ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Hong Kong PhD Fellowship Scheme (HKPFS) នៅទីក្រុងហុងកុង ឆ្នាំ២០២៦-២០២៧។ អាហារូបករណ៍ជ្រើសរើសនិស្សិតសិក្សាលើថ្នាក់បណ្ឌិតច្រើនជាង៤០០នាក់ទូទាំងពិភពលោក។
កម្មវិធីសិក្សានឹងផ្ដល់ឱ្យសិក្សានៅវិទ្យាស្ថាន និងសាកលវិទ្យាល័យមួយចំនួនដូចជា The University of Hong Kong (HKU), The Chinese University of Hong Kong (CUHK), Hong Kong University of Science and Technology (HKUST), Hong Kong Polytechnic University (PolyU), City University of Hong Kong (CityU), Hong Kong Baptist University (HKBU), The Education University of Hong Kong (EdUHK) និង Lingnan University (LU)។
អាហារូបករណ៍ផ្ដល់ឱ្យសិក្សាលើផ្នែក វិទ្យាសាស្ត្ររូបវិទ្យា វេជ្ជសាស្ត្រនិងជីវវិទ្យា វិស្វកម្មនិងបច្ចេកវិទ្យា មនុស្សធម៌ វិទ្យាសាស្ត្រសង្គម អាជីវកម្មនិងការគ្រប់គ្រង។
លក្ខខណ្ឌនៃការជ្រើសរើស ៖ ជាបេក្ខជនដែលមានពេលទៅសិក្សាពេញម៉ោងថ្នាក់បណ្ឌិត មានសញ្ញាបត្រថ្នាក់បរិញ្ញាបត្រ និងបរិញ្ញាបត្រជាន់ខ្ពស់ មានប្រវត្តិការសិក្សាល្អ និងមានគម្រោងស្រាវជ្រាវ មានសញ្ញាបត្របញ្ជាក់ការសិក្សាភាសាអង់គ្លេស និងស្នើទៅកាន់សាកលវិទ្យាល័យឱ្យបានមុនពេលកំណត់បិទទទួលពាក្យអាហារូបករណ៍។
បេក្ខជនជ័យលាភីអាហារូបករណ៍ នឹងទទួលបាន ប្រាក់ឧបត្ថម្ភប្រចាំឆ្នាំ HK$340,800 សម្រាប់រយៈពេល៣ឆ្នាំ ប្រាក់សម្រាប់ថ្លៃធ្វើដំណើរ ថ្លៃសិក្សាពេញលេញ ថ្លៃសិក្សាស្រាវជ្រាវ និងឱកាសសិក្សាជាមួយនិស្សិតអន្តរជាតិផ្សេងៗ។
សម្រាប់ព័ត៌មានបន្ថែមអាចចូលទៅកាន់ https://fercost.com/hong-kong-phd-fellowship-scheme/ ។ ដើម្បីធ្វើការដាក់ពាក្យ អាចចូលទៅកាន់ https://cerg1.ugc.edu.hk/hkpfs/apply.html ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែធ្នូ ឆ្នាំ២០២៥៕
