ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអាន ចនផន ចំនួន១០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនដល់បេក្ខជនដែលមានក្ដីស្រមៃបន្តការសិក្សា ឬសំរេចក្ដីស្រមៃក្នុងការសិក្សាជំនាញសិល្បៈ។
លក្ខខណ្ឌជ្រើសរើស ៖ ជាបេក្ខជនមានអាយុយ៉ាងតិច១៨ឆ្នាំ ជាពលរដ្ឋកម្ពុជាដែលកំពុងរស់នៅក្នុងប្រទេសកម្ពុជា កំពុងរៀន ឬធ្លាប់បានរៀនជំនាញសិល្បៈវប្បធម៌ណាមួយ ឬធ្វើការក្នុងវិស័យសិល្បៈវប្បធម៌យ៉ាងតិច៣ឆ្នាំ ។ ជាបុគ្គលដែលមានគោលបំណង និងឆន្ទៈអភិវឌ្ឍជំនាញសិល្បៈ និងអាជីពរបស់ខ្លួនក្នុងវិស័យសិល្បៈវប្បធម៌ឱ្យឈានទៅរកកម្រិតអាជីព និងជាបេក្ខជនមានពេលគ្រប់គ្រាន់ក្នុងការចូលរួមកម្មវិធីតាមកាលបរិច្ឆេទទាំងអស់ដែលបានកំណត់។
អត្ថប្រយោជន៍ដែលបេក្ខភាពទទួលបានដូចជា បានសិក្សានូវជំនាញសិល្បៈដែលជាក្ដីស្រមៃរបស់ខ្លួន និងបានអភិវឌ្ឍខ្លួនឯងតាមរយៈការបណ្ដុះបណ្ដាលបន្ថែមពីអង្គការសិល្បៈខ្មែរអមតៈ និងជំនួយគាំទ្រ១,៥០០ដុល្លារ ក្នុង១ឆ្នាំ។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមបំពេញព័ត៌មានរបស់លោកអ្នកនិងឆ្លើយសំណួរនៅក្នុង «ទម្រង់ពាក្យស្នើសុំ» រួចហើយបំពេញពាក្យស្នើសុំឱ្យបានមុខថ្ងៃទី៣១ ខែឧសភា ឆ្នាំ២០២៤ តាមរយៈផ្ញើទៅកាន់ Email: sormanak@cambodianlivingarts.org ឬពុំមាន Email អាចផ្ញើទៅកាន់ Telegram ០១០ ៩៤១ ២២៤ ឬទៅកាន់ការិយាល័យអង្គការសិល្បៈខ្មែរអមតៈផ្ទាល់ដែលមានអាសយដ្ឋាន ផ្ទះលេខ១៣E ផ្លូវលេខ៨៣០ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
សម្រាប់ព័ត៌មានបន្ថែមអាចទំនាក់ទំនងទៅកាន់ Email: sormanak@cambodianlivingarts.org ឬតេលេក្រាម ០១០ ៩៤១ ២២៤។ ផុតកំណត់ទទួលពាក្យមុនថ្ងៃទី៣១ ខែឧសភា ឆ្នាំ២០២៤៕
