ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ប្រសិនបើអ្នកកំពុងស្វែងរកវិធីសាស្រ្តដើម្បីជំរុញឱ្យមានសុខភាពល្អ ហើយនឹងត្រូវការឱ្យមានតុល្យភាព និងសម្រួលសរសៃ កាត់បន្ថយកាឡូរី ពង្រឹងរាល់សាច់ដុំនៃរាងកាយ ហើយអាចកម្សាន្តស្របជាមួយគ្នានឹងអនុវត្តន៍សកម្មភាពនោះ អ្នកគួរតែសម្រេចចិត្តជ្រើសយកកីឡាវាយកូនបាល់ (tennis)។
យោងតាមគេហទំព័រ healthline បង្ហាញអំពីអត្ថប្រយោជន៍ដែលទទួលបានពីកីឡាវាយកូនបាល់មានដូចខាងក្រោម៖
១. បង្កើតទំនាក់ទំនងក្នុងសង្គម ៖ កីឡាវាយកូនបាល់ជាប្រភេទកីឡា ឬសកម្មភាពមួយដែលគេឧស្សាហ៍លេងនៅទីសាធារណៈ ឬជាក្រុម ដូច្នេះអ្នកអាចធ្វើលំហាត់ប្រាណជាមួយនឹងមិត្ត ឬសមាជិកគ្រួសារក៏បាន។ ទន្ទឹមគ្នា កីឡាប្រភេទនេះក៏បានបង្កើនទំនាក់ទំនងបន្ថែមជាមួយមនុស្សថ្មីៗ ថែមទាំងអាចលេងបានយូរជាងប្រភេទកីឡាដទៃៗ ដូចជា បាល់បោះ ឬបាល់ទាត់ជាដើម។
២. ពង្រឹងសាច់ដុំឆ្អឹង ៖ ព្រោះកីឡាវាយកូនបាល់ទាមទារឱ្យរាល់សាច់ដុំទាំងអស់បញ្ចេញកម្លាំង ហើយបើយោងតាមការសិក្សាមួយនៅឆ្នាំ២០១៩បានឱ្យដឹងថា អ្នកលេងកីឡាវាយកូនបាល់ជំរុញឱ្យឆ្អឹង ឬសាច់ដុំមាំទាំ ជាងអ្នកមិនដែលសាកល្បង។
៣. សម្រកទម្ងន់ ៖ ប្រសិនបើអ្នកកំពុងតែព្យាយាមសម្រកគីឡូ នោះការជ្រើសរើសកីឡាវាយកូនបាល់ជាជ្រើសល្អមួយ ព្រោះវាជាប្រភេទកីឡាដែលអាចដុតកម្ដៅកាឡូរី បានច្រើនជាងមុន ហើយបង្កើតបានរបៀបរស់នៅមានគុណភាព ដោយការមានសុខភាពល្អ៕
