ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការទៅរៀនបន្តថ្នាក់មហាវិទ្យាល័យ បន្ទាប់ពីបញ្ចប់ថ្នាក់មធ្យមសិក្សាទុតិយភូមិ គឺជាក្ដីស្រមៃរបស់យុវតី ពេជ្រ សុមាលី តាំងពីកំពុងរៀននៅថ្នាក់វិទ្យាល័យមកម្ល៉េះ។ បច្ចុប្បន្ននេះ ក្តីស្រមៃនោះ បានក្លាយជាការពិតហើយ ដោយពេលនេះ សុមាលី កំពុងសិក្សាថ្នាក់បរិញ្ញាបត្រជំនាញវិទ្យាសាស្រ្តកសិកម្ម នៅសាកលវិទ្យាល័យ Burapha នៃខេត្ត Chanthaburi ប្រទេសថៃ ក្រោយទទួលបានអាហារូបករណ៍របស់សម្ដេចព្រះមហាចក្រីសិរិនថន ដែលមានឈ្មោះថា HRH Princess Scholarship ។
តើធ្វើដូចម្តេចទើបបានជាប់អាហារូបករណ៍ទៅសិក្សានៅប្រទេសថៃ?
កញ្ញា ពេជ្រ សុមាលី បានប្រាប់ AMS ថា ការសម្រេចចិត្តដាក់ពាក្យអាហារូបរកណ៍ទៅសិក្សានៅប្រទេសថៃ ព្រោះកញ្ញាមានចិត្តស្រឡាញ់ ចង់សិក្សាស្វែងយល់ពីប្រព័ន្ធសិក្សា ការបង្កើតទំនាក់ទំនងរបស់ជនជាតិថៃ ហើយម្យ៉ាងទៀតអាហារូបករណ៍នេះបានចូលរួមជាចំណែកមួយយ៉ាងសំខាន់ក្នុងការចំណាយលើការសិក្សា ក៏ដូចជាប្រាក់ចំណាយប្រចាំខែ ថ្លៃបង់សាលារៀន កន្លែងស្នាក់នៅ ការធានារ៉ាប់រងសុខភាពជាដើម ។
យុវតីមានស្រុកកំណើតនៅក្នុងស្រុកគិរីវង្ស ខេត្តតាកែវរូបនេះបានប្រាប់ទៀតថា ដើម្បីទទួលបានអាហារូករណ៍សិក្សានៅប្រទេសថៃដែលជាការឧបត្ថម្ភរបស់ម្ចាស់ក្សត្រីមហាចក្រីសុរិន្ទថន នេះបាន កញ្ញត្រូវឆ្លងកាត់ការដាក់ពាក្យ ការប្រឡងជម្រុះ២ជុំ និងសម្ភាសន៍១ជុំ ។ ក្នុងការប្រឡងជម្រុះវគ្គដំបូង បេក្ខជនទាំងអស់ត្រូវធ្វើការប្រឡងសរសេរដៃដោយបែងចែកជាថ្នាក់វិទ្យាសាស្ត្រ និងសង្គម និងមានមុខវិជ្ជាប្រឡងគណិតវិទ្យា និងភាសាអង់គ្លេសរៀបចំដោយក្រសួងអប់រំ យុវជន និងកីឡាកម្ពុជា ដែលមានបេក្ខជនចូលរួមប្រឡងសរុបដល់ទៅ ២០០០នាក់។
កញ្ញា ពេជ្រ សុមាលី បន្តថា នៅក្នុងវគ្គទី២ជាការប្រឡងជម្រុះបេក្ខជនមានចំនួន១០០០នាក់ដែលបានជាប់ពីវគ្គទី១ ដើម្បីប្រឡងបញ្ចូលគ្នាមាន គណិតវិទ្យា រូបវិទ្យា គីមីវិទ្យា ជីវវិទ្យា ភាសាអង់គ្លេស និងភាសាថៃ ។ ហើយនៅជុំចុងក្រោយជាវគ្គសម្ភាសន៍ ក្រោយបេក្ខជន-បេក្ខនារីបានឆ្លងកាត់ការប្រឡងជម្រុះ២ជុំដោយជោគជ័យ។ បេក្ខជន-បេក្ខនារី ត្រូវសម្ភាសន៍ផ្ទាល់ដោយសាស្រ្តាចារ្យមកពីប្រទេសថៃ ដោយប្រើប្រាស់ភាសាអង់គ្លេស ហើយទីតាំង និងដំណើរការប្រឡងប្រព្រឹត្តនៅក្នុងវិទ្យាស្ថានបច្ចកវិទ្យាកម្ពុជា ឬហៅថាសាលាតិចណូដែលរៀបចំដោយភាគីខាងថៃ ។
ការរស់នៅ និងសិក្សានៅក្នុងប្រទេសថៃ
យុវតីវ័យ២០ឆ្នាំរូបនេះបានឱ្យដឹងថា ក្នុងអំឡុងពេលមកដល់ដំបូង ការសិក្សា និងស្នាក់នៅជួបបញ្ហាបន្តិចបន្តួច ដូចជា អាហារ ដោយសារនៅប្រទេសថៃអាហារភាគច្រើនជាអាហារមានជាតិខ្លាញ់ និងហិរ ។ ជាមួយគ្នានេះការស្នាក់នៅ និងការធ្វើទំនាក់ទំនងជាមួយមិត្តផ្សេងៗមិនមានអ្វីជាបញ្ហាទេ ព្រោះជាការស្នាក់នៅក្នុងអន្តេវាកសិដ្ឋានរបស់សាលា និងមានការយោគយល់គ្នាច្រើន ។
កញ្ញា សុមាលី បានប្រាប់ថា មកដល់ពេលនេះមានរយៈពេលជិតបីឆ្នាំហើយដែលកញ្ញាបានស្គាល់ និងជួយខ្លួនឯងបានកាន់តែច្រើន ដូចជាអាចដោះស្រាយបញ្ហាដោយខ្លួនឯង អាចសម្រេចចិត្តលើរឿងដែលខ្លួនឯងគួរធ្វើ និងមិនគួរធ្វើ អាចកំណត់គោលដៅ និងរៀបចំផែនការជីវិត ។
«ចំណេះដឹងតែមួយមុខមិនគ្រប់គ្រាន់ទេ ត្រូវមានឆន្ទៈ ការព្យាយាម មហិច្ឆតា និងជឿជាក់លើខ្លួនឯងយើងអាចធ្វើបានបើយើងចង់ធ្វើ ព្រោះគ្រប់គ្នាសុទ្ធតែពូកែតាមរបៀបរបស់ខ្លួន»
កញ្ញា ពេជ្រ សុមាលី
ជាចុងក្រោយ ពេជ្រ សុមាលី បានលើកទឹកចិត្តដល់សិស្សានុសិស្សទាំងអស់គួរកំណត់គោលដៅខ្លួន និងរៀបចំផែនការគោលដៅជីវិតក្នុងការសិក្សាឱ្យបានល្អ ច្បាស់លាស់ ដើម្បីសម្រេចគោលដៅ និងទទួលបានលទ្ធផលជោគជ័យ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ ១០០% ចំនួន១៦កន្លែង សម្រាប់សិស្សធ្លាក់ ឬជាប់បាក់ឌុប នៅ CGTI
ព័ត៌មានអាហារូបករណ៍, ព្រឹត្តិការណ៍
• 01/07/2025
វិទ្យាស្ថានបណ្តុះបណ្តាលឯកទេសសម្រាប់ឧស្សាហកម្មកាត់ដេរ (CGTI) កំពុងប្រកាសផ្តល់អាហារូបករណ៍ចំនួន១៦កន្លែង សម្រាប់សិស្សដែលជាប់ ឬធ្លាក់ថ្នាក់ទី១២ គ្រប់ឆ្នាំសិក្សាទាំងអស់។
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃ នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 10/02/2025
វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសផ្តល់អាហារូបករណ៍ចំនួន ៩៩០កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុកដែលមកពីគ្រួសារក្រីក្រ...
អាហារូបករណ៍ជំនាញវិស្វកម្មឧស្សាហកម្ម នៅវិទ្យាស្ថានពហុបច្ចេកទេសខេត្តកំពង់ស្ពឺ
ព័ត៌មានអាហារូបករណ៍, ព្រឹត្តិការណ៍
• 09/10/2025
ជាឱកាសសម្រាប់សិស្សានុសិស្សដែលទើបប្រឡងបាក់ឌុបរួច ដោយវិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសផ្តល់អាហារូបករណ៍ ១០០%
អាហារូបករណ៍ Leading Professionals in Asia Countries ថ្នាក់បណ្ឌិត ឆ្នាំសិក្សា២០២៦ នៅសាកលវិទ្យាល័យ Nagoya ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 25/12/2025
កម្មវិធីអាហារូបករណ៍ Leading Professionals in Asia Countries កំពុងប្រកាសពីការផ្តល់អាហារូបករណ៍ដល់មន្រ្តីរាជការ ឬបុគ្គលដែលស្ថិតនៅក្នុងតំណែងជាថ្នាក់ដឹកនាំក្នុងបណ្តាប្រទេសក្នុងតំបន់អាស៊ីអាគ្នេយ៍...
វេសឡាញសហការជាមួយសាកលវិទ្យាល័យ DPU ប្រទេសថៃ ផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា
ព័ត៌មានអាហារូបករណ៍, ព្រឹត្តិការណ៍
• 29/11/2024
បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងសាកលវិទ្យាល័យ Dhurakij Pundit (DPU) ប្រទេសថៃ កាលពីពេលថ្មីៗនេះ បានចុះ MoU ជាមួយគ្នា ក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា ដែលមានបំណង...
ឱកាសសិក្សាអាហារូបករណ៍ជំនាញវិជ្ជាជីវៈជាច្រើនកន្លែងនៅវិទ្យាស្ថានជាតិពាណិជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 11/09/2024
ឱកាសសិក្សាជំនាញវិជ្ជាជីវៈដោយឥតគិតថ្លៃ និងសិក្សារយៈពេលខ្លីសម្រាប់យុវជន យុវនារី ដែលមានជីវភាពខ្វះខាត នៅវិទ្យាស្ថានជាតិពាណិជ្ជសាស្ត្រ។ អាហារូបករណ៍ផ្ដល់ជូនការសិក្សាជំនាញជាច្រើនកន្លែងសម្រាប់យុវជន យុវនារី និងសាធារណៈជន...
វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍សិក្សាជំនាញបច្ចេកទេសឥតគិតថ្លៃ ១០៧៤កន្លែង
ព័ត៌មានអាហារូបករណ៍, ព្រឹត្តិការណ៍
• 20/11/2024
វិទ្យាស្ថានបច្ចេកទេសឧស្សាហកម្ម ប្រកាសពីការផ្តល់អាហារូបករណ៍ឥតបង់ថ្លៃ ចំពោះការរៀនជំនាញបច្ចេកទេស និងវិជ្ជាជីវៈ កម្រិតសញ្ញាបត្រជាន់ខ្ពស់បច្ចេកទេស និងសញ្ញាបត្របច្ចេកទេស និងវិជ្ជាជីវៈ ២ និង៣ សរុបចំនួន ១០៧៤នាក់។
សាកលវិទ្យាល័យភូមិន្ទវិចិត្រសិល្បៈ ផ្តល់អាហារូបករណ៍ ១០០% ជូនដល់កូនៗរបស់វីរយុទ្ធជនដែលបានពលីជីវិត ដើម្បីបុព្វហេតុការពារបូរណភាពទឹកដី
ព័ត៌មានអាហារូបករណ៍, ព្រឹត្តិការណ៍
• 04/08/2025
សាកលវិទ្យាល័យភូមិន្ទវិចិត្រសិល្បៈ សម្រេចផ្តល់ជូនអាហារូបករណ៍សិក្សាឥតបង់ថ្លៃ ១០០% រយៈពេល៤ និង៥ឆ្នាំ ក្នុងកម្រិតសិក្សាថ្នាក់បរិញ្ញាបត្រ គ្រប់ជំនាញសិក្សាទាំង៥មហាវិទ្យាល័យ ជូនដល់កូនៗរបស់វីរៈយុទ្ធជន
កម្មវិធីពិសេសរបស់ AMS EDUCATION
ព័ត៌មានសង្ខេប
