ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យ Southern University of Science and Technology (SUSTech) នៃសាធារណរដ្ឋប្រជាមានិតចិន បានប្រកាសផ្តល់អាហារូបករណ៍ចំនួន ១០កន្លែង ដល់និស្សិតកម្ពុជា ដើម្បីបន្តការសិក្សាថ្នាក់បរិញ្ញាបត្រតាមកម្មវិធីអន្តរជាតិ រយៈពេល៤ឆ្នាំ។
ការសិក្សានេះ នឹងចាប់ផ្តើមពីខែសីហា ឆ្នាំ២០២៣ តទៅនៅសាធារណរដ្ឋប្រជាមានិតចិន ក្នុងនោះភាគីចិននឹងរ៉ាប់រងថ្លៃសិក្សា ការស្នាក់នៅ ប្រាក់អាហារូបករណ៍ប្រចាំខែ តែសំបុត្រយន្តហោះទៅ និងមក គឺជាបន្ទុករបស់សាមីជន។
មុខជំនាញសិក្សា រួមមាន ៖ Physics, Biology, Electrical and Electronic Engineering, Materials Science and Engineering, Environmental Science and Engineering, Computer Science and Engineering, Mathematics, Statistics and Data Science, Mechanics and Aerospace Engineering, Machinery and Engergy Engineering, School of Microelectronics, Ocean Science and Engineering, Information System and Mangement Engineering, School of Design, and Environmental Science and Engineering។
សម្រាប់លក្ខខណ្ឌនៃការចុះឈ្មោះ បេក្ខជនត្រូវមានសញ្ញជាតិខ្មែរ, មានសញ្ញាបត្រមធ្យមសិក្សាទុតិយភូមិដែលមាននិទ្ទេស A, B ឬ C, ជានិស្សិតកំពុងសិក្សាតាមមហាវិទ្យាល័យដែលទទួលស្គាល់ដោយក្រសួង/ស្ថាប័នរដ្ឋ, មានចំណេះដឹងភាសាអង់គ្លេសជ្រៅជ្រះ, មានសុខភាពល្អបរិបូណ៌ទាំងកាយសម្បទា និងសតិបញ្ញា។
ការទទួលពាក្យនឹងប្រព្រឹត្តទៅចាប់ពីថ្ងៃផ្សាយដំណឹងនេះ រហូតដល់ថ្ងៃទី៣ ខែមេសា ឆ្នាំ២០២៣ នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ដែលមានអាសយដ្ឋាន អគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ៕
