ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍វគ្គខ្លីថ្នាក់ Full-Stack Development រយៈពេល៤ខែ នៅ ADITI Academy សម្រាប់ឆ្នាំសិក្សាថ្មី។ អាហារូបករណ៍គាំទ្រដោយធនាគារវីង ផ្ដល់ជូន ១០០% ចំនួន ៣០កន្លែង ៨០% ចំនួន១០កន្លែង និង ៧០% ចំនួន ១០កន្លែង។
លក្ខខណ្ឌជ្រើសរើស ៖ បេក្ខជនជានិស្សិតផ្នែកព័ត៌មានវិទ្យា (IT, CS,ITE) កំពុងសិក្សាឆ្នាំទី៤ ឬទើបបញ្ចប់ថ្នាក់បរិញ្ញាបត្រ, អាចប្រើប្រាស់ភាសាអង់គ្លេសបាន (កំរិតមធ្យម) ប្ដេជ្ញាចិត្តខ្ពស់ក្នុងការចូលរៀនវគ្គបណ្ដុះបណ្ដាលរយៈពេល៤ខែដោយគោរពតាមបទបញ្ជាផ្ទៃក្នុង, មានឆន្ទៈក្នុងការស្រាវជ្រាវ, មានការចង់ដឹងចង់លឺ និងអាចបំពេញការងារបន្ទាប់ពីវគ្គបណ្ដុះបណ្ដាល, បន្ទាប់ពីបញ្ចប់វគ្គ បេក្ខជននឹងតម្រូវឱ្យចូលធ្វើការនៅធនាគារវីង។
វគ្គបណ្ដុះ Full-Stack Development ដែលកម្មវិធីអាហារូបករណ៍ផ្ដល់ឱ្យ គឺសិក្សាផ្ដោតលើ Full-Stack Development លើផ្នែកបច្ចេកទេសដូចជា Frontend (React, Next.js), Backend (Spring boot), Database API Deployment ជាដើម។ លើសពីនេះ វគ្គបណ្ដុះបណ្ដាលនឹងបន្ថែមជំនាញទន់ (Soft skill) ដើម្បីឱ្យនិស្សិតត្រៀមខ្លួនរួចរាល់ក្នុងការចាប់ផ្ដើមអាជីពជា Full-Stack Developer នៅធនាគារ វីង ។
អត្ថប្រយោជន៍ដែលនិស្សិតទទួលបានរួមមាន ៖ ការរៀនជាមួយគ្រូបង្គោលដែលមានបទពិសោធន៍ជាង១០ឆ្នាំ, រៀនជា Project Based អាចយកទៅអនុវត្តក្នុងអាជីពការងារ, ចេះជំនាញទន់ដែលជួយដល់ការទំនាក់ទំនង និងការដឹកនាំ, ទទួលបានវិញ្ញាបនបត្របញ្ចប់វគ្គ និង ឱកាសធ្វើជា Full-Stack Developer នៅធនាគារ វីង ។
បេក្ខជនដែលមានចំណាប់អារម្មណ៍ក្នុងការដាក់ពាក្យ អាចចូលទៅតាមតំណភ្ជាប់ https://forms.gle/dyeafikKP9jfHh6t5 ចាប់ពីថ្ងៃផ្សាយដំណឹងនេះ រហូតដល់ថ្ងៃទី៣១ ខែតុលា ឆ្នាំ២០២៥។ បេក្ខជន បេក្ខនារី ដែលជាប់វគ្គ Shortlist នឹងត្រូវឆ្លងកាត់ការប្រឡង និងសម្ភាសន៍ដោយផ្ទាល់។
សម្រាប់ព័ត៌មានបន្ថែមអាចទំនាក់ទំនងទៅកាន់ 010 879 555 ឬតាមរយៈតេលេក្រាម @ADITI_Academy ៕
