ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាលារៀនវ៉េស្ទឡាញន៍ សាខាឈូកមាសសហការជាមួយគ្រឹះស្ថានបោះពុម្ពផ្សាយជាច្រើន រៀបចំកម្មវិធីពិព័រណ៍សៀវភៅ ក្រោមប្រធានបទ “អានកាន់តែច្រើន កាន់តែរីកចម្រើនបញ្ញា” និងបើកទូលាយសម្រាប់សាធារណៈជនចូលរួមដោយសេរី រយៈពេលពីរថ្ងៃចាប់ពីថ្ងៃទី៦-៧ ខែមិថុនា ឆ្នាំ២០២៥នេះ។ កម្មវិធីនេះរៀបចំឡើងគោលបំណងជំរុញកុមារ និងយុវជនមានទម្លាប់ក្នុងការអានសៀវភៅ និងគាំទ្រស្នាដៃតែងនិពន្ធ។
បើតាមលោក កន សវុណ្ណារ៉ា នាយករងផ្នែកទំនាក់ទំនងសាធារណៈបញ្ជាក់ថា ពិព័ណ៌សៀវភៅនេះ រៀបចំឡើងដោយការសហការជាមួយគ្រឹះស្ថានបោះពុម្ពផ្សាយ ក្រុមហ៊ុន Sipar ក្រុមហ៊ុន Mind Book សៀវភៅ១ សហគមន៍១ វិទ្យាស្ថានអភិវឌ្ឍវស័យអប់រំ និងក្រុមហ៊ុន Next Gen ហើយមានសៀវភៅដាក់តាំងបង្ហាញជាង៣០០០ក្បាល គ្រប់កម្រិត ដែលផ្តោតលើអប់រំចាប់ពីកុមារតូច រហូតមនុស្សគ្រប់វ័យ និងលក់ក្នុងតម្លៃពិសេសជូនផងដែរ។ សៀវភៅទាំងនោះ មានបែបប្រលោមលោក សៀវភៅទស្សនវិជ្ជា និងចិត្តវិទ្យា សៀវភៅសម្រាប់កុមារ សៀវភៅប្រវត្តិវិទ្យា និងភូមិវិទ្យា សហគ្រិនភាព សៀវភៅទាក់ទងនឹងសាសនា និងសិល្បៈជាដើម ដែលមានជាភាសាខ្មែរ និងអង់គ្លេស។
លោក សវុណ្ណារ៉ា បន្ថែមថា ការរៀបចំកម្មវិធីពិព័ណ៌សៀវភៅឆ្នាំនេះ ក្រោមប្រធានបទ “អានកាន់តែច្រើន កាន់តែរីកចម្រើនបញ្ញា” ដើម្បីជំរុញ និងលើកទឹកចិត្តដល់កុមារ និងយុវជន ស្រឡាញ់សៀវភៅ ស្រឡាញ់ការអាន និងបង្កើតទម្លាប់អានសៀវភៅចាប់ពីកុមារភាពឡើងទៅ ក៏ដូចជាត្រៀមចាប់យកចំណេះដឹង ជំនាញ និងបំណិនត្រិះរិះពិចារណថ្មីៗបន្ថែមទៀត។ លើសពីនេះ កម្មវិធីនេះនឹងជួយលើកទឹកចិត្ត និងជំរុញការតាក់តែងនិពន្ធសៀវភៅថ្មីៗ ដែលឆ្លើយតបនឹងតថភាពជាក់ស្តែងសង្គម និងផ្តល់នូវពុទ្ធិកាន់តែទូលំទូលាយទៅដល់អ្នកអាន។
សូមជម្រាបថា ក្នុងពិព័ណ៌សៀវភៅនេះក៏មានការបញ្ចុះតម្លៃពិសេសសម្រាប់ការជាវសៀវភៅ ល្បែងកម្សាន្តនានានិងចែកកាដូ FREE និងមានឱកាសទទួលបានអាហារូបករណ៍ពិសេសពីសាលារៀនវ៉េស្ទឡាញន៍ផងដែរ៕
