ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រដ្ឋាភិបាលនៃសាធារណរដ្ឋកូរ៉េ បានប្រកាសជាផ្លូវការនូវការផ្តល់អាហារូបករណ៍ថ្នាក់ក្រោយឧត្តមសិក្សា Global Korea Scholarship (GKS-G) សម្រាប់ឆ្នាំ ២០២៦ ដើម្បីផ្តល់ឱកាសដល់និស្សិតអន្តរជាតិសរុបចំនួន ២,០០០ នាក់ ទៅសិក្សានៅប្រទេសកូរ៉េខាងត្បូង។
សម្រាប់ឆ្នាំនេះ និស្សិតកម្ពុជានឹងទទួលបានឱកាសសរុបចំនួន ៣៨ កន្លែង ដែលបែងចែកជា៖
Embassy Track: ១២ នាក់ (ដាក់ពាក្យតាមរយៈស្ថានទូតកូរ៉េប្រចាំកម្ពុជា)
University Track: ២៦ នាក់ (ដាក់ពាក្យផ្ទាល់ទៅកាន់សាកលវិទ្យាល័យនៅកូរ៉េ)
កម្រិតសិក្សាដែលផ្ដល់ជូន
១. ថ្នាក់អនុបណ្ឌិត (Master’s Degree)
២. ថ្នាក់បណ្ឌិត (Doctoral Degree)
៣. កម្មវិធីស្រាវជ្រាវ (Research Program)
អត្ថប្រយោជន៍ពីអាហារូបករណ៍
GKS គឺជាអាហារូបករណ៍ពេញថ្លៃ (Full Scholarship) ដែលគ្របដណ្តប់លើ៖
-ថ្លៃសិក្សា ១០០%: ឥតបង់ថ្លៃសាលារហូតដល់បញ្ចប់ការសិក្សា។
-សំបុត្រយន្តហោះ: ផ្ដល់ជូនទាំងជើងទៅ និងជើងមកវិញ។
-ប្រាក់ឧបត្ថម្ភប្រចាំខែ: សម្រាប់ថ្លៃស្នាក់នៅ និងការហូបចុកប្រចាំថ្ងៃ។
-វគ្គបណ្តុះបណ្តាលភាសាកូរ៉េ: រយៈពេល ១ ឆ្នាំមុនចូលរៀនថ្នាក់ជំនាញ។
-ការធានារ៉ាប់រងសុខភាព និងអត្ថប្រយោជន៍ផ្សេងៗជាច្រើនទៀត។
របៀបដាក់ពាក្យ និងព័ត៌មានលម្អិត
បេក្ខជនដែលមានបំណងដាក់ពាក្យ សូមពិនិត្យមើលគោលការណ៍ណែនាំ (Guidelines) កាលបរិច្ឆេទឈប់ទទួលពាក្យ និងទាញយកទម្រង់បែបបទផ្សេងៗនៅគេហទំព័រផ្លូវការ៖ https://www.studyinkorea.go.kr ។
សម្គាល់៖ កាលបរិច្ឆេទឈប់ទទួលពាក្យអាចខុសគ្នា រវាងការដាក់តាមស្ថានទូត និងការដាក់តាមសាកលវិទ្យាល័យ៕
