ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អាហារូបករណ៍ Dr Goh Keng Swee (GKS) ដែលជាអាហារូបករណ៍ឯកជនគ្រប់គ្រងដោយសមាគមធនាគារនៅសិង្ហបុរី។ ជារៀងរាល់ឆ្នាំ អាហារូបករណ៍តែងតែផ្តល់ជូនដល់និស្សិតមកពីប្រទេសក្នុងតំបន់អាស៊ីប៉ាស៊ីហ្វិកចំនួន ១៥ រួមមាន ប្រ៊ុយណេ កម្ពុជា ចិន ហុងកុង ឥណ្ឌា ឥណ្ឌូនេស៊ី ជប៉ុន កូរ៉េ ឡាវ ម៉ាឡេស៊ី មីយ៉ាន់ម៉ា ហ្វីលីពីន តៃវ៉ាន់ ថៃ និងវៀតណាម។ ហើយសម្រាប់ឆ្នាំ២០២៥ អាហារូបករណ៍បានប្រកាសពីការចាប់ផ្តើមទទួលពាក្យហើយ។
អាហារូបករណ៍ ផ្តល់នូវការគាំទ្រដល់និស្សិតថ្នាក់បរិញ្ញាបត្រ នៅគ្រឹះស្ថានចំនួន៤ ក្នុងប្រទេសសិង្ហបុរី ដូចជា ៖ ថ្លៃសិក្សា និង ចំណាយចាំបាច់ផ្សេងៗ, អាកាសចរណ៍ (ទៅប្រទេសសិង្ហបុរី និង ត្រឡប់មកវិញក្រោយពេលបញ្ចប់ការសិក្សា), ប្រាក់ឧបត្ថម្ភថែទាំប្រចាំឆ្នាំ ៦៥០០ ដុល្លាសិង្ហបុរី, ប្រាក់ឧបត្ថម្ភសំរាប់កន្លែងស្នាក់នៅ អាស្រ័យទៅលើស្ថាប័នសិក្សា និង ប្រាក់ឧបត្ថម្ភទូទាត់ (ទទួលបានតែមួយលើក) ចំនួន ២០០ដុល្លាសិង្ហបុរី នៅពេលមកដល់ប្រទេសសិង្ហបុរី។
សម្រាប់គ្រឹះស្ថានសិក្សាទាំង ៤ នៅប្រទេសសិង្ហបុរី ដែលអាហារូបករណ៍គាំទ្ររួមមាន ៖
១. National University of Singapore ផុតកំណត់ទទួលពាក្យថ្ងៃទី២៦ ខែកុម្ភៈ ឆ្នាំ២០២៥។
២. Nanyang Technological University ផុតកំណត់ទទួលពាក្យថ្ងៃទី២៦ ខែកុម្ភៈ ឆ្នាំ២០២៥ (សម្រាប់សិស្សជាប់បាក់ឌុប) និងថ្ងៃទី១៩ ខែមីនា ឆ្នាំ២០២៥ (សម្រាប់សិស្សដែលមាន International Baccalaureate diploma)។
៣. Singapore Management University ផុតកំណត់ទទួលពាក្យថ្ងៃទី១៩ ខែមីនា ឆ្នាំ២០២៥។
៤. Singapore University of Technology and Design ផុតកំណត់ទទួលពាក្យថ្ងៃទី២៨ ខែកុម្ភៈ ឆ្នាំ២០២៥។
សម្រាប់ព័ត៌មានលម្អិត https://go.gov.sg/gks2025 និង GKS_Scholarships@abs.org.sg ៕
