ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់យុវជនដែលរៀនចប់ថ្នាក់ទី៩ ក៏ដូចជាយុវជនដែលទើបប្រឡងចប់ថ្នាក់ទី១២ ដែលកំពុងស្វែងរករៀនជំនាញបច្ចេកទេស ពេលនេះ មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសជ្រើសរើសយុវជនចូលសិក្សាជំនាញបច្ចេកទេស និងវិជ្ជាជីវៈចំនួន៣៨៥កន្លែងសម្រាប់ឆ្នាំសិក្សា២០២៣-២០២៤។
ការសិក្សាផ្ដល់ជូនការសិក្សាកម្រិតជានខ្ពស់បច្ចេកទេស(បរិញ្ញាបត្ររង) សញ្ញាបត្របច្ចេកទេសវិជ្ជាជីវៈ១,២,៣ និងសញ្ញាបត្របច្ចេកទេសវិជ្ជាជីវៈ១ (C1 ពិសេស)។
ជំនាញដែលគ្រឹះស្ថានផ្ដល់ជូនការសិក្សាសម្រាប់កម្រិតជាន់ខ្ពស់បច្ចេកទេស(បរិញ្ញាបត្ររង) សិក្សាលើជំនាញអគ្គិសនី២០កន្លែង ព័ត៌មានវិទ្យា២០កន្លែង សម្រាប់បេក្ខជនដែលជាប់ ឬធ្លាក់បាក់ឌុបសិក្សារយៈពេល២ឆ្នាំ។ សម្រាប់សញ្ញាបត្របច្ចេកទេសវិជ្ជាជីវៈ១,២,៣ (C1,C2,C2) សិក្សាលើជំនាញការដំឡើងបណ្ដាញអគ្គិសនីក្នុងអគារ៤០កន្លែង ការផ្គុំដំឡើងគ្រោងដែក២០កន្លែង សេវាកម្មកុំព្យូទ័រ១៥កន្លែង សម្រាប់បេក្ខជនជាប់ឬធ្លាក់ថ្នាក់ទី៩សិក្សារយៈពេល១ឆ្នាំ។ សម្រាប់សញ្ញាបត្របច្ចេកទេសវិជ្ជាជីវៈ១ (C1 ពិសេស) ជំនាញការដំឡើងបណ្ដាញអគ្គិសនីក្នុងអគារ ៩០កន្លែង ការផ្សារអគ្គិសនី៩០កន្លែង និងសេវាកម្មកុំព្យូទ័រ៩០កន្លែង សម្រាប់បេក្ខជនដែលមានអាយុចាប់ពី១៥ឆ្នាំ ដល់៣៥ឆ្នាំ ដោយបេក្ខជនមានបណ្ណក្រីក្រ១, ២ នឹងទទួលបានប្រាក់ឧបត្ថម្ភ២៨ម៉ឺនរៀលក្នុងមួយខែ។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចចុះឈ្មោះចូលរៀនរៀងរាល់ថ្ងៃធ្វើការនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីដែលមានអាសយដ្ឋាននៅ ភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី(ផ្លូវទៅទឹកជ្រោះ ដំណាក់ស្ដេច)។
សម្រាប់ព័ត៌មានបន្ថែមបេក្ខជនអាចទំនាក់ទំនងទៅកាន់ ០៨៨ ៦២ ៤០ ៦២២ / ០១០ ៥០ ៩៩ ៦២ / ០១២ ៣១ ៣៣ ៦២ / ០៩៧ ៧៩៦ ៦៦ ៥៣ / ០៩៧ ៧២៥ ៩៣៥៧ ឬ Facebook Page: មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី៕
