ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការទទួលទានអាហារប្រចាំថ្ងៃមិនមែនត្រឹមតែជាតម្រូវការមូលដ្ឋានប៉ុណ្ណោះទេ តែក៏ជាចំណែកសំខាន់នៃការថែទាំសុខភាពទាំងមូល។ ទោះជាយ៉ាងណាក៏ដោយ ការជ្រើសរើសប្រភេទអាហារ និងពេលវេលានៃការទទួលទានគឺមានឥទ្ធិពលខ្លាំង ជាពិសេសនៅពេលយប់ឬល្ងាច ដែលរាងកាយពុំសូវត្រូវការថាមពលខ្លាំងក្លា។ បើទោះបីជាយើងដឹងថាការទទួលទានច្រើនជ្រុលមុនពេលចូលគេងអាចរំខានដល់ដំណេកក៏ដោយ ក៏មនុស្សជាច្រើននៅតែមានទម្លាប់ឃ្លាន ឬចង់ទទួលទានអាហារសម្រន់នៅពេលយប់ដដែល។
ដូច្នេះ តើយើងគួរជ្រើសរើសអាហារសម្រន់បែបណា ទើបអាចឆ្លើយតបទៅនឹងតម្រូវការសុខភាព ផ្តល់អារម្មណ៍ឆ្អែតល្មម និងជួយដល់គុណភាពដំណេក?
យោងតាមគេហទំព័រ Sleep Foundation អាហារសម្រន់ពេលល្ងាចដ៏ល្អបំផុតគួរជាអាហារដែលផ្តល់ជាតិសរសៃ ងាយស្រួលរំលាយ និងជួយទ្រទ្រង់ដល់ការគេងលក់ស្កប់ស្កល់។ ក្នុងចំណោមជម្រើសទាំងនោះ មានដូចជា ផ្លែចេក, គ្រាប់ធញ្ញជាតិ, ផ្លែឈើក្រឡុក, គ្រាប់ល្ពៅ, ផ្លែឈើចម្រុះ, និង ទឹកដោះគោជូរ (យូហ្គើត) ដែលសុទ្ធសឹងជាអាហារផ្តល់អត្ថប្រយោជន៍ដល់តម្រូវការពេលយប់របស់រាងកាយ។ ហើយខាងក្រោមនេះ យើងនឹងបង្ហាញលម្អិតអំពីជម្រើសអាហារសម្រន់ទាំងនេះ និងគន្លឹះក្នុងការទទួលទានត្រឹមត្រូវ ដើម្បីសុខភាពល្អ និងការគេងដ៏ប្រសើរ។
ការទទួលទានដើម្បីជំនួយការគេង ៖ ទម្លាប់ទទួលទានដែលរួមចំណែកទៅកាន់សុខភាពជាទូទៅ ចាំបាច់ត្រូវការរក្សាតុល្យភាព នៃរបបអាហារប្រចាំថ្ងៃ មិនច្រើនពេកមិនតិចពេក ជារួមគឺឆ្លើយតបនឹងតម្រូវការរាងកាយផ្ទាល់ខ្លួន ហើយដើម្បីដឹងឱ្យច្បាស់ជាក់លាក់ពីចំនួន និងប្រភេទអាហារ មានតែការទៅពិនិត្យសុខភាព និងការប្រឹក្សាជាមួយអ្នកជំនាញទេទើបអាចរកចម្លើយបាន។ យ៉ាងណាមិញការចាប់ផ្តើមនៅចំណុចជាទូទៅ គឺការរក្សាតុល្យភាពអាហារ នៅពេលមានអារម្មណ៍ថាស្រួលខ្លួននៅក្នុងចំនួនប៉ុន្មាន ហើយគួរតែកត់សម្គាល់និងរក្សាអាហារនៅក្នុងបរិមាណដដែល។
ក្នុងអាហារដែលទទួលទានត្រូវតែមានបន្លែផ្លែឈើ ការទួលទានមានភាពទៀងទាត់ មានពេលវេលាជាក់លាក់ កាត់បន្ថយអាហារដែលមានជាតិកាហ្វេអ៊ីនច្រើនពេក ជាពិសេសពេលល្ងាច ឬរសៀល។
ផ្លែចេក ៖ ការជ្រើសរើសអាហារសម្រន់នៅពេលយប់អាចជារឿងដែលពិបាកមួយ ខណៈអាហារខ្លះបានបង្កើនថាមពល និងប្រើពេលយូរក្នុងការរំលាយដែលរំខានទៅដល់គុណភាពដំណេក ដូច្នេះប្រសិនបើជៀសពុំរួចក្នុងការទទួលទាន ការជ្រើសរើសប្រភេទអាហារដែលផ្តល់នូវជាតិសសៃ និងសម្រួលដល់ការរំលាយអាហារក៏បានរួមចំណែកក្នុងការកាត់បន្ថយហានិភ័យ តួយ៉ាងដូចជាផ្លែចេក ហើយការទទួលទានទៀតសោត យ៉ាងតិចបំផុត ពិសាឱ្យបានមុនចូលគេង៣០នាទី។
ទឹកដោះគោជូរ និងគ្រាប់ធញ្ញជាតិ ៖ ការប្រើប្រាស់ទឹកដោះគោជូរ គួរជ្រើសក្នុងកម្រិតជាតិស្ករដែលមិនសូវជាខ្ពស់ពេក ឬក៏លាយជាមួយនឹងផ្លែឈើចម្រុះដូចជាផ្លែប័រជាដើម។ ហើយចំពោះគ្រាប់ធញ្ញជាតិវិញមានដូចជា គ្រាប់ល្ពៅ គ្រាប់ល្ង និងគ្រាប់ស្វាយចន្ទី៕
