ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាលាបច្ចេកទេស ដុនបូស្កូ ខេត្តកែប ប្រកាសជ្រើសរើសសិស្សចូលសិក្សាអាហារូបករណ៍ជំនាញថ្នាក់បច្ចេកទេសជាន់ខ្ពស់ចំនួន២០០កន្លែងសម្រាប់ឆ្នាំសិក្សា២០២៣-២០២៤។ ជំនាញដែលអាហារូបករណ៍ផ្ដល់ជូនសិក្សាមាន ទំនាក់ទំនង និងប្រព័ន្ធផ្សព្វផ្សាយ, វិទ្យាសាស្ត្រលេខាធិការ និងបដិសណ្ឋារកិច្ច, ព័ត៌មានវិទ្យា, និងអគ្គិសនី។
លក្ខខណ្ឌបេក្ខជនអាចស្នើពាក្យអាហារូបករណ៍ បេក្ខជនទាំងអស់ត្រូវតែបានបញ្ចប់ថ្នាក់ទី១២ (ប្រឡងជាប់ ឬធ្លាក់)។ សម្រាប់បេក្ខជនដែលចង់សិក្សាថ្នាក់ជាន់ខ្ពស់ទំនាក់ទំនង និងប្រព័ន្ធផ្សព្វផ្សាយ ត្រូវជាបុគ្គលដែលមានចំណាប់អារម្មណ៍លើការងារទំនាក់ទំនង ឬប្រព័ន្ធផ្សព្វផ្សាយ។
សម្រាប់បេក្ខជនដែលចង់សិក្សាថ្នាក់ជាន់ខ្ពស់ព័ត៌មានវិទ្យា ជាបុគ្គលដែលមានចំណាប់អារម្មណ៍លើការងារបច្ចេកទេស និងបច្ចេកវិទ្យាថ្មីៗ ។ សម្រាប់បេក្ខជនចង់សិក្សាថ្នាក់ជាន់ខ្ពស់វិទ្យាសាស្ត្រលេខាធិការ និងបដិសណ្ឋារកិច្ច ជាបុគ្គលដែលចាប់អារម្មណ៍ក្នុងការធ្វើការនៅក្នុងបរិយាកាសការិយាល័យ និងចូលចិត្តការគិតលេខ ។ សម្រាប់បេក្ខជនចង់សិក្សាថ្នាក់ជាន់ខ្ពស់អគ្គិសនី ជាបុគ្គលដែលមានចំណាប់អារម្មណ៍លើការងារបច្ចេកទេស ។
បេក្ខជនអាចចុះឈ្មោះចូលរៀនតាមរយៈ https://forms.gle/BhGDKX1JKuNPjCSz7 ។ សម្រាប់ព័ត៌មានបន្ថែមអាចទាក់ទងទៅកាន់ ០៩២ ៦៤ ២២ ៩៩ / ០១០ ៦៤ ២២ ៩៩ ឬអាចទៅកាន់ទីតាំងគ្រឹះស្ថានសាលាផ្ទាល់ដែលមានអាសយដ្ឋាន ផ្លូវ៣៣A ភូមិថ្មី សង្កាត់ព្រៃធំ ក្រុងកែប ខេត្តកែប ទល់មុខមន្ទីរអប់រំយុវជន និងកីឡា ខេត្តកែប ។ ចាប់ទទួលពាក្យពីថ្ងៃផ្សាយដំណឹងនេះតទៅ ៕
