ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បរទេស ៖ យោងទៅតាមប្រភពពីវេទិកាសេដ្ឋកិច្ចពិភពលោក (Weforum) បានរាយការណ៍ថា ជំនាញដែលសិស្សកំពុងរៀននៅសាលា ហាក់ឃ្លាតពីជំនាញដែលនិយោជកត្រូវការ ។ ករណីនេះ ត្រូវគេមើលឃើញថា គឺដោយសារការរៀនបែបប្រពៃណី ខ្វះការបំពាក់នូវចំណេះដឹងគ្រប់គ្រាន់ដល់សិស្សដែលពួកគេត្រូវការជាចាំបាច់ ដើម្បីរីកចម្រើន។
បើតាម Weforum បច្ចុប្បន្ននេះ ជំនាញដែលកំពុងមានតម្រូវការចាំបាច់ គឺការសហការ ទំនាក់ទំនង និងដោះស្រាយបញ្ហា ដែលត្រូវបានបង្កើតឡើងជាចម្បងតាមរយៈការរៀនពីសង្គម និងអារម្មណ៍ រួមផ្សំជាមួយនឹងជំនាញប្រពៃណី និងជំនាញសង្គមផងដែរ ដែលជាកត្តាធ្វើឱ្យសិស្សានុសិស្សទទួលបានជោគជ័យក្នុងសេដ្ឋកិច្ចឌីជីថលដែលកំពុងវិវឌ្ឍន៍។
តាមរយៈការសិក្សា ក្នុងចំណោមសិស្សចំនួន ២១៣ ដែលបានទទួលការបង្រៀនអំពីសង្គម និងអារម្មណ៍ ទទួលបានពិន្ទុដែលជាមធ្យម ១១ ពិន្ទុភាគរយ ខ្ពស់ជាងសិស្សដែលមិនបានទទួលការអប់រំបែបនេះ ហើយការអប់រំនេះមានសក្តានុពលនាំទៅរកអត្ថប្រយោជន៍រយៈពេលវែង ដូចជា អត្រាការងារខ្ពស់ និងការបំពេញការអប់រំបានល្អ។ ជំនាញភាពជាអ្នកដឹកនាំល្អ ក៏ជាកត្តាសំខាន់សម្រាប់សិស្សានុសិស្សក្នុងការរៀនសូត្រសម្រាប់ការងារនាពេលអនាគតរបស់ពួកគេផងដែរ។
Weforum ក៏បានបញ្ជាក់ដែរថា ជំនាញសំខាន់ៗសម្រាប់សតវត្សទី២១ គឺមានដូចជា អក្ខរកម្ម លេខអត្ត ព័ត៌មានវិទ្យាតិចណូឡូជី វិទ្យាសាស្រ្ត ហិរញ្ញវត្ថុ វប្បធម៌ អក្ខរកម្មពលរដ្ឋវិទ្យា ការត្រិះរិះពិចារណាស៊ីជម្រៅ ការដោះស្រាយបញ្ហា ការច្នៃប្រឌិត ការទំនាក់ទំនង កិច្ចសហប្រតិបត្តិការ បំណិនការចង់ដឹងចង់ឃើញ ការតស៊ូ ការចេះសម្របខ្លួន ភាពជាអ្នកដឹកនាំ និងការយល់ដឹងអំពីសង្គមនិងវប្បធម៌។
ដូច្នេះការពង្រឹងជំនាញខាងលើនេះ គឺពិតជាសំខាន់ណាស់សម្រាប់សិស្សានុសិស្ស ជាពិសេសសម្រាប់ការងារ ជំនាញ ដែលមាននៅទូទាំងឧស្សាហកម្ម និងភូមិសាស្រ្ត។ ហើយអ្នកបង្កើតគោលនយោបាយ អ្នកអប់រំ មាតាបិតា អ្នកជំនួញ អ្នកស្រាវជ្រាវ អ្នកអភិវឌ្ឍន៍បច្ចេកវិទ្យា អ្នកវិនិយោគ និងអង្គការក្រៅរដ្ឋាភិបាលអាចរួមគ្នាធានាថា ការអភិវឌ្ឍជំនាញសង្គម និងអារម្មណ៍ក្លាយជាគោលដៅរួម និងសមត្ថភាពនៃប្រព័ន្ធអប់រំនៅគ្រប់ទីកន្លែង៕
