ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមការស្រាវជ្រាវការអង្គុយយូរពេក បណ្តាលឱ្យកាត់បន្ថយអាយុកាលរបស់មនុស្ស និងបណ្តាលឱ្យកើតជំងឺរ៉ាំរ៉ៃជាច្រើន រួមមាន ជំងឺបេះដូង ជំងឺទឹកនោមផ្អែម ជំងឺមហារីក ឫសដូងបាត ទល់លាមក និងការឡើងទម្ងន់ជាដើម។
តាមរយៈគេហទំព័រ abc27 បានឱ្យដឹងថា ប្រសិនបើអ្នកមិនធ្វើចលនាខ្លះក្នុងទម្លាប់ប្រចាំថ្ងៃទេ ឬក៏មិនមានចំណេះមូលដ្ឋានគ្រឹះក្នុងការពង្រឹងចលនារាងកាយឱ្យបានខ្ជាប់ខ្ជួននោះទេ គឺជាកត្តាបណ្តាលឱ្យការក្សាតុល្យភាពចង្វាក់បេះដូងមានភាពអន់ថយដូចគ្នាដែរ ។ មិនតែប៉ុណ្ណោះ ការធ្វើចលនារាងកាយ បានទៀងទាត់ ជួយឱ្យការគ្រប់គ្រងកម្រិតជាតិស្ករក្នុងខ្លួន កាត់បន្ថយហានិភ័យនៃជំងឺទឹកនោមផ្អែម និងរក្សាទម្ងន់ឱ្យស្របជាមួយនឹងតម្រូការសុខភាព នៃរាងកាយ។
ការសិក្សាក៏បានបន្ថែមឱ្យដឹងដែរថា ដើម្បីកាត់បន្ថយហានិភ័យនៃជំងឺដែលបានរៀបរាប់ខាងលើ គួរកាត់បន្ថយទម្លាប់ដែលអង្គុយយូរម៉ោង ជំនួសមកវិញនូវការបញ្ចូលទម្លាប់ធ្វើចលនារាងកាយ យ៉ាងហោចណាស់ចាប់ពី១៥នាទី ទៅ៣០នាទីក្នុងមួយថ្ងៃ អនុវត្តន៍ដោយមិនចាំបាច់ខ្វាយខ្វល់ខ្លាំង អំពីក្បាច់ ឬប្រភេទនៃលំហាត់ប្រាណទាំងនោះទេ អ្វីដែលសំខាន់ គឺបានធ្វើចលនាទៀងទាត់រាល់ថ្ងៃ។
ជាឧទាហរណ៍ អ្នកគួរចំណាយពេលដើរចុះ ដើរឡើង បន្តិចបន្តួចកំឡុងពេលសម្រាកអាហារថ្ងៃត្រង់នៅកន្លែងការងារ ឬជុំវិញបរិវេណការិយាល័យ ហើយដើម្បីពង្រឹងវប្បធម៌បែបបទមួយនេះឱ្យកាន់តែវិជ្ជមាន ឬការជំរុញចិត្តបន្ត លោកអ្នកគួរតែអញ្ជើញមិត្តរួមអាជីពឱ្យមកធ្វើសកម្មភាពលំហាត់ប្រាណសាមញ្ញៗបែបនេះជាមួយគ្នា៕
