណ្តាលជំនាញវិជ្ជាជីវៈប្រមាណជាជាង ៥ម៉ឺនកន្លែង ដោយយុវជន នឹងទទួលបានការសិក្សាដោយឥតបង់ថ្លៃ, កន្លែងស្នាក់នៅ, ប្រឹក្សាការងារ, ចុះកម្មសិក្សាផ្ទាល់តាមសហគ្រាស ក្រុមហ៊ុនឯកជន, ស្វែងរកការងារឱ្យធ្វើ ខណៈតម្រូវការទីផ្សារការងារខ្ពស់ និងទទួលបានប្រាក់ចំណូលក៏ខ្ពស់ផងដែរ។
ឯកឧត្តមអគ្គនាយករង នៃអគ្គនាយកដ្ឋានអប់រំបណ្តុះបណ្តាលបច្ចេកទេសនិងវិជ្ជាជីវៈ ក៏បានឱ្យដឹងដែរថា បើយោងតាមការធ្វើសម្ភាសន៍ជាមួយម្ចាស់សហគ្រាស និងក្រុមហ៊ុន អ្នកដែលមានជំនាញវិជ្ជាជីវៈ ពួកគេទទួលបានប្រាក់ខែខ្ពស់ ដោយក្នុងមួយខែអាចចាប់ពី ៤០០ដុល្លារឡើងទៅ ។ ក្នុងនោះ អ្នកដែលចេះជំនាញមេកានិក ទទួលបានប្រាក់ខែជាមធ្យមពី ២៣១ដុល្លារ រហូតដល់ ៥០០ដុល្លារ, សំណង់អគារ ពី ៤២៤ដុល្លារ ទៅ ៧០០ដុល្លារ, អគ្គិសនី និងអេឡិចត្រូនិច ដែលមានតម្រូវការខ្ពស់ ទទួលបានប្រាក់ខែពី២៦២ ទៅដល់ ៩០០ដុល្លារ, កម្មន្តសាលទទួលបានប្រាក់ខែពី ២១៩ ទៅដល់ ៧០០ដុល្លារ ខណៈ ធុរកិច្ច ការប្រាស្រ័យទាក់ទង និងបច្ចេកវិទ្យាព័ត៌មាន ទទួលបានប្រាក់ខែពី ២២៥ ទៅដល់ ៣៥០ដុល្លារអាមេរិកក្នុងមួយខែ។
ដោយឡែកបើតាមការសម្ភាសន៍និស្សិតដែលចូលបម្រើការងារ អ្នកដែលមានសញ្ញាបត្របច្ចេកទេស និងវិជ្ជាជីវៈ ១ ២ ៣ ដែលសិស្សាពីប្រមាណ៥ ទៅ៦ខែ គាត់អាចទទួលបានប្រាក់ខែជាមធ្យមដែលទទួលបាន មានពី ៣៤០ដុល្លារ ទៅដល់ ៥០០ដុល្លារ, ខណៈអ្នកមានសញ្ញាបត្រជាន់ខ្ពស់ ដែលរៀនរយៈពេល ២ឆ្នាំ ទទួលប្រាក់ខែពី ៣៧៣ដុល្លារ ទៅ ៦៥០ដុល្លារអាមេរិក។ ចំណែកបរិញ្ញាបត្របច្ចេកវិទ្យា ឬវិស្វករ ដែលរៀនពី ៤ឆ្នាំ ទៅ ៥ឆ្នាំ ទទួលបានប្រាក់ខែពី ៣៩០ដុល្លារ ទៅ ៩៧០ដុល្លារអាមេរិក ។
ឯកឧត្តមរំពឹងថា យុវជនរបស់យើងនឹងចូលរៀនជំនាញវិជ្ជាជីវៈកាន់តែច្រើន ហើយនៅពេលដែលកម្ពុជាយើងមានកម្លាំងពលកម្មជំនាញកាន់តែច្រើន ឯកឧត្តមជឿជាក់ថា សេដ្ឋកិច្ចជាតិរបស់យើងនឹងរីកចំរើន ចូលរួមសម្រេចតាមចក្ខុវិស័យរបស់រាជរដ្ឋាភិបាល ដើម្បីប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលកម្រិតខ្ពស់នៅឆ្នាំ២០៥០ ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍ដល់យុវជនរៀនជំនាញ TVET ចំនួន ៦៣០នាក់
ព័ត៌មានអាហារូបករណ៍, ព្រឹត្តិការណ៍
• 22/11/2023
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសថា នៅក្នុងឆ្នាំសិក្សា២០២៣-២០២៤ វិទ្យាស្ថាននឹងជ្រើសរើសយុវជន យុវនារី មកពីគ្រួសារក្រីក្រ និងគ្រួសារ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់ការបណ្តុះបណ្តាលជំនាញបច្ចេកទេសឥតគិតថ្លៃចំនួន ១២៦០កន្លែង
ព័ត៌មានអាហារូបករណ៍, ព្រឹត្តិការណ៍
• 23/09/2024
សម្រាប់បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនសំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ ដែលចង់ទទួលបានជំនាញមួយពិតប្រាកដសម្រាប់ជីវិត ពេលនេះវិទ្យាស្ថានពហុបច្ចេកទេសខេត្តបន្ទាយមានជ័យ...
វិទ្យាស្ថាន PSE ផ្តល់អាហារូបករណ៍ដល់សិស្សានុសិស្សក្រីក្រចូលរៀនថ្នាក់ជំនាញចំនួន៣៥០នាក់
ព័ត៌មានអាហារូបករណ៍, ព្រឹត្តិការណ៍
• 28/06/2024
អង្គការដើម្បីភាពញញឹម នៃកុមារ (PSE) ប្រកាសជ្រើសរើសសិស្សានុសិស្សក្រីក្រ ដើម្បីចូលរៀនថ្នាក់ត្រៀម និងថ្នាក់ជំនាញចំនួន ៣៥០នាក់ សម្រាប់ឆ្នាំសិក្សា២០២៤-២០២៥ខាងមុខ។
ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែងសម្រាប់៤២ជំនាញ
ព័ត៌មានអាហារូបករណ៍, ព្រឹត្តិការណ៍
• 07/10/2024
ជាឱកាសល្អសម្រាប់ការសិក្សាជំនាញវិជ្ជាជីវៈចំពោះយុវជន យុវនារី ដែលបោះបង់ការសិក្សា ឬមិនមានលទ្ធភាពបន្តការសិក្សាឱ្យសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ស្ពឺជាច្រើនកន្លែង។ ការសិក្សាផ្ដល់ជូនក្រោមកម្មវិធីសិក្សា TVET ១,៥លាន
អាហារូបករណ៍ថ្នាក់ភាសាចិន ២០កន្លែងសិក្សារយៈពេល១ឆ្នាំ នៅសាធារណរដ្ឋប្រជាមានិតចិន
ព័ត៌មានអាហារូបករណ៍, ព្រឹត្តិការណ៍
• 18/01/2024
សមាគមទំនាក់ទំនងយុវជនកម្ពុជា-ចិន បានប្រកាសពីអាហារូបករណ៍ថ្នាក់ភាសាចិន ចំនួន ២០កន្លែង សិក្សារយៈពេល១ឆ្នាំ (ចូលរៀនថ្ងៃទី០១ ខែមីនា ឆ្នាំ២០២៤ រហូតដល់ថ្ងៃទី១៥ ខែមករា ឆ្នាំ២០២៥) នៅខេត្តហឺណាន...
ឱកាសគ្រូបង្រៀនចូលរួមកម្មវិធី Teacher Training Students នៅប្រទេសជប៉ុន ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 15/01/2026
ជាឱកាសសម្រាប់លោកគ្រូ អ្នកគ្រូ ដែលកំពុងបង្រៀននៅតាមសាលារៀនបឋមសិក្សា មធ្យមសិក្សា និងសាលាគរុកោសល្យ នៅទូទាំងប្រទេសកម្ពុជា, សម្រាប់ឆ្នាំ២០២៦នេះ កម្មវិធីអាហារូបករណ៍ Teacher Training...
វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់អាហារូបករណ៍២៥០កន្លែងសម្រាប់សិស្សធ្លាក់ ឬជាប់បាក់ឌុប
ព័ត៌មានអាហារូបករណ៍, ព្រឹត្តិការណ៍
• 10/12/2024
ជាឱកាសសម្រាប់សិស្សានុសិស្សដែលទើបប្រឡងបញ្ចប់សញ្ញាបត្រមធ្យមសិក្សាទុតិយភូមិ ឬបាក់ឌុប វិទ្យាស្ថានពហុបច្ចេកទេសខេត្តបន្ទាយមានជ័យ ប្រកាសផ្តល់អាហារូបករណ៍ចំនួន២៥០កន្លែងសម្រាប់កម្រិតសញ្ញាបត្រជាន់ខ្ពស់បច្ចេកទេស ឬបរិញ្ញាបត្ររង។
ឱកាសស្នាក់នៅបណ្ដោះអាសន្ននៅអន្តេវាសិកដ្ឋានវិទ្យាស្ថានបច្ចេកវិទ្យាកម្ពុជាឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 06/01/2025
សមាគមនិស្សិតវិទ្យាស្ថានបច្ចេកវិទ្យាកម្ពុជា ប្រកាសដំណឹងជូនដល់សិស្សនិស្សិតដែលកំពុងសិក្សានៅវិទ្យាស្ថានបច្ចេកវិទ្យាកម្ពុជាឱ្យទទួលបានកន្លែងស្នាក់នៅបណ្ដោះអាសន្ននៅអន្តេវាសិកដ្ឋានចំនួន៤៥នាក់ក្នុងឆ្នាំសិក្សា២០២៤-២០២៥...
កម្មវិធីពិសេសរបស់ AMS EDUCATION
ព័ត៌មានសង្ខេប
