រដ្ឋមន្រ្តីក្រសួងព័ត៌មាន ណែនាំសិស្សានុសិស្សជឿតែព័ត៌មានមកពីប្រភពផ្លូវការ​ កុំចែករំលែកព័ត៌មានក្លែងក្លាយ នាំឱ្យអន្តរាយដល់សង្គម

ក្នុងពិធីបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហាន២ ក្រោមប្រធានបទ «ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន» នាព្រឹកថ្ងៃទី១៨ ខែឧសភា ឆ្នាំ២០២៦ នៅវិទ្យាល័យហ៊ុន សែន ប៊ុនរ៉ានី វត្តភ្នំ ដែលមានការចូលរួមពីមន្រ្តី និងសិស្សសរុប ២៥០០នាក់ ឯកឧត្តម នេត្រ ភក្ត្រា បានណែនាំសិស្សានុសិស្សឱ្យជឿតែព័ត៌មានមកពីប្រភពផ្លូវការ​ កុំចែករំលែកព័ត៌មានក្លែងក្លាយ ដែលនាំឱ្យអន្តរាយដល់សង្គម។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន មានប្រសាសន៍ថា យុទ្ធនាការ «និយាយថាទេចំពោះព័ត៌មានក្លែងក្លាយ» ជំហាន២ គឺអប់រំសិស្សានុសិស្សក្នុង​ការ​ប្រើប្រាស់ទូរស័ព្ទឱ្យមានទំនួលខុសត្រឹមត្រូវ ទប់ស្កាត់ព័ត៌មានក្លែងក្លាយ មិនចែករំលែកព័ត៌មានក្លែងក្លាយ ដែលនាំឱ្យសង្គមពុលជាមួយព័ត៌មានក្លែងក្លាយ។ ឯកឧត្តម បន្តថា យុទ្ធនាការនេះ គឺជាយុទ្ធនាការដ៏មានសារៈសំខាន់បំផុត ដោយសារបច្ចុប្បន្ននេះ ប្រជាជនកម្ពុជា ជាពិសេសសិស្សានុសិស្ស ប្រើប្រាស់ទូរស័ព្ទដៃច្រើន ហើយលោកគ្រូ អ្នកគ្រូ ឪពុកម្ដាយ មិនបានតាមដាន និងមិនដឹងថាព័ត៌មានដែលប្អូនៗទទួលបាននៅលើហ្វេសប៊ុក ជាព័ត៌មានពិត ឬមិនពិតឡើយ។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន

បើតាម​រដ្ឋមន្រ្តីក្រសួងព័ត៌មាន ព័ត៌មានពិត គឺសំដៅលើព័ត៌មាននោះ មានប្រភពច្បាស់លាស់ មានគេផ្សាយច្រើនពីប្រភពគួរឱ្យទុកចិត្ត។ ឯកឧត្តម ណែនាំថា ប្រសិនបើករណី យើងយល់ថា ព័ត៌មាននោះមិនត្រឹមត្រូវ មិនមានប្រយោជន៍ អាចបំផ្លាញសង្គម​ សូមកុំចែករំលែក កុំផ្សព្វផ្សាយបន្ត កុំចូលបញ្ចេញមតិ ដោយ​ត្រូវ​អូសរំលង និងប្លុក នោះព័ត៌មានក្លែងក្លាយនឹងលែងមាន។

“ប្អូនត្រូវជឿព័ត៌មានមកពីប្រភពផ្លូវការ គឺមានប្រព័ន្ធផ្សព្វផ្សាយរដ្ឋ ប្រព័ន្ធផ្សព្វផ្សាយឯកជន ដែលមានឈ្មោះថ្នាក់ដឹកនាំ ហ្វេសប៊ុកក្រសួង ហ្វេសប៊ុកមន្ទីរ ហ្វេសប៊ុកសាលា គួរចែករំលែកព័ត៌មានទាំងនេះ”

យុវតី លី លាងហ័រ ជាសិស្សថ្នាក់ទី១២ នៃវិទ្យាល័យហ៊ុនសែន ប៊ុនរ៉ានីវត្តភ្នំ

យុវតី លី លាងហ័រ សិស្សថ្នាក់ទី១២ នៃវិទ្យាល័យហ៊ុនសែន ប៊ុនរ៉ានីវត្តភ្នំ លើកឡើងថា តាមរយៈយុទ្ធនាការ «និយាយថាទេចំពោះព័ត៌មានក្លែងក្លាយ»​ នាងបានដឹងកាន់តែច្បាស់អំពីអ្វីជាព័ត៌មានពិត និងព័ត៌មានមិនពិត ហើយចូលរួមប្រយុទ្ធប្រឆាំងនឹងព័ត៌មានក្លែងក្លាយ។ យុវតី លី លាងហ័រ យល់ថា ប្រសិនបើយើងចែករំលែកព័ត៌មានក្លែងក្លាយ វាជារឿងមិនល្អសម្រាប់សង្គមជាតិ។

“ខ្ញុំជាសិស្ស ប្រសិនខ្ញុំទទួលបានព័ត៌មានក្លែងក្លាយ គឺធ្វើឱ្យប៉ះពាល់ដល់ការសិក្សា”

យុវតី លី លាងហ័រ ក៏បានលើកទឹកចិត្តដល់សិស្សានុសិស្សផ្សេងទៀត នៅពេល​ទទួលបានព័ត៌មានក្លែងក្លាយ សូមប្រុងប្រយ័ត្ន កុំចែករំលែកបន្ត ជាពិសេសព័ត៌មានខ្លះអាចលួចយកទិន្នន័យ ឬគណនេយ្យរបស់យើងថែមទៀត។

លោក កាំង លាងពៅ នាយករងនាយកវិទ្យាល័យហ៊ុនសែន ប៊ុនរ៉ានីវត្តភ្នំ

លោក កាំង លាងពៅ នាយករងវិទ្យាល័យហ៊ុនសែន ប៊ុនរ៉ានីវត្តភ្នំ មានប្រសាសន៍ថា ការធ្វើ​យុទ្ធនាការ «និយាយថាទេចំពោះព័ត៌មានក្លែងក្លាយ»​ នៅវិទ្យាល័យ គឺជារឿងល្អបំផុត សម្រាប់ឱ្យសិស្សានុសិស្ស​ លោកគ្រូ អ្នកគ្រូ បានយល់កាន់តែច្បាស់អំពីអ្វីជាព័ត៌មានពិត និងព័ត៌មានក្លែងក្លាយ ហើយចូលរួមទប់ស្កាត់ទាំងអស់គ្នា។ លោក កាំង លាងពៅ បន្តថា សាលានៅតែបន្តខិតខំណែនាំសិស្សនៅពេលគោរពទង់ជាតិ ឱ្យកាន់តែយល់ច្បាស់អំពីព័ត៌មានពិត និងព័ត៌មានមិនពិត ព័ត៌មានគួរចែករំលែក និងមិនគួរចែករំលែក។

គួរជំរាបជូនថា យុទ្ធនាការ «និយាយថាទេចំពោះព័ត៌មានក្លែងក្លាយ» ជំហាន ២ ក្រោមប្រធានបទ «ពង្រឹងអក្ខរកម្មព័ត៌មាននិងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន» នឹងចាប់ផ្តើមចេញពីរាជធានីភ្នំពេញ ដើម្បីបញ្ជ្រាបចំណេះដឹងផ្នែកព័ត៌មាន និងប្រព័ន្ធផ្សព្វផ្សាយ និងផលប៉ះពាល់នៃព័ត៌មានក្លែងក្លាយដល់យុវវ័យ សំដៅពង្រឹងភាពធន់របស់ពួកគេក្នុងការចូលរួមបង្ការ ទប់ស្កាត់ និងលុបបំបាត់ព័ត៌មានក្លែងក្លាយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍២៥កន្លែងសម្រាប់ព្រះសង្ឃកម្ពុជាសិក្សាថ្នាក់បរិញ្ញាបត្រនៅពុទ្ធិកមហាវិទ្យាល័យសឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 02/01/2024

ពុទ្ធិកមហាវិទ្យាល័យប្រកាសផ្ដល់អាហារូបករណ៍ដល់សមណ:សិស្សដែរមានបំណង់សិក្សានៅផ្នែកសិក្សាព្រះពុទ្ធសាសនាចំនួន២៥កន្លែងនៅសាកលពុទ្ធិកសាកលវិទ្យាសឹង្ហបុរីសម្រាប់ឆ្នាំ...

អាហារូបករណ៍រដ្ឋាភិបាលចិនប្រភេទ B ថ្នាក់បរិញ្ញាបត្រជាន់ខ្ពស់ និងបណ្ឌិតនៅវិទ្យាស្ថានបច្ចេកវិទ្យាប៉េកាំងឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/02/2025

កម្មវិធីអាហារូបករណ៍រដ្ឋាភិបាលចិន ប្រភេទ B ( CSC Type B) ប្រកាសជ្រើសរើសសិស្សនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅវិទ្យាស្ថានបច្ចេកវិទ្យាប៉េកាំង សម្រាប់ឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន...

អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 21/01/2026

ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...

អាហារូបករណ៍ថ្នាក់ភាសាចិននៅសាធារណរដ្ឋប្រជាមានិតចិនចំនួន៥០កន្លែងសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 22/12/2023

សមាគមនិស្សិតកម្ពុជាប្រចាំសាធារណរដ្ឋប្រជាមានិត(ស.ន​.ក.ច) មានកិត្តិយសជូនដំណឹងដល់សាធារណៈជន ជាពិសេសសិស្ស-និស្សិតអំពីអាហារូបករណ៍ថ្នាក់ភាសាចិន...

អាហារូបករណ៍ថ្នាក់បរិញ្ញាបត្រចំនួន ៣៣០កន្លែងនៅវិទ្យាស្ថានជាតិសង្គមកិច្ចឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 04/09/2024

ឱកាសសិក្សាអាហារូបករណ៍ចំនួន៣៣០កន្លែងថ្នាក់បរិញ្ញាបត្រនៅវិទ្យាស្ថានជាតិសង្គមកិច្ចសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាលើមុខជំនាញដែលកំពុងមានតម្រូវការទីផ្សារការងារជាច្រើនមុខជំនាញ។

អាហារូបករណ៍សាច់ប្រាក់ពីមូលនិធីព្រីនស៍ នៃអាហារូបករណ៍ ចេន ហ្សី ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 17/01/2024

ឱកាសទទួលបានអាហារូបករណ៍សាច់ប្រាក់ពីមូលនិធីព្រីនស៍សម្រាប់អាហារូបករណ៍ ចេន ហ្សី ជំនាន់ទី៣ ឆ្នាំសិក្សា២០២៤។ អាហារូបករណ៍ផ្ដល់ជូនពីមូនិធីព្រីនស៍ ដែលមានការចូល...

វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍៤៥កន្លែង សម្រាប់ជំនាញជួសជុលកុំព្យូទ័រ និង​រចនាក្រាហ្វិច

ព័ត៌មានអាហារូបករណ៍, ព្រឹត្តិការណ៍

• 22/05/2023

ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញ​បច្ចេកទេស​ដោយ​ឥតគិតថ្លៃចំនួន ៤៥នាក់។...

អាហារូបករណ៍ China University of Petroleum ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 02/12/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅ China University of Petroleum សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ China Scholarship Council (CSC)។

អាហារូបករណ៍ថ្នាក់ឧត្ដមសិក្សានៅ GRIPS នៃប្រទេសជប៉ុន ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 28/10/2025

ឱកាសសិក្សាអាហារូបករណ៍នៅ GRIPS នៃប្រទេសជប៉ុនសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ជូនសម្រាប់សិក្សារយៈពេល១ឆ្នាំ(MP1) និង ២ឆ្នាំ(MP2) ៣ឆ្នាំ ឬ...