ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ពេលនិយាយអំពីអាហារ គឺជាការទ្រទ្រង់ចំពោះរាងកាយជាទូទៅ! ប៉ុន្តែតើគេគួរបង្កើតទម្លាប់បរិភោគយ៉ាងណាដើម្បីជំរុញដល់តួនាទីគុណភាពនៃការគេង? ការជ្រើសយកប្រភេទអាហារ ដើម្បីជាជំនួយក្នុងការគេង មិនគួរបំភ្លេចប្រភេទផ្លែឈើដែលមានលក់ជាទូទៅនៅក្នុងតំបន់នោះទេ ដូចជា ទឹកដោះគោស្រស់ៗ ផ្លែចេក និងគ្រាប់ធញ្ញជាតិជាដើម។ គេហទំព័រ verywellmind បានលម្អិតអំពីតួនាទី នៃអាហារទាំងនេះ ថា តើមានអត្ថប្រយោជន៍បែបណាចំពោះការគេង ឬក៏សម្រួលបញ្ហា នៃការគេងដោយរបៀបណា?
ការទទួលទានទឹកដោះគោ ស្រស់ៗប្រចាំថ្ងៃ ៖ ទឹកដោះគោ មានភាពងាយស្រួលក្នុងការទទួលទាន ទោះបីជាមិនសូវជាចូលចិត្តខ្លាំងក៏ដោយ, ការទទួលទានទឹកដោះគោស្រស់មួយកែវរៀងរាល់ថ្ងៃ ជាសកម្មភាពមួយជួយជំរុញគុណភាពនៃការគេងឱ្យកាន់តែមានគុណភាព ក៏ដូចជាជួយឱ្យឆាប់ងងុយគេងផងដែរ។
គ្រាប់ធញ្ញជាតិ ៖ ជាទូទៅអាហារប្រភេទនេះ គេដឹងភាគច្រើនថាវាសម្រួលដល់សុខភាពខួរក្បាល ប៉ុន្តែគ្រាប់ធញ្ញជាតិ ក៏មានតួនាទីសម្រួលដល់ការគេងផងដែរ! ដោយហេតុថា វាមានផ្ទុកអរម៉ូនម្យ៉ាងឈ្មោះថា មេឡាតូនីន (Melatonin), អរម៉ូនប្រភេទនេះ ជំរុញឱ្យរាងកាយសម្របតាមពេលវេលា នៃការគេង ក៏ដូចជាការលើកកម្ពស់ការគេងឱ្យកាន់តែមានប្រសិទ្ធភាព។
ផ្លែចេក ៖ ចេកមានលក់ស្ទើរតែគ្រប់ទីកន្លែង មានតម្លៃសមរម្យ ងាយស្រួលទិញ ហើយងាយស្រួលទុកដាក់រក្សាអនាម័យទៀតផង។ បន្ថែមពីនោះ ផ្លែចេកក៏ជាជម្រើសដ៏ល្អគាំទ្រដល់ការគេង ដោយសារតែក្នុងផ្លែចេកមានផ្ទុកប៉ូតាស្យូម និងម៉ាញេស្យូម ដែលរួមចំណែកឱ្យការគេងកាន់តែលក់ស្រួលមួយកម្រិតបន្ថែមទៀត៕
