កម្មវិធីអាហារូបករណ៍ University of Debrecen Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ ស្នើពាក្យដើម្បីសិក្សាថ្នាក់ឧត្ដមសិក្សា នៅសាកលវិទ្យាល័យ Debrecen នៃទីក្រុង Debrecen ប្រទេសហុងគ្រី។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។

ជំនាញដែលបេក្ខភាពអាហារូបករណ៍អាចស្នើពាក្យសិក្សាបានរួមមាន សម្រាប់ថ្នាក់បរិញ្ញាបត្រ ៖ វិស្វកម្មចំណីអាហារ, គ្រប់គ្រងពាណិជ្ជកម្ម, គ្រប់គ្រង និងទីផ្សារ, វិស្វកម្មជីវគីមី, វិស្វកម្មសំណង់ស៊ីវិល, វិស្វកម្មគីមី, វិស្វកម្មអគ្គិសនី, ឯកទេសវិស្វកម្មសេវាកម្មសំណង់, វិស្វកម្មមេកាត្រូនិក, ជំនាញប្រតិបត្តិការ និងថែទាំ, ជំនាញបើកយន្តហោះ, ផ្នែកភាសាអង់គ្លេស និងការសិក្សាពីសហរដ្ឋអាមេរិក, គិលានុបដ្ឋានយិកា និងការថែទាំអ្នកជំងឺ (ការព្យាបាលដោយចលនា), សុខភាពសាធារណៈ, Musical Creative Art and Musicology, Classical Performing Arts (Music), ជីវវិទ្យា, វិទ្យាសាស្ត្រផែនដី, គីមីវិទ្យា, គណិតវិទ្យា, ភូមិសាស្ត្រ, រូបវិទ្យា, Business Informatics,​ វិស្វកម្មវិទ្យាសាស្ត្រកុំព្យូទ័រ, វិទ្យាសាស្ត្រកុំព្យូទ័រ។

សម្រាប់ថ្នាក់បរិញ្ញាបត្រជាន់ខ្ពស់ ៖ Animal Husbandry Engineering, Agricultural Water Management Engineering, Agricultural Environmental Management Engineering, Food Safety and Quality Engineering, ​Rural Development Engineering, Plant Protection, សេដ្ឋកិច្ច និងពាណិជ្ជកម្មអន្តរជាតិ, Complex Rehabilitation, Social Work in Health Care, Public Health, Social Work and Social Economy និងជំនាញជាច្រើនទៀតក្នុងផ្នែក ព័ត៌មានវិទ្យា តន្រ្តី ច្បាប់ និង Humanities។

សម្រាប់ថ្នាក់បណ្ឌិត ៖ English and American Literature, History and Ethnology, English Linguistics, វិទ្យាសាស្ត្រសត្វ, វិទ្យាសាស្ត្រដំណាំ និងសាកវប្បកម្ម, ផ្នែកអាហារូបត្ថម្ភ និងវិទ្យាសាស្ត្រអាហារ, ព័ត៌មានវិទ្យា, និងផ្នែកផ្សេងទៀតជាច្រើនដូចជា ផ្នែកសុខាភិបាល ផ្នែកមនុស្សសាស្ត្រសង្គម និង ផ្នែកបរិស្ថាន។

អាហារូបករណ៍ផ្ដល់ការសិក្សារយៈពេល៤ឆ្នាំសម្រាប់ថ្នាក់បរិញ្ញាបត្រ រយៈពេល២ឆ្នាំសម្រាប់ថ្នាក់បរិញ្ញាបត្រជាន់ខ្ពស់ និងរយៈពេល៣ឆ្នាំសម្រាប់ថ្នាក់បណ្ឌិត។
បេក្ខជន បេក្ខនារីដែល​ចាប់អារម្មណ៍អាហារូបករណ៍ អាចចូលទៅកាន់ តំណភ្ជាប់ខាងក្រោម https://edu.unideb.hu/p/stipendium-hungaricum ។ ចាប់ទទួលពាក្យពីថ្ងៃផ្សាយដំណឹង ដល់ថ្ងៃទី១៥ ខែមិថុនា ឆ្នាំ២០២៥៕