ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍធនធានមនុស្ស និងចូលរួមសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលី វិទ្យាស្ថានសិក្សាបច្ចេកទេសធនាគារ (វ.ប.ធ.) បានប្រកាសផ្តល់អាហារូបករណ៍ ១០០% រហូតដល់ចប់ឆ្នាំទី៤ សម្រាប់កម្មវិធីសិក្សាថ្នាក់បរិញ្ញាបត្រធនាគារ និងហិរញ្ញវត្ថុ ដល់និស្សិតដែលមានគ្រួសារជាយុទ្ធជនពលីជីវិតដើម្បីបុព្វហេតុការពារជាតិ។
ជាមួយគ្នានេះ វិទ្យាស្ថានសិក្សាបច្ចេកទេសធនាគារ ក៏បានបង្ហាញពីការចូលរួមរំលែកទុក្ខដ៏ក្រៀមក្រំបំផុតចំពោះក្រុមគ្រួសាររបស់យុទ្ធជនពលីដ៏អង់អាចក្លាហាន ក្នុងស្មារតីស្នេហាជាតិ និងបុព្វហេតុការពារជាតិមាតុភូមិដ៏បវរនៃព្រះរាជាណាចក្រកម្ពុជា។
សម្រាប់ព័ត៌មានបន្ថែម ក្រុមគ្រួសាររបស់យុទ្ធជនពលីជីវិតក្នុងបុព្វហេតុការពារជាតិ អាចទាក់ទងមកកាន់វិទ្យាស្ថានបច្ចេកទេសធនាគារ តាមរយៈលេខទូរស័ព្ទ ០២៣ ៩៩០ ១៨៨ ចាប់ពីថ្ងៃផ្សាយដំណឹងនេះតទៅ។
សូមជំរាបជូនថា វិទ្យាស្ថានសិក្សាបច្ចេកទេសធនាគារ ស្ថិតក្រោមការគ្រប់គ្រងរបស់ធនាគារជាតិ នៃកម្ពុជា ក្នុងការបណ្តុះបណ្តាលនិស្សិតថ្នាក់បរិញ្ញាបត្រ និងថ្នាក់បរិញ្ញាបត្ររង លើមុខជំនាញគ្រប់គ្រងធនាគារ ហិរញ្ញវត្ថុ និងសេដ្ឋកិច្ច។ គិតមកដល់ពេលបច្ចុប្បន្ន វិទ្យាស្ថានបានទទួលបណ្តុះបណ្ដាលនិស្សិតថ្នាក់ប្រកាសនីយបត្រជាន់ខ្ពស់លើជំនាញធនាគារបានចំនួន ៣៣ជំនាន់ ដែលមាននិស្សិតសរុបចំនួន ៣.១៧៥រូប ក្នុងនោះនិស្សិតស្រីមានចំនួន ១.៩៩៧រូប និងមានសាស្រ្តាចារ្យសរុបចំនួន ៦៥រូប៕
