ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនសៀមរាប បានប្រកាសពីការផ្តល់អាហារូបករណ៍ចំនួន ២៤០កន្លែង ដល់យុវជនមកពីគ្រួសារក្រីក្រ/គ្រួសារងាយរងហានិភ័យ និងកម្មករនិយោជិត បុគ្គលនៃសេដ្ឋកិច្ចក្រៅប្រព័ន្ធ ក្នុងការសិក្សាជំនាញវិជ្ជាជីវៈ និងបច្ចេកទេស C1 ដោយឥតគិតថ្លៃ។
ជំនាញដែលត្រូវផ្តល់ជូនរួមមាន ៖ ការងារកំបោរ ៣០នាក់, ការដំឡើងបណ្តាញបំពង់ទឹក ៣០នាក់, សេវាកម្មបរិក្ខាត្រជាក់ក្នុងគេហដ្ឋាន ៣០នាក់, សេវាកម្មកុំព្យូទ័រ ៣០នាក់, ការរចនាក្រាហ្វិកដោយកុំព្យូទ័រ ៣០នាក់, ធុរកិច្ចភេសជ្ជៈ (ការក្រឡុកស្រា) ៣០នាក់, ការដំឡើងបណ្តាញអគ្គិសនីក្នុងអគារ ៣០នាក់, ការដំឡើង និងថែទាំកាមេរ៉ាសុវត្ថិភាព ៣០នាក់។
អ្នកដែលសិក្សា នឹងទទួលបានប្រាក់ឧបត្ថម្ភចំនួន ២៨ម៉ឺនរៀលក្នុង១ខែ ក្នុងពេលសិក្សា ចំពោះប្រជាពលរដ្ឋដែលមានប័ណ្ណសមធម៌ (ក្រ១.ក្រ២) ឬប័ណ្ណគ្រួសារងាយរងហានិភ័យ, បានចុះកម្មសិក្សានៅតាមក្រុមហ៊ុន សហគ្រាស ព្រមទាំងទទួលបានឱកាសការងារក្រោយបញ្ចប់ការសិក្សា។
លក្ខខណ្ឌនៃការជ្រើសរើស ៖ បេក្ខជនជាសមាជិកមកពីគ្រួសារមានប័ណ្ណសមធម៌ ឬ បេក្ខជនជាសមាជិកមកពីគ្រួសារមានប័ណ្ណរងហានិភ័យ, បេក្ខជនមកពីគ្រួសារដែលមានសមាជិក មាន បណ្ណសំគាល់មានពិការភាព, បេក្ខជនមកពីគ្រួសារដែលមានសមាជិក មាន បណ្ណមូលនិធិសមធម៌សុខាភិបាល ពណ៌លឿង, បេក្ខជនដែលឧទ្ទេសនាមដោយ រដ្ឋបាលរាជធានី ខេត្ត ក្រុង ស្រុក ខណ្ឌ, បេក្ខជនត្រូវមានអាយុចាប់ពី១៥ឆ្នាំ ដល់ ៤៥ឆ្នាំ។
សម្រាប់ព័ត៌មានលម្អិត សូមទាក់ទងទៅកាន់វិទ្យាស្ថានដែលមានអាសយដ្ឋាននៅ ភូមិបន្ទាយចាស់ សង្កាត់ស្លក្រាម ក្រុងសៀមរាប ខាងកើតផ្សារសាមគ្គី៧០ម៉ែត្រ។ កាលបរិច្ឆេទចូលរៀននៅថ្ងៃទី០៣ ខែមិថុនា ឆ្នាំ២០២៤៕
