ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេសក្នុងការសិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ក្នុងការជំរុញកិច្ចសហការស្រាវជ្រាវសកល ឧត្តមភាពសិក្សា និងភាពចម្រុះ នៃវប្បធម៌។
អាហារូបករណ៍នឹងជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ចំនួន៤កន្លែង ដើម្បីអាហារូបករណ៍ពេញលេញ។ បេក្ខជនស្នើពាក្យកម្រិតនេះ ត្រូវមានលក្ខខណ្ឌដូចជា ជាអ្នកស្រាវជ្រាវ ដែលមានលិខិតបញ្ជាក់ (កំពុង ឬបានស្រាវជ្រាវយ៉ាងហោចណាស់មួយ) អំពី Scopus ឬ Web of Science Journal ។ បេក្ខជនជានិស្សិត ឬ បានបញ្ចប់ការសិក្សាថ្នាក់បរិញ្ញាបត្រពីសាកលវិទ្យាល័យដែលជាដៃគូនៃសាកលវិទ្យាល័យ Prince Songkla ឬបានបញ្ចប់ការសិក្សាស្រាវជ្រាវពីមុននៅមហាវិទ្យាល័យវិទ្យាសាស្ត្រ PSU។ បេក្ខជននឹងទទួលបានការគាំទ្រពីភាគីអាហារូបករណ៍ដូចជា ថ្លៃសិក្សា ៥៦០០០THB ក្នុងមួយឆមាស (៤ឆមាសឡើងទៅ) ប្រាក់ឧបត្ថម្ភប្រចាំខែ ៨០០០THB ក្នុងមួយខែ(២៤ខែឡើងទៅ)។
សម្រាប់អាហារូបករណ៍ផ្ដល់ដោយផ្នែក នឹងជ្រើសរើសថ្នាក់បរិញ្ញាបត្រជាន់ខ្ពស់៣កន្លែង និងថ្នាក់បណ្ឌិត២កន្លែង។ លក្ខខណ្ឌនៃការជ្រើសរើសបេក្ខជន សម្រាប់និស្សិតអន្តរជាតិគ្រប់សញ្ជាតិ និងមិនមានលក្ខខណ្ឌជាន់នឹងលក្ខខណ្ឌសម្រាប់អាហារូបករណ៍ពេញលេញ។ បេក្ខជនជ័យលាភីនឹងទទួលបាន ថ្លៃសិក្សា ៥៦០០០THB ក្នុងមួយឆមាស(មានរយៈពេល៤ឆមាសឡើងទៅ សម្រាប់ថ្នាក់បរិញ្ញាបត្រជាន់ខ្ពស់ និង ៦ឆមាសឡើងទៅ សម្រាប់ថ្នាក់បណ្ឌិត) ថ្លៃជួលបន្ទប់ស្នាក់នៅក្នុងកំឡុងពេលសិក្សា ៧៥០០THB ក្នុងមួយឆមាស។ គួរបញ្ជាក់ថា បេក្ខភាពអាហារូបករណ៍ដោយផ្នែក មិនទទួលបានថ្លៃទឹកភ្លើង ប្រាក់ឧបត្ថម្ភប្រចាំខែឡើយ។
បេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យ សូមភ្ជាប់ជាមួយឯកសារចាំបាច់មួយចំនួនដូចជា ប្រវត្តិរូប (CV), ប្រតិចារិកបញ្ជាក់ការសិក្សាថ្នាក់ចុងក្រោយ, លិខិតបញ្ជាក់ការស្រាវជ្រាវ ឬគម្រោងសិក្សាជាភាសាអង់គ្លេស ចំនួន៨០០ពាក្យ ច្បាប់ចម្លងនៃលិខិតឆ្លងដែន (ទំព័រព័ត៌មានរបស់សាម៉ីជន), លិខិតពិនិត្យសុខភាព (ជាភាសាអង់គ្លេស) និង ច្បាប់ចម្លងនៃពិន្ទុបញ្ជាក់ភាសាអង់គ្លេស IELTS ឬ TOEFL ។
សម្រាប់ព័ត៌មានបន្ថែម ទំនាក់ទំនងទៅកាន់ wanvisa.b@psu.ac.th ឬចូលទៅកាន់គេហទំព័រផ្លូវការ https://www.psu.ac.th/en/ ។ ចាប់ទទួលពាក្យពីថ្ងៃទី០១ ដល់ថ្ងៃទី៣១ ខែកក្កដា ឆ្នាំ២០២៥៕
