ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជីវិតជានិស្សិត ហាក់មិនងាយស្រួលពេកទេ ជាពិសេសសម័យបច្ចេកវិទ្យា គឺមានការរំខានជាច្រើននៅជុំវិញខ្លួន។ ការណ៍នេះមិនមែនជារឿងចម្លែកពេកនោះទេ ដែលជាហេតុបង្ហាញឱ្យឃើញថា ការរៀបចំពេលវេលាយ៉ាងណា ទើបអាចផ្តោតលើការសិក្សារបស់ខ្លួនឯងបាន។
ក្នុងនាមជាសិស្ស ការគ្រប់គ្រងពេលវេលា មិនត្រឹមតែជាជំនាញសំខាន់មួយដើម្បីឈានទៅរកភាពជោគជ័យនោះទេ ប៉ុន្តែក៏បានផ្តល់នូវភាពងាយស្រួលសម្រាប់ខ្លួនឯងផងដែរ តួយ៉ាងគឺចំណេញទៅដល់ការថែរក្សាសុខភាពផ្លូវចិត្ត។ តាមរយៈកម្មវិធី៣ខាងក្រោម គឺជាការរួមចំណែកដល់ការបង្កើនផលិតភាពក្នុងនាមជានិស្សិត។
កម្មវិធីទី១ Stay focused ៖ សិស្សមួយចំនួនអាចភ្លេចនូវគោដៅសំខាន់ៗ រួមទាំងភ្លេចធ្វើកិច្ចការសាលាទៀតផង ដោយសារតែការជក់ចិត្តនឹងការប្រើប្រាស់បណ្តាញសង្គម។ ដូច្នេះការជ្រើសរើសកម្មវិធី Stay focused ដើម្បីជំនួយ គឺជាជម្រើសដ៏សាកសមមួយ។ កម្មវិធីមួយនេះនឹងជួយតាមដាននូវអ្វីដែលត្រូវធ្វើជាចាំបាច់ រួមទាំងការបិទការរំខានទាំងស្រុង។
កម្មវិធីទី២ Forest ៖ កម្មវិធីនេះ បានបង្កប់នូវភាពច្នៃប្រតិដ្ឋមួយនៅត្រង់ថា ពេលចាប់ផ្តើមបើកកម្មវិធីដើម្បីប្រើ គឺមានសញ្ញាដូចជាការដាំដើមឈើ ហើយនៅពេលដែលចាកចេញពីកម្មវិធី ធ្វើឱ្យដើមឈើចាប់ផ្តើមរុះរោយ ដែលជាការផ្តល់សញ្ញាថា សិស្សកំពុងបាត់បង់ការផ្តោតស្មារតីទៅលើការសិក្សា។
កម្មវិធីទី៣ Tide ៖ កម្មវិធីផ្តោតអារម្មណ៍ឈ្មោះថា Tide មិនត្រឹមតែ មានសមត្ថភាពនៃការបង្កើនផលិតភាពនោះទេ ប៉ុន្តែក៏ជាកម្មវិធីបង្កើនភាពច្នៃប្រតិដ្ឋផងដែរ ព្រោះនៅក្នុងកម្មវិធី បានបង្ហាញនៅការរចនាដ៏សម្បូរបែប នៅក្នុងកម្មវិធីនេះមានសម្លេងធម្មជាតិជាច្រើន និងតន្ត្រីស្ងប់ស្ងាត់ជំរុញដល់ការផ្ចង់ស្មារតី៕
