ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យជាតិសេអ៊ូល នៃប្រទេសកូរ៉េខាងត្បូង បានប្រកាសផ្តល់អាហារូបករណ៍សម្រាប់និស្សិតបរទេសដែលមកពីប្រទេសកំពុងអភិវឌ្ឍន៍ ដែលរួមមានទាំងកម្ពុជាផង សម្រាប់ឆ្នាំសិក្សា២០២៤ សម្រាប់ការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។
ជំនាញដែលអាហារូបករណ៍ផ្ដល់ជូនរួមមាន វិទ្យាសាស្ត្រវេជ្ជសាស្ត្រ, មនុស្សសាស្ត្រ និងវិទ្យាសាស្ត្រសង្គម, វិទ្យាសាស្រ្តធម្មជាតិ, វិស្វកម្ម និងសិល្បៈ ។
លក្ខណៈវិនិច្ឆ័យដែលបេក្ខជនទទួលអាចស្នើពាក្យអាហារូបករណ៍បាន ជាបេក្ខជនគ្រប់ជាតិសាសន៍ក្រៅពីជនជាតិ/សញ្ជាតិកូរ៉េ, មិនមានសាច់ញាតិ ឬឪពុកម្ដាយជាពលរដ្ឋកូរ៉េខាងត្បូង។ បេក្ខជនដែលដាក់ពាក្យស្នើសុំអាហារូបករណ៍ថ្នាក់បរិញ្ញាបត្រតម្រូវមានសញ្ញាបត្រមធ្យមសិក្សាទូតិយភូមិ, បេក្ខជនស្នើអាហារូបករណ៍ថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ, បេក្ខជនស្នើអាហារូបករណ៍ថ្នាក់បណ្ឌិតត្រូវមានសញ្ញាបត្របរិញ្ញាបត្រជាន់ខ្ពស់ ។ លើសពីនេះ បេក្ខជនត្រូវមានកាយសម្បទានិងផ្លូវចិត្តរឹងមាំ បេក្ខជនគួរតែបំពេញតាមលក្ខណៈវិនិច្ឆ័យ និងតម្រូវការនៃកម្មវិធីអាហារូបករណ៍ដែលបេក្ខជនកំពុងដាក់ពាក្យ ។
ឯកសារចាំបាច់ដែលបេក្ខជនត្រូវភ្ជាប់ជាមួយពាក្យស្នើអាហារូបករណ៍មានដូចជា ប្រវត្តិរូបសង្ខេបផ្ទាល់ខ្លួន, សេចក្ដីថ្លែងការណ៍ផ្ទាល់ខ្លួន, គម្រោងផែនការសិក្សាផ្ទាល់ខ្លួន, សញ្ញាបត្រតាមកម្រិតដែលបានបញ្ជាក់ខាងលើ, លិខិតអនុសាសន៍ចំនួនពីរ, លិខិតលើកទឹកចិត្ត, ប្រតិចារិកនៃបរិញ្ញាបត្រ/អនុបណ្ឌិត, សំណើស្រាវជ្រាវ, និក្ខេបបទសម្រាប់កម្មវិធីបណ្ឌិត, ច្បាប់ចម្លងនៃលិខិតឆ្លងដែនរបស់អ្នកដាក់ពាក្យសុំគួរតែត្រូវបានផ្តល់ជូន, ឯកសារផ្សេងទៀតដែលបង្ហាញពីសញ្ជាតិរបស់អ្នកដាក់ពាក្យ, ច្បាប់ចម្លងលិខិតឆ្លងដែនរបស់ឪពុកម្តាយ, និងឯកសារផ្សេងទៀតដែលបង្ហាញពីសញ្ជាតិរបស់ឪពុកម្តាយទាំងពីរគឺចាំបាច់ ។
បេក្ខជនដែលទទួលបានអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃសិក្សាពេញលេញ, ប្រាក់ឧបត្ថម្ភប្រចាំខែចន្លោះពី ៥០០,០០០KRW ទៅ ២,០០០,០០០KRW, ថ្លៃសំបុត្រយន្តហោះ ការបណ្ដុះបណ្ដាលភាសាកូរ៉េ និងឱកាសសិក្សានៅសាកលវិទ្យាល័យល្បីៗក្នុងប្រទេសកូរ៉េខាងត្បូង ។
សម្រាប់ព័ត៌មានលម្អិតអាចចូលទៅកាន់តំណភ្ជាប់ https://b4unew.com/seoul-national-university-scholarship/ ។ ដើម្បីស្នើពាក្យអាហារូបករណ៍សូមចូលទៅកាន់តំណភ្ជាប់ https://en.snu.ac.kr/admission/overview/notice?sc=y ។ ផុតកំណត់ទទួលពាក្យថ្ងៃទី០៧ ខែកក្កដា ឆ្នាំ២០២៣ ៕
