នាយករដ្ឋមន្រ្តីកម្ពុជា បង្ហាញឆន្ទៈក្នុងការការពារ និង​ចូលរួម​កសាងសន្តិភាព ស្ថេរភាព ក្នុងប្រទេស តំបន់ និង​សកលលោក

ជារៀងរាល់ឆ្នាំ អង្គការ​សហប្រជាជាតិ​បាន​កំណត់យកថ្ងៃទី២១ ខែកញ្ញា ជាថ្ងៃដ៏ពិសេស​សម្រាប់​បណ្តា​ប្រទេស​នៅទូទាំង​សកលលោកប្រារព្ធ «ទិវាសន្តិភាពអន្តរជាតិ» ដើម្បីបង្ហាញនូវការប្តេជ្ញាចិត្តរួមគ្នា​លើក​គុណតម្លៃសន្តិភាព ក៏​ដូចជាការរំលឹក​ដល់វីរភាពនានា​ក្នុងការរួមចំណែក​ធ្វើ​ឱ្យ​សម្រេចបាននូវសន្តិភាព។ នៅ​ក្នុងឆ្នាំ​២០២៣នេះ ការ​ប្រារព្ធទិវាសន្តិភាព​ក្រោមមូលបទ «សកម្មភាពដើម្បីសន្តិភាព ៖ ការប្តេជ្ញាចិត្តរួមគ្នាសម្រាប់​គោលដៅ​សាកល»។

តាងនាមរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រ​កម្ពុជា បាន​សម្តែង​អំណរសាទរ និង​ចូលរួមជាមួយសហគមន៍អន្តរជាតិ​ក្នុងការ​ប្រារព្ធ «ទិវាសន្តិភាពអន្តរជាតិ» ដ៏​មហាឡារិកនេះ ដើម្បីលើក​កម្ពស់​ការ​យល់ដឹងពីតម្លៃ នៃសន្តិភាព​ដែលមិន​អាចកាត់ថ្លៃបាន និង​បញ្ជាក់​ឡើងវិញ​នូវ​ឆន្ទៈដ៏​មោះមុត​របស់ប្រជាជន​កម្ពុជា ក្នុងការការពារ និង​ចូលរួម​កសាងសន្តិភាព ស្ថេរភាព នៅ​ក្នុង​ប្រទេស តំបន់ និង​សាកលលោក​ឱ្យ​បាន​គង់វង្សស្ថិតស្ថេរ។

សន្តិភាព និងស្ថិរភាព នាំឱ្យពលរដ្ឋរស់នៅដោយភាពក្សេមក្សាន្ត និង​ការរីកចម្រើន

សម្តេចធិបតី មានប្រសាសន៍ថា សន្តិភាព​មិន​មែន​ជាអ្វី​ដែល​កើត​ឡើង​ដោយ​​ចៃដន្យ​នោះទេ, ដើម្បីកសាងសន្តិភាព យើងទាំងអស់គ្នា​ត្រូវ​ពុះពារ​គ្រប់ឧបសគ្គ ប្រកាន់យ៉ាងខ្ជាប់ខ្ជួន​នូវ​ស្មារតី​សាមគ្គីភាព រួបរួមគ្នា​ជាធ្លុងមួយ និង​ភាតរភាព​ជាអន្តរជាតិ។ ភ្លក់ភ្លើងសង្រ្គាម សោកនាដកម្ម ការបែកបាក់រងទុក្ខវេទនាខ្លោចផ្សារកទីបំផុតគ្មាន ដែលប្រជាជាតិយើងបានឆ្លងកាត់​អស់រយៈពេល​ជាងពីរទសវត្សរ៍កន្លងមក គឺជាមេរៀន និង​បទពិសោធន៍​ដ៏ជូរចត់ ដែលមិន​អាចបំភ្លេចបាន ហើយ​ដែលនាំ​ឱ្យ​យើង​ទាំងអស់គ្នា​បានយល់យ៉ាងច្បាស់ពីគុណតម្លៃ នៃសន្តិភាព។

នៅថ្ងៃទី៩ ខែវិច្ឆិកា ឆ្នាំ​១៩៥៣ ប្រជាជាតិយើងទាំងមូលបានរំដោះខ្លួនទាំងស្រុងចេញពីអាណានិគមបារាំង ក្រោម​ព្រះរាជបូជនីយកិច្ច​ដឹកនាំដ៏​ក្លៀវខ្លា​របស់ព្រះមហាវីរក្សត្រខ្មែរ ព្រះបរមរតនកោដ្ឋ ព្រះករុណា ព្រះបាទសម្តេច នរោត្តម សីហនុ។ ប៉ុន្តែព្រឹត្តិការណ៍ប្រវត្តិសាស្រ្តនេះ បានផ្តល់ពេលវេលា​ត្រឹមតែជាង ១០ឆ្នាំប៉ុណ្ណោះ ឱ្យ​ប្រជាជន​កម្ពុជា​បានស្គាល់ និង​រស់​ក្នុង​សុខសន្តិភាព និង​ការ​អភិវឌ្ឍ​នៅមុនពេល​ដែល​កម្ពុជា​ត្រូវ​ធ្លាក់ចូល​ក្នុងវិនាសកម្ម និង​សង្រ្គាមស៊ីវិលជាច្រើន​ឆ្នាំម្តងទៀត។ ចាប់ពីឆ្នាំ​១៩៧០ ដល់​១៩៧៥ យើង​បានឆ្លង​កាត់រដ្ឋប្រហារ​សង្រ្គាមស៊ីវិល អស់រយៈពេល​៥ឆ្នាំ បន្ទាប់មករបបប្រល័យពូជសាសន៍​អស់ជាង​៣ឆ្នាំ ហើយ​បានហែលឆ្លងស្ថានភាពសន្តិភាពខ្លះ និង​សង្រ្គាមខ្លះ រយៈពេល​ ១៨ឆ្នាំបន្ថែមទៀត។

អតីតកាល​ដ៏​លំបាកវេទនារបស់ប្រជាជាតិយើងនេះ ត្រូវ​បានបិទ​បញ្ចប់​ទាំងស្រុង​នៅ​ឆ្នាំ​១៩៩៨ បន្ទាប់ពី​បាន​អនុវត្ត​យ៉ាងជោគជ័យ​នូវ «នយោបាយឈ្នះ-ឈ្នះ» របស់សម្តេចអគ្គមហាសេនាបតីតេជោ ហ៊ុន សែន ដែលបាន​នាំ​មក​វិញ​នូវប្រជាជាតិនេះ នូវ​សន្តិភាពពេញលេញ ឯកភាពជាតិ និង​ឯកភាពទឹកដីទាំងស្រុង។ ក្នុងរយៈពេល​២៥ឆ្នាំចុងក្រោយនេះ សន្តិភាពបានផ្តល់​ឱកាសឱ្យ​កម្ពុជាផ្លាស់ប្តូរមុខមាត់ថ្មីគួរ​ជាទីមោទនៈបំផុត ក្រោម​ម្លប់ដ៏​ត្រជាក់ នៃអង្គព្រះមហាក្សត្រ ជាទីគោរពសក្ការៈដ៏ខ្ពង់ខ្ពស់បំផុត។

សន្តិភាព នាំមកនូវការអភិវឌ្ឍសង្គម សេដ្ឋកិច្ច និង​គ្រប់វិស័យ

សម្តេចនាយករដ្ឋមន្រ្តីបន្តថា ប្រទេស​កម្ពុជា​បានក្លាយ​ទៅជា​ប្រទេស​មានសេដ្ឋកិច្ចរីកចម្រើន​ជាង​៧ភាគរយក្នុង​មួយ​ឆ្នាំៗ ក្នុង​រយៈពេលជាង​ពីរទសវត្សកន្លងមកនេះ ដែលនាំ​ឱ្យ​កម្ពុជា​សម្រេច​បាន​ឋានៈជាប្រទេស​មានចំណូលមធ្យមកម្រិតទាប ហើយ​អាចនឹង​ឈានទៅសម្រេច​បានឋានៈជាប្រទេស​មាន​ចំណូលមធ្យមកម្រិតខ្ពស់​ត្រឹមឆ្នាំ​២០៣០ និង​ជាប្រទេសមានចំណូលខ្ពស់នៅត្រឹម​ឆ្នាំ​២០៥០។ កម្ពុជាដែលពីមុន​ធ្លាប់តែខ្វះខាត និង​ត្រូវពឹងផ្អែក​ស្ទើរទាំងស្រុងទៅលើជំនួយ​បរទេសដើម្បីអាចរស់រានបាន បច្ចុប្បន្នកម្ពុជាមានមហិច្ឆតា​លើក​ស្ទួយ​មោទនភាពជាតិ​ឱ្យ​ឈានកាន់តែខ្ពស់ឡើង ដូចសម័យអង្គរឡើងវិញ តាមរយៈការកសាងជាតិមួយ​ដ៏រឹងមាំ រស់រវើក រុងរឿង និង​មានវិបុលភាព។

ជាមួយគ្នានេះ សម្តេចធិបតី ហ៊ុន ម៉ាណែត បានប្រកាសថា រាជរដ្ឋាភិបាល​កម្ពុជា នីតិកាលទី៧ នៃរដ្ឋសភា នឹង​បន្ត​តម្កល់ «សន្តិភាព» ជាគុណតម្លៃខ្ពស់បំផុត និង​ប្រកាន់ខ្ជាប់​ចំពោះ​ពាក្យស្លោក «អរគុណសន្តិភាព» របស់សម្តេចអគ្គមហាសេនាបតីតេជោ ហ៊ុន សែន។ ក្នុងនោះ សម្តេចនាយករដ្ឋមន្រ្តី បានបង្ហាញការជឿជាក់ថា ការប្រារព្ធទិវាសន្តិភាពអន្តរជាតិឆ្នាំនេះ នឹងបន្ត​បញ្ជាក់ពី​ការ​ប្តេជ្ញាចិត្តសារជាថ្មីរបស់រាជរដ្ឋាភិបាលកម្ពុជា និង​ប្រជាជន​កម្ពុជា ក្នុង​ការ​លើក​កម្ពស់តម្លៃសន្តិភាព កិច្ចសហប្រតិបត្តិការ និង​ការ​គោរពគ្នា​ទៅវិញទៅមក៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានជាតិវិជ្ជាជីវៈបាត់ដំបង ប្រកាសជ្រើសរើសសិស្សចូលរៀនជំនាញវិជ្ជាជីវៈ កម្រិត១ ឥតគិតថ្លៃចំនួន ៦៣០នាក់

ព័ត៌មានអាហារូបករណ៍, ព្រឹត្តិការណ៍

• 08/12/2023

វិទ្យាស្ថានជាតិវិជ្ជាជីវៈបាត់ដំបង ដែលជាគ្រឹះស្ថានសិក្សា​របស់រដ្ឋស្ថិតក្រោម​ក្រសួងការងារ និង​បណ្តុះបណ្តាល​វិជ្ជាជីវៈ បានប្រកាស​ជ្រើសរើសសិស្ស​ចំនួន ៦៣០នាក់ សម្រាប់កម្រិតសញ្ញាបត្របច្ចេកទេស និង​វិជ្ជាជីវៈ១ (C1)...

ក្រសួងអប់រំ​ប្រកាស​ពីអាហារូបករណ៍ថ្នាក់វេជ្ជសាស្រ្តទូទៅ និងថ្នាក់ Medical Residency នៅ​សាធារណរដ្ឋអាស៊ែបៃហ្សង់

ព័ត៌មានអាហារូបករណ៍, ព្រឹត្តិការណ៍

• 06/05/2025

ក្រសួងអប់រំ យុវជន និងកីឡា កាលពីថ្ងៃទី៥ ឧសភា បានជូនដំណឹងថា សាធារណរដ្ឋ អាស៊ែបៃហ្សង់ នឹងផ្តល់អាហារូបករណ៍ដល់និស្សិតកម្ពុជា ចំនួន ៣កន្លែង ក្រោមកម្មវិធីអាហារូបករណ៍ "Heydar Aliyev-International Education Grand Program”

បណ្ឌិត្យសភានគរបាល​កម្ពុជា ផ្តល់អាហារូបករណ៍សម្រាប់ការសិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត​វិទ្យាសាស្រ្តនគរបាល ចំនួន៤០កន្លែង

ព័ត៌មានអាហារូបករណ៍, ព្រឹត្តិការណ៍

• 06/01/2026

សម្រាប់មន្រ្តីនគរបាល​ ឬមន្រ្តីពន្ធនាគារ ដែលចង់បន្តការសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិត ពេលនេះ បណ្ឌិត្យសភានគរបាលកម្ពុជា បានប្រកាសជ្រើសរើស​និស្សិត​អាហារូបករណ៍សរុបចំនួន៤០កន្លែង...

អតីតពលករវិលត្រឡប់​មក​ពីប្រទេស​ថៃ, វិទ្យាស្ថាន​ពហុបច្ចេកទេស​ភូមិ​ភាគតេជោសែនសៀមរាប ផ្តល់អាហារូបករណ៍ជិត៣ពាន់កន្លែង សិក្សាជំនាញឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 12/05/2026

ជា​ឱកាស​សម្រាប់​បងប្អូនអតីតពលករ​វិលត្រឡប់មក​ពីប្រទេស​ថៃ ពេលនេះវិទ្យាស្ថានពហុបច្ចេកទេស​ភូមិ​ភាគ​តេជោសែន​សៀមរាប ដែល​ជា​គ្រឹះស្ថាន​សាធារណៈ​ស្ថិត​នៅក្រោម​ក្រសួងការងារ និង​បណ្តុះបណ្តាលវិជ្ជាជីវៈ...

វិទ្យាស្ថានជាតិពហុបច្ចេកទេស​អង្គរ ផ្តល់​ឱកាស​សិក្សា​ជំនាញឥតគិតថ្លៃចំនួន ២៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 28/07/2025

វិទ្យាស្ថានជាតិ​ពហុបច្ចេកទេស​អង្គរ ដែលមានទីតាំងស្ថិត​នៅ​ក្រុងសៀមរាប បានប្រកាស​ពីការផ្តល់អាហារូបករណ៍​សិក្សា​ជំនាញ​បច្ចេកទេស​វគ្គខ្លី​ចំនួន ២៤០០កន្លែង ដោយ​ឥតគិតថ្លៃ ហើយ​សម្រាប់​បេក្ខជន​ដែល​មក​ពី​គ្រួសារក្រីក្រ និង​ងាយរងហានិភ័យ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីសាកលវិទ្យាល័យភាសា និងវប្បធម៌ប៉េកាំងឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 05/01/2024

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍រដ្ឋាភិបាលចិនប្រភេទB នៅសាកលវិទ្យាល័យភាសា និងវប្បធម៌ប៉េកាំងសម្រាប់ឆ្នាំសិក្សា២០២៤។...

ក្រសួងអប់រំ ផ្តល់អាហារូបករណ៍សម្រាប់គ្រូឧទ្ទេស សិក្សាថ្នាក់បរិញ្ញាបត្រជាន់ខ្ពស់នៅប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 21/12/2023

ក្រសួងអប់រំ យុវជន និងកីឡា សហការណ៍ជាមួយទីភ្នាក់ងារសហប្រតិបត្តិការអន្តរជាតិជប៉ុន(JICA) ប្រកាសជ្រើសរើសគ្រូឧទ្ទេសដើម្បីទៅសិក្សាអាហារូបករណ៍ថ្នាក់បរិញ្ញាបត្រ...

លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង

ព័ត៌មានអាហារូបករណ៍, ព្រឹត្តិការណ៍

• 19/03/2025

កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។

វិទ្យាស្ថាន​បច្ចេកទេស​ JVC ជ្រើសរើសយុវជន​ចូលរៀន​ជំនាញជួសជុលរថយន្ត ឥតគិតថ្លៃចំនួន៣០០កន្លែង

ព័ត៌មានអាហារូបករណ៍, ព្រឹត្តិការណ៍

• 29/04/2024

វិទ្យាស្ថានបច្ចេកទេស ហ៊ី វ៉េ សេ (JVC) បានប្រកាស​ជ្រើសរើស​យុវជន​ទាំងពីរ​ភេទ​ឱ្យ​ចូលរៀនជំនាញបច្ចេកទេស និង​វិជ្ជាជីវៈ១ ជំហានទី២ ដោយ​ឥតគិតថ្លៃ​ចំនួន៣០០កន្លែង។