ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការប្រាស្រ័យទាក់ទងមិនមែនសំដៅតែលើការប្រើប្រាស់ពាក្យនិយាយឱ្យបានល្អប៉ុណ្ណោះទេ ជាពិសេសចំពោះអ្នកឧស្សាហ៍ជួបមនុស្សដែលមកពីវប្បធម៌ខុសគ្នា។ ការទទួលយកភាពខុសគ្នាសុទ្ធតែសំខាន់នៅក្នុងទំនាក់ទំនង រួមទាំងការយោគយល់គ្នា ក៏ដូចជាការគោរពគ្នា ហើយដឹងអំពីវិធីសាស្រ្តក្នុងការកែប្រែគ្នាបែបវិជ្ជមានផងដែរ។
តាមរយៈ Northeastern University បានប្រាប់អំពីសារៈសំខាន់ និងរបៀបប្រាស្រ័យទាក់ទងជាមួយមនុស្សមកពីវប្បធម៌ខុសគ្នា ដែលអ្នកអាចយកមកអនុវត្តបាន។
ភាពសំខាន់នៃការយល់ដឹង ៖ ការប្រាស្រ័យទាក់ទងមានច្រើនប្រភេទ ប៉ុន្តែការយល់ដឹងអំពីការប្រាស្រ័យទាក់ទងជាមួយមនុស្សមកពីវប្បធម៌ខុសគ្នា ជាការបើកឱកាសឱ្យខ្លួនឯងបានពង្រីកភាពជោគជ័យក្នុងឧស្សាហកម្មណាមួយ ជាពិសេសអ្នកធ្វើការផ្ទាល់ពាក់ព័ន្ធនឹងការចរចា។
ទទួលស្គាល់នូវភាពខុសគ្នា ៖ បរិយាកាសដែលធំធាត់តែងមានភាពខុសគ្នា មិនថា ការនិយាយទៅដល់វប្បធម៌ឆ្លងប្រទេស សូម្បីតែក្នុងគ្រួសារមួយ ក្នុងសហគមន៍មួយក៏មានរបៀបនៃការនិយាយ និងជំនឿខុសៗគ្នាដែរ ដូច្នេះដើម្បីឱ្យការទំនាក់ទំនងជាមួយអ្នកមកពីវប្បធម៌ខុសគ្នាទៅមុខរលូនបាន ចាំបាច់ត្រូវគោរពនូវភាពខុសប្លែកគ្នា មិនថាការប្រើប្រាស់ពាក្យសម្តី ឬមួយក៏ការទទួលយកជំនឿ និងការអនុវត្តជាដើម។
បង្កើនភាពរហ័សរហួន ៖ ដើម្បីឱ្យការប្រាស្រ័យទៅមុខបានល្អ ការទម្លាប់ខ្លួនជាមួយនឹងភាពរហ័ស ដូចជាការសួរសំនួរ ការបញ្ជាក់ និងសិក្សាបន្ថែមអំពីបរិយាកាស និងមនុស្សដែលត្រូវជជែក សុទ្ធសឹងតែមានភាពសំខាន់ដើម្បីឱ្យកិច្ចសន្ទនាដែលមានពីវប្បធម៌ផ្សេងគ្នា អាចកាត់បន្ថយបាននូវជម្លោះ។
ការបើកចិត្ត ៖ ប្រយោគមួយនេះលឺស្ទើរតែគ្រប់ទីកន្លែង ត្រូវបើកចិត្តឱ្យទូលាយ ប៉ុន្តែការបើកចិត្តទូលាយទៅបាន ទាមទារឱ្យមានឱកាសក្នុងការអប់រំ ការដើរហើរ និងការជួបមនុស្សចម្រុះផងដែរ ដូច្នេះការបណ្តុះខ្លួនឯងឱ្យមានការបើកចិត្តទៅបាន ចាំបាច់ត្រូវបន្តរៀនសូត្រ និងសាកល្បងសកម្មភាពថ្មីៗបន្ថែមជាប្រចាំ៕
