ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកវិទ្យាកំពង់ឈើទាល ប្រកាសការប្រឡងជ្រើសរើសសិស្ស និស្សិត និងសាធារណជន ជាច្រើនកន្លែង ដើម្បីទៅបន្តការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃ ក្រោមគម្រោងព្រះរាជទានរបស់ ព្រះអង្គម្ចាស់ក្សត្រីយមហាចក្រីសិរិនថន។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់សម្រាប់ឆ្នាំសិក្សា២០២៤-២០២៥។
លក្ខខណ្ឌនៃការជ្រើសរើស ៖ បេក្ខជនដែលស្នើពាក្យប្រឡងយកថ្នាក់បរិញ្ញាបត្រ មានអាយុមិនលើក២៥ឆ្នាំ ជាសិស្សដែលបានបញ្ចប់ការសិក្សាក្នុងឆ្នាំ២០២៣-២០២៤ នៅវិទ្យាល័យចំណេះទូទៅ និងបច្ចេកទេសអនុវត្តកំពង់ឈើទាល, បានជាប់សញ្ញាបត្រមធ្យមសិក្សាទុតិយភូមិ ឬសញ្ញាបត្របច្ចេកទស និងវិជ្ជាជីវៈ៣។ សម្រាប់បេក្ខជនស្នើថ្នាក់បរិញ្ញាបត្រជាន់ខ្ពស់ មានអាយុមិនលើស៤០ឆ្នាំ ជាគ្រូបង្រៀននៅវិទ្យាស្ថានបច្ចេកវិទ្យាកំពង់ឈើទាល ឬជានិស្សិតដែលបានបញ្ចប់ការសិក្សានៅវិទ្យាស្ថានបច្ចេកវិទ្យាកំពង់ឈើទាល។
កាលបរិច្ឆេទនៃការប្រឡងជ្រើសរើសនិស្សិត នឹងត្រូវបានរៀបចំជា២លើក ដោយលើកទី១ នៅថ្ងៃទី១៣ ខែធ្នូ ឆ្នាំ២០២៤ និងលើកទី២ នឹងជម្រាបដំណឹងនៅពេលក្រោយ ព្រោះមានតែបេក្ខជនដែលបានប្រឡងជាប់លើកទី១ ទើបមានសិទ្ធក្នុងការប្រឡងលើកទី២។ សម្រាប់ទីតាំងប្រឡង នៅវិទ្យាស្ថានបច្ចេកវិទ្យាកំពង់ឈើទាល (អគារ២ជាន់) ទៅលើវិញ្ញាប្រឡងចំនួន៥ រួមមាន ភាសាអង់គ្លេស គណិតវិទ្យា រូបវិទ្យា គីមីវិទ្យា និង ជីវវិទ្យា។
សម្រាប់ព័ត៌មានបន្ថែមទាក់ទងនឹងអាហារូបករណ៍ អាចទំនាក់ទំនងទៅ ០១២ ៥៣០ ៣១២ / ០៦៩ ៦០៦ ៣៦៣ ឬអាចទៅកាន់ការិយាល័យសិក្សា និងកិច្ចការសិក្សាសិស្ស និស្សិត នៃវិទ្យាស្ថានបច្ចេកវិទ្យាកំពង់ឈើទាល ដែលមានអាស័យដ្ឋាននៅ ភូមិសំបូរ ឃុំសំបូរណ៍ ស្រុកប្រាសាទសំបូរ ខេត្តកំពង់ធំ។
ចាប់ទទួលពាក្យពីថ្ងៃនេះ រហូតដល់ថ្ងៃទី១០ ខែធ្នូ ឆ្នាំ២០២៤៕
