លោក សាង វិសាល ៖ អាហារូបករណ៍ជំនាញវិស្វកម្មសំណង់ស៊ីវិលនៅប្រទេសចិន

ភ្នំពេញ– ការសិក្សាជំនាញវិស្វកម្មសំណង់ស៊ីវិលនិស្សិតត្រូវចំណាយលើថ្លៃសិក្សាខ្ពស់ ទាមទារភាពអត់ធ្មត់ តស៊ូ និងតាំងចិត្តខ្ពស់ ទើបអាចបញ្ចប់ការសិក្សាជំនាញនេះដោយជោគជ័យ ព្រោះនិស្សិតត្រូវឆ្លងកាត់ការស្រាវជ្រាវ ការស្វែងយល់ និងការអនុវត្តជាច្រើន។ រៀនជំនាញនេះ បន្ទុកចំណាយជាច្រើន តែប្រសិនបើទទួលបានអាហារូបករណ៍នោះនឹងជួយដល់និស្សិតបានច្រើន។ នេះបើតាមការលើកឡើងរបស់លោក សាង វិសាល ដែលជានិស្សិតអាហារូបករណ៍រដ្ឋាភិបាលចិនឆ្នាំទី៤ សិក្សាបរិញ្ញាបត្រជំនាញវិស្វកម្មសំណង់ស៊ីវិល នៃសាកលវិទ្យាល័យសៀងហៃ នៃសាធារណរដ្ឋប្រជាមានិតចិន ។

លោក សាង វិសាល អ្នកខេត្តព្រះវិហាររូបនេះ បាននិយាយថា ការសិក្សានៅមហាវិទ្យាល័យត្រូវចំណាយច្រើនរាប់បញ្ជូលទាំងការធ្វើដំណើរ ការស្នាក់នៅ ការចុះសិក្សាស្រាវជ្រាវ និងថ្លៃបង់សាលាជាដើម។ ដើម្បីដំណោះស្រាយរាល់ការចំណាយសម្រាប់ការសិក្សា និងមិនធ្វើឱ្យប៉ះពាល់ដល់ការចំណាយរបនស់គ្រួសារ លោកខិតខំស្វែងរកអាហារូបករណ៍ពេញលេញដោយប្រើប្រាស់សមត្ថភាពផ្ទាល់ខ្លួន។

លោក សាង វិសាល ៖

“នៅឆ្នាំ២០១៨ ខ្ញុំបានប្រឡងជាប់អាហារូបករណ៍សិក្សាជំនាញវិស្វកម្មសំណង់ស៊ីវិលសិក្សានៅសាកលវិទ្យាល័យសៀងហៃ ប្រទេសចិន ។ ខ្ញុំយល់ថា វាលំបាកបន្តិចសម្រាប់ខ្ញុំដែលស្វែងរកអាហារូបករណ៍ណាជួយរាល់ការចំណាយរបស់ខ្ញុំ ប៉ុន្តែជំនាញដែលខ្ញុំស្រឡាញ់និងបំណងសិក្សារបស់ខ្ញុំបានធ្វើឱ្យខ្ញុំប្រឹងប្រែងរហូតដល់ប្រឡងជាប់”។

ដើម្បីទទួលបានអាហារូបករណ៍នេះ លោក សាង វិសាល បានចែករំលែកថា បេក្ខភាពទាំងអស់ត្រូវត្រៀមខ្លួនប្រឡង ត្រៀមមើលវិញ្ញាសារប្រឡង ត្រៀមខ្លួនសម្ភាស៍ ជាពិសេសត្រូវត្រៀមភាសាអន្តរជាតិ (ភាសាអង់គ្លេស) ប្រសិនបើចេះភាសាប្រទេសដែលដាក់ពាក្យស្នើសុំអាហារូបករណ៍កាន់តែប្រសើរ។

និយាយពីបទពិសោធន៍សិក្សានៅប្រទេសចិន យុវជនសម្បុរស្រអែមរូបនេះ បាននិយាយថា កាលសិក្សាដំបូងៗជួបផលលំបាកមួយ ចំនួនដូចជា ការប្រើប្រាស់ភាសា ទំនាក់ទំនងក្នុងការសិក្សា និងការរស់នៅ ដោយសារមានសិស្សមកពីបណ្ដាប្រទេសផ្សេងៗគ្នា បញ្ហាម្ហូបអាហារ(ប្លែករសជាតិ) និងអាកាសធាតុជាដើម ។

លោក សាង វិសាល បានបន្ថែមថា លោកតាំងចិត្តយកចំណេះដឹងជំនាញវិស្វកម្មសំណង់ស៊ីវិលយកមកអភិវឌ្ឍន៍ប្រទេសកំណើត និងធ្វើឱ្យវិស័យសំណង់កាន់តែមានគុណភាពប្រសើរឡើងដូចប្រទេសជឿនលឿន។ ទន្ទឹមគ្នានេះ បានលើកទឹកចិត្តដល់យុវជនកម្ពុជាដែលមានបំណងសិក្សាជំនាញវិស្វកម្មសំណង់ស៊ីវិល ត្រូវខិតខំរៀនមុខវិជ្ជា គណិតវិទ្យា រូបវិទ្យា និងភាសាអង់គ្លេសឱ្យបានពូកែ ដែលជាមុខវិជ្ជាចំបាច់សម្រាប់សិក្សាជំនាញនេះ និងបន្តដាក់ពាក្យប្រឡងអាហារូបករណ៍ដែលខ្លួនពេញចិត្ត រហូតទទួលបាលលទ្ធផលជាទីគាប់ប្រសើរ៕

សូមជម្រាបថា ទម្រាំលោក សាង វិសាល ប្រឡងជាប់អាហារូបករណ៍សិក្សាជំនាញវិស្វកម្មសំណង់ស៊ីវិល នៃសាកលវិទ្យាល័យសៀងហៃ លោកធ្លាប់បរាជ័យដាក់ពាក្យចំនួនបីដង ។ លោកបានបន្តដាក់ពាក្យស្នើសុំអាហារូបករណ៍ម្ដងទៀត ដែលជាលើកទី៤ និងទទួលបានជោគជ័យតាមក្ដីស្រមៃនិងការរំពឹងទុក ៕

កញ្ញា ឈឿង ប៉ូលីណា | Ms. Chhoeung Polina

ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

សាកលវិទ្យាល័យអន្តរជាតិ ផារ៉ាហ្គន ប្រកាសលទ្ធផលប្រឡងអាហារូបករណ៍ប្រចាំឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 04/08/2026

សាកលវិទ្យាល័យអន្តរជាតិ ផារ៉ាហ្គន បានប្រកាសលទ្ធផលនៃការប្រឡងនិស្សិតអាហារូបករណ៍ឆ្នាំ ២០២៦ ជាផ្លូវការ និងបានអបអរសាទរជាមួយជ័យលាភីដែលមានទេពកោសល្យ។

ក្រសួងអប់រំជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ ទៅសិក្សានៅប្រទេសចិនចំនួន ៦៥នាក់

ព័ត៌មានអាហារូបករណ៍, ព្រឹត្តិការណ៍

• 27/11/2024

ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាសជ្រើសរើសនិស្សិតចំនួន ៦៥នាក់ ដើម្បីទទួលអាហារូបករណ៍របស់រដ្ឋាភិបាល នៃសាធារណរដ្ឋប្រជាមានិតចិន (CSC) សិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រ សម្រាប់ឆ្នាំសិក្សា២០២៥-២០២៦។

អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/04/2024

ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យអាមេរិកាំងភ្នំពេញចំនួន១០០កន្លែងឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/12/2023

គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សានៅសាកលវិទ្យា...

អាហារូបករណ៍សិក្សាជំនាញវិជ្ជាជីវៈចំនួន៣៦០ន្លែងនៅវិទ្យាស្ថានពហុបច្ចេកទេសខេត្តកំពង់ធំ

ព័ត៌មានអាហារូបករណ៍, ព្រឹត្តិការណ៍

• 25/09/2024

ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ធំ ចំនួន៣៦០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១២មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យ...

រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅវិទ្យាស្ថានពហុបច្ចេកទេសខេត្តព្រះវិហារ

ព័ត៌មានអាហារូបករណ៍, ព្រឹត្តិការណ៍

• 05/03/2026

សម្រាប់ឆ្នាំ២០២៦នេះ វិទ្យាស្ថានពហុបច្ចេកទេសខេត្តព្រះវិហារ បានប្រកាសជ្រើសរើសសិស្សទាំងពីរភេទ (អាយុចាប់ពី១៥-៣៥ឆ្នាំ) ឱ្យចូលរៀនឥតបង់ថ្លៃ លើជំនាញចំនួន៦ ដែលកំពុងមានតម្រូវការទីផ្សារការងារ។

ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ Fulbright ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 24/02/2025

កម្មវិធីអាហារូបករណ៍ Fulbright ប្រកាសបើកទទួលពាក្យ អាហារូបកណ៍ Fulbright ឆ្នាំសិក្សា២០២៦-២០២៧ សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសហរដ្ឋអាមេរិក។