ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
mathBot គឺជាកម្មវិធីទូរស័ព្ទដៃ (App) បង្កើតឡើងដោយ កញ្ញា លី រ៉ាសា ជានិស្សិតអាហារូបករណ៍ នៃសាកលវិទ្យាល័យខេមតិច ក្នុងបំណងដើម្បីជួយសម្រួលដល់ការដោះស្រាយលំហាត់គណិតវិទ្យាសម្រាប់សិស្សវិទ្យាល័យ ជាពិសេសសម្រាប់សិស្សដែលត្រៀមប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប។
កម្មវិធី mathBot មិនត្រឹមតែអាចដោះស្រាយលំហាត់គណិតវិទ្យា ដោយសិស្សគ្រាន់តែថតស្កែនលំហាត់ប៉ុណ្ណោះទេ តែវាក៏មានវីដេអូពន្យល់លំហាត់ និងការបង្ហាញដំណោះស្រាយជាមួយការពន្យល់ម្តងមួយជំហានៗទៀតផង។
កញ្ញា លី រ៉ាសា ស្ថាបនិក និងជា CEO របស់ TechEd ព្រមទាំងជាជានិស្សិតអាហារូបករណ៍នៃសាកលវិទ្យាល័យ ខេមតិច(CAMTECH) ជំនាញ វិស្វកម្មមនុស្សយន្ត និងស្វ័យប្រវត្តិ (Robotic and Automation Engineering) បានលើកឡើងថា កត្តាដែលជំរុញឱ្យនាងបង្កើតនូវកម្មវិធីទូរស័ព្ទមួយនេះឡើង គឺដោយសារតែកាលពីកំឡុងកំពុងសិក្សានៅវិទ្យាល័យ នាងសង្កេតឃើញមិត្តរបស់នាងជាច្រើនមានចម្ងល់អំពីលំហាត់គណិតវិទ្យា ហើយពួកគេមួយចំនួនមិនមានភាពក្លាហានក្នុងការសួរទៅកាន់គ្រូ ព្រោះតែពេលខ្លះគេក៏គិតថា វាប៉ះពាល់ដល់ឯកជនភាពរបស់គ្រូ ដូចជាពេលខ្លះសិស្សត្រូវហាត់ធ្វើលំហាត់នៅថ្ងៃសម្រាក ឬនៅពេលថ្ងៃត្រង់ដែលជាពេលគ្រូត្រូវសម្រាកពិសាអាហារជាដើម។ ដោយមើលឃើញពីតម្រូវការទាំងនេះហើយ ទើប សារ៉ា គិតថា គួរតែធ្វើអ្វីម្យ៉ាងដើម្បីឆ្លើយតបនឹងបញ្ហាប្រឈមទាំងនោះ។ នេះហើយជាហេតុផលដែលនាង និងសមាជិកក្រុមនាងបានរួមគំនិតគ្នាបង្កើតកម្មវិធី mathBot ដើម្បីជាជំនួយដល់ការស្វ័យសិក្សារបស់សិស្សវិទ្យាល័យ។
កញ្ញា លី រ៉ាសា
“ខ្ញុំអាចបង្កើតកម្មវិធីដែលអាចរកដំណោះស្រាយបញ្ហាបាន គឺដោយសារខ្ញុំបានសង្កេតឃើញពីបញ្ហាដែលធ្លាប់ជួប និងកំពុងប្រឈម។”
តាមពិតទៅកម្មវិធី mathBot ដែលត្រូវបានបង្កើតឡើងដោយ TechEd បានប្រតិបត្តិការរយៈពេល១ឆ្នាំហើយ ក្រោយដាក់ឱ្យដំណើរការកាលពីឆ្នាំ២០២១ ដោយមានអ្នកចូលទៅទាញយកប្រើប្រាស់ជាង១រយឧបករណ៍។
មានសំណួរដែលសួរថា ហេតុអ្វីបានជា ត្រូវបង្កើតកម្មវិធី mathBot ដោយផ្តោតទៅលើមុខវិជ្ជាគណិតវិទ្យា ? កញ្ញា រ៉ាសា បានលើកឡើងថា ការដែលនាងសម្រេចចិត្តជ្រើសរើសកម្មវិធីមុខវិជ្ជាគណិតវិទ្យានេះ ក៏ព្រោះតែនាងយល់ថា វាមានភាពសំខាន់ ដែលចាំបាច់ត្រូវប្រើប្រាស់ក្នុងជីវិតប្រចាំថ្ងៃ តួយ៉ាងដូចជា ការគណនា, ការសាងសង់, បង្កើនការគិតដែលមានវិសាលភាព, ការស្ទង់ខ្នាត, និងមានចំណុចច្រើនទៀតដែលត្រូវដឹង។
កញ្ញា លី រ៉ាសា
“មុខវិជ្ជាគណិតវិទ្យាគឺសំខាន់ យើងដើរទៅណាក៏ឃើញគណិតដែរ ទៅកន្លែងណាក៏ឃើញគណិត ការសាងសង់អគារក៏ប្រើគណិត អញ្ចឹងគណិតវិទ្យាគឺមានសារៈសំខាន់សម្រាប់ជីវិតរបស់យើងផ្ទាល់តែម្តង… “
យ៉ាងណាក៏ដោយសម្រាប់កម្មវិធីទូរស័ព្ទ mathBot នៅពេលនេះ គឺសម្រាប់ប្រើប្រាស់នៅក្នុងស្រុកប៉ុណ្ណោះ ប៉ុន្តែនៅថ្ងៃអនាគត រ៉ាសា ប្តេជ្ញាថា នឹងអភិវឌ្ឍន៍កម្មវិធីមួយនេះ ឈានទៅប្រើប្រាស់ថ្នាក់ពិភពលោក៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ក្រោយឧត្តមសិក្សាជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 07/02/2025
កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍ថ្នាក់ក្រោយឧត្តមសិក្សាចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យសាធារណៈ និងឯកជន) លើមុខជំនាញពាក់ព័ន្ធនឹងការប្រែប្រួលអាកាសធាតុ...
ឱកាសអាហាររូបករណ៍ International Undergraduate Excellence Award សម្រាប់ឆ្នាំសិក្សា ២០២៦ នៅប្រទេសអង់គ្លេស
ព័ត៌មានអាហារូបករណ៍, ព្រឹត្តិការណ៍
• 19/02/2026
សាកលវិទ្យាល័យ University of Westminster នៃចក្រភពអង់គ្លេស ប្រកាសដាក់ឱ្យដំណើរការនូវកម្មវិធីអាហាររូបករណ៍ International Undergraduate Excellence Award (IEA) សម្រាប់ការសិក្សាដែលនឹងចាប់ផ្តើមនៅ...
អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ
ព័ត៌មានអាហារូបករណ៍, ព្រឹត្តិការណ៍
• 23/04/2024
ឱកាសសិក្សាជំនាញវិជ្ជាជីវៈជាច្រើនកន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃកម្រិតសញ្ញាបត្របច្ចេកទេស និងវិជ្ជាជីវៈ១(កម្មវិធី១,៥លាននាក់).....
ឱកាសផ្លាស់ប្តូរការសិក្សាសម្រាប់សិស្សវិទ្យាល័យរយៈពេលមួយសប្តាហ៍នៅប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/06/2025
កម្មវិធី EACAT Homestay Program 2025 កំពុងប្រកាសឱ្យសិស្សានុសិស្សថ្នាក់វិទ្យាល័យដាក់ពាក្យ ដើម្បីផ្លាស់ប្ដូរការសិក្សារយៈពេល១សប្ដាហ៍ នៅប្រទេសជប៉ុន។ កម្មវិធីផ្ដល់ឱកាសដល់សិស្សានុសិស្ស...
ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 22/02/2023
ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យតូក្យូ ADB ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 31/07/2023
កម្មវិធីអាហារូបករណ៍ The Asian Development Bank – Japan Scholarship Program (ADB-JSP) ផ្ដល់ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកល...
បណ្ឌិត្យសភានគរបាលកម្ពុជា ជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់វិទ្យាសាស្ត្រនគរបាល ជំនាន់ទី១៣
ព័ត៌មានអាហារូបករណ៍, ព្រឹត្តិការណ៍
• 10/03/2025
បណ្ឌិតសភានគរបាលកម្ពុជា នៃក្រសួងមហាផ្ទៃ ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ វិទ្យាសាស្ត្រនគរបាល ជំនាន់ទី១៣ សិក្សារយៈពេល២ឆ្នាំ។ ការសិក្សាផ្ដោតលើជំនាញចំនួន២ គឺ ជំនាញស៊ើបអង្កេតព្រហ្មទណ្ឌ ជំនាញគ្រប់គ្រង...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗ នៃប្រទេសប្រ៊ុយណេ ឆ្នាំ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 30/12/2024
កម្មវិធីអាហារូករណ៍ Brunei DARUSSALAM SCHOLARSHIP រដ្ឋាភិបាល នៃប្រទេសប្រ៊ុយណេ ប្រកាសផ្ដល់អាហារូបករណ៍ថ្នាក់ឧត្ដមសិក្សាសម្រាប់និស្សិតអន្តរជាតិជាច្រើនកន្លែងសម្រាប់ឆ្នាំសិក្សា២០២៥-២០២៦...
អាហារូបករណ៍កន្លែងស្នាក់នៅឥតគិតថ្លៃ សម្រាប់សិស្ស-និស្សិតមកពីតាមបណ្តាខេត្ត
ព័ត៌មានអាហារូបករណ៍, ព្រឹត្តិការណ៍
• 06/08/2026
អង្គការពន្លកយុវជនដើម្បីអភិវឌ្ឍន៍ (YAD) បានប្រកាសជូនដំណឹងជាផ្លូវការអំពីការផ្តល់អាហារូបករណ៍កន្លែងស្នាក់នៅបន្ថែមទៀតដោយឥតគិតថ្លៃ ជូនដល់សិស្ស និងនិស្សិតមកពីតាមបណ្តាខេត្តនានា
កម្មវិធីពិសេសរបស់ AMS EDUCATION
ព័ត៌មានសង្ខេប
