ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កាលពីចុងខែមករាកន្លងទៅនេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសដាក់ចេញគោលនយោបាយរដ្ឋាភិបាលឌីជីថល ឆ្នាំ២០២២-២០៣៥ ដោយផ្តោតលើចក្ខុវិស័យលើកកម្ពស់គុណភាពជីវិត និងទំនុកចិត្តប្រជាពលរដ្ឋតាមរយៈការបម្រើសេវាសាធាណៈឱ្យកាន់តែល្អប្រសើរ។
នៅក្នុងបុព្វកថាស្ដីពីគោលនយោបាយរដ្ឋាភិបាលឌីជីថលកម្ពុជា បានបញ្ជាក់ថា ជោគជ័យនៃបដិវត្តន៍កម្មឌីជីថលជាមូលដ្ឋានចម្បងសម្រាប់រាជរដ្ឋាភិបាល ដើម្បីឈានទៅសម្រេចគោលបំណងបម្រើសេវាសាធារណៈតាមតម្រូវការប្រជាពលរដ្ឋនៅគ្រប់ពេលវេលា និងគ្រប់ទីកន្លែង ។
លោក ស៊ុន រ៉ាមីដ អគ្គនាយរង នៃអគ្គនាយកដ្ឋានបច្ចេកវិទ្យាគមនាគមន៍ និងព័ត៌មាន នៃក្រសួងប្រៃសនីយ៍ និងទូរគមនាគមន៍ បានមានប្រសាសន៍ថា រដ្ឋាភិបាលឌីជីថលគឺចង់សំដៅទៅលើការចាប់យក និងការប្រើប្រាស់បច្ចេកវិទ្យាឌីជីថលនៅក្នុងរដ្ឋាភិបាល ដើម្បីជំរុញប្រសិទ្ធភាពការផ្តល់សេវាសាធារណៈ ក៏ដូចជាផ្សារភ្ជាប់រដ្ឋាភិបាលទៅនឹងប្រជាពលរដ្ឋ ការធ្វើសេចក្តីសម្រេចផ្សេងៗតាមរយៈទិន្នន័យប្រកបដោយតម្លាភាព គណនេយ្យភាព និងប្រកបដោយបរិយាបន្ន។
បើតាមលោកអគ្គនាយករង បច្ចុប្បន្នដោយសារបច្ចេកវិទ្យាឌីជីថលមានការវិវឌ្ឍ និងស្នូលស្ទើរតែគ្រប់វិស័យ ដូច្នេះរដ្ឋាភិបាលឌីជីថលជំរុញនិងចាប់យកបច្ចេកវិទ្យាឌីជីថលនៅក្នុងរដ្ឋាភិបាល សម្រាប់ផ្តល់សេវាសាធារណៈជូនប្រជាពលរដ្ឋឱ្យកាន់តែល្អ។
យោងតាមសៀវភៅគោលនយោបាយរដ្ឋាបាលឌីជីថល បានបញ្ជាក់ថា ដើម្បីកសាងរដ្ឋាភិបាលឌីជីថល គឺត្រូវបែងចែកជា ៥កម្រិត រួមមាន កម្រិតទី១ រដ្ឋាភិបាលអេឡិចត្រូនិក (e-Government) ជាដំណាក់កាលដំបូងរបស់រដ្ឋាភិបាលឌីជីថល ដោយមានការអភិវឌ្ឍនិងការប្រើប្រាស់ប្រព័ន្ធព័ត៌មានឌីជីថល ដើម្បីផ្តល់ព័ត៌មាន និងសេវាតាមអនឡាញ ។ កម្រិតទី២ រដ្ឋាភិបាលបើកចំហ (Open Government) ជាដំណាក់កាលដែលប្រព័ន្ធព័ត៌មានឌីជីថល ត្រូវបានបង្កើតឡើងដើម្បីទទួលមតិយោបល់ពីប្រជាពលរដ្ឋ ហើយព័ត៌មានរបស់រដ្ឋាភិបាលត្រូវបានបើកចំហដល់សាធារណជន ដើម្បីធានាតម្លាភាព និងគណនេយ្យភាព។
កម្រិតទី៣ រដ្ឋាភិបាលផ្តោតលើទិន្នន័យ (Data-centric Government) ជាការអភិវឌ្ឍរដ្ឋាភិបាលឌីជីថល ដែលចាត់ទុកទិន្នន័យជាទ្រព្យសំខាន់ និងចាំបាច់ ។ ចំណែកកម្រិតទី៤ រដ្ឋាភិបាលបរិវត្តកម្មពេញលេញ (Fully Transformed Government) ជាដំណាក់កាលដែលក្រសួងស្ថាប័នធ្វើបរិវត្តកម្មឌីជីថលពេញលេញ ដោយប្រព័ន្ធព័ត៌មានឌីជីថល និងកម្រិតទី៥ រដ្ឋាភិបាលឆ្លាត (Smart Government) ជាដំណាក់កាលដែលការប្រមូល និងការវិភាគទិន្នន័យត្រូវបានធ្វើឡើងដោយស្វ័យប្រវត្តិ សម្រាប់ជាមូលដ្ឋានដល់ការសម្រេចចិត្ត និងការឆ្លើយតបនឹងបញ្ហា ។ នៅក្នុងដំណាក់កាលនេះ បច្ចេកវិទ្យាថ្មីៗមានជាអាទិ៍ បញ្ញាសិប្បនិម្មិត អ៊ីនធឺណិត ទិន្នន័យធំ ប្លុកឆេន បច្ចេកវិទ្យាក្លោដ អាចកើតឡើងពេញលេញ ។
តើកម្ពុជាស្ថិតនៅក្នុងកម្រិតទីប៉ុន្មាន នៃរដ្ឋាភិបាលឌីជីថល ? បើតាមការបញ្ជាក់របស់លោក ស៊ុន រ៉ាមីដ អគ្គនាយរង នៃអគ្គនាយកដ្ឋានបច្ចេកវិទ្យាគមនាគមន៍ និងព័ត៌មាន មានប្រសាសន៍ថា បច្ចុប្បន្នប្រទេសកម្ពុជាកំពុងស្ថិតនៅក្នុងកម្រិតទី១ នៅឡើយ ដោយសារតែក្រសួងស្ថាប័នមួយចំនួននៅធ្វើការ offeline ខណៈក្រសួងស្ថាប័នខ្លះទៀតបានជំរុញការផ្តល់សេវាសាធារណៈតាមអនឡាញរួចហើយ ។ លោកថាការផ្តល់សេវាតាមអនឡាញទាំងនោះនៅមានលក្ខណៈដាច់ដោយដុំនៅឡើយ។
លោក ស៊ុន រ៉ាមីដ
“អត់ទាន់មានការភ្ជាប់ប្រព័ន្ធគ្នាពីក្រសួងមួយទៅក្រសួងមួយនោះទេ… ឧទាហរណ៍ ក្រសួង (ក) គាត់បង្កើតប្រព័ន្ធខ្លួនឯងមួយបម្រើសេវាសាធារណៈ ហើយក្រសួង (ខ) បង្កើតខ្លួនឯងមួយទៀត ដូច្នេះទិន្នន័យនៅដាច់ដោយឡែកគ្នា អត់មានការតភ្ជាប់ ផ្លាស់ប្តូរទិន្នន័យពីក្រសួងមួយទៅក្រសួងមួយតាមរយៈប្រព័ន្ធនោះទេ “
យ៉ាងណាក៏ដោយបើតាមការរំពឹងទុក នៅចុងបញ្ចប់នៃការអនុវត្តគោលនយោបាយ ពោលគឺនៅឆ្នាំ២០៣៥ កម្ពុជានឹងក្លាយជារដ្ឋាភិបាលឆ្លាត (Smart Government) ដែលជាកម្រិតចុងក្រោយនៃការកសាងរដ្ឋាភិបាលឌីជីថល។ នេះជាការបញ្ជាក់របស់លោក ស៊ុន រ៉ាមីដ ។
ទន្ទឹមគ្នានេះ បើតាមការលើកឡើងរបស់លោក ស៊ុន រ៉ាមីដ បច្ចុប្បន្នកម្ពុជានៅមានបញ្ហាប្រឈមផ្នែកធនធានមនុស្ស ពិសេសអ្នកជំនាញ ICT តែម្តង ខណៈអ្នកប្រើប្រាស់ជាមន្រ្តីរាជការទូទៅ អក្ខរកម្មឌីជីថលរបស់ពួកគាត់នៅមានកម្រិតខ្សោយ។
សូមជម្រាបថា ដើម្បីអនុវត្តគោលនយោបាយនេះឱ្យបានជោគជ័យ រាជរដ្ឋាភិបាលបានរៀបចំសកម្មភាពចំនួន៨៣ ដែលមានទាំងការរៀបចំហេដ្ឋារចនាសម្ព័ន្ធ ការរៀបចំច្បាប់ និងបទដ្ឋានគតិយុតិ ការរៀបចំសេវាសាធារណៈអនឡាញ ក៏ដូចជាការរៀបចំបណ្តុះបណ្តាលធនធានមនុស្ស និងការរៀបចំកិច្ចសហការជាមួយវិស័យឯកជនជាដើម៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ទឹកប្រាក់ សម្រាប់និស្សិតក្រោយឧត្តមសិក្សា ជំនាញភូគព្ភសាស្ត្រ នៅប្រទេសណូវ៉េលហ្សេឡង់
ព័ត៌មានអាហារូបករណ៍, ព្រឹត្តិការណ៍
• 25/07/2024
អាហារូបករណ៍ទឹកប្រាក់រហូតដល់ ៥ពាន់ដុល្លារ ដើម្បីជួយដល់និស្សិតស្រាវជ្រាវក្រោយឧត្តមសិក្សា ដើម្បីសិក្សាអំពីភូគព្ភសាស្ត្រ (geological research) ដែលមានមូលដ្ឋាននៅ ណូវ៉ែលហ្សេឡង់...
អាហារូបករណ៍ថ្នាក់បរិញ្ញាបត្រជំនាញគណនេយ្យចំនួន១០កន្លែងនៅវិទ្យាស្ថានវ៉ាន់ដាឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 24/10/2024
ឱកាសសិក្សាអាហារូបករណ៍ចំនួន១០កន្លែង សម្រាប់សិក្សាថ្នាក់បរិញ្ញាបត្រ ជំនាញគណនេយ្យ នៅវិទ្យាស្ថាន វ៉ាន់ដា ក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី...
ឱកាសផ្លាស់ប្តូរការសិក្សាសម្រាប់សិស្សវិទ្យាល័យរយៈពេលមួយសប្តាហ៍នៅប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/06/2025
កម្មវិធី EACAT Homestay Program 2025 កំពុងប្រកាសឱ្យសិស្សានុសិស្សថ្នាក់វិទ្យាល័យដាក់ពាក្យ ដើម្បីផ្លាស់ប្ដូរការសិក្សារយៈពេល១សប្ដាហ៍ នៅប្រទេសជប៉ុន។ កម្មវិធីផ្ដល់ឱកាសដល់សិស្សានុសិស្ស...
អាហារូបករណ៍ថ្នាក់បរិញ្ញាបត្រចំនួន ៣៣០កន្លែងនៅវិទ្យាស្ថានជាតិសង្គមកិច្ចឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 04/09/2024
ឱកាសសិក្សាអាហារូបករណ៍ចំនួន៣៣០កន្លែងថ្នាក់បរិញ្ញាបត្រនៅវិទ្យាស្ថានជាតិសង្គមកិច្ចសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាលើមុខជំនាញដែលកំពុងមានតម្រូវការទីផ្សារការងារជាច្រើនមុខជំនាញ។
សាកលវិទ្យាល័យ Chulalongkorn ជ្រើសរើសនិស្សិតអាហារូបករណ៍ថ្នាក់បរិញ្ញបត្រជាន់ខ្ពស់ និងបណ្ឌិតឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 08/02/2023
សាកលវិទ្យាល័យ Chulalongkorn នៃប្រទេសថៃ បានប្រកាសជ្រើសរើសនិស្សិតមកពីប្រទេសក្នុងតំបន់អាស៊ាន និងក្រៅអាស៊ានឱ្យប្រឡងយកអាហារូបករណ៍ថ្នាក់បរិញ្ញាបត្រជាន់ខ្ពស់...
អាហារូបករណ៍ថ្នាក់ក្រោយឧត្តមសិក្សា និងថ្នាក់បរិញ្ញាបត្រ ចំនួន១២០កន្លែង ទៅសិក្សានៅប្រទេសវៀតណាម ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 30/09/2025
ក្នុងឆ្នាំសិក្សា២០២៥-២០២៦ នេះ ក្រសួងអប់រំ យុវជន និងកីឡា នឹងធ្វើការជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា និងប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រ ចំនួន ១២០នាក់ ទៅសិក្សានៅសាធារណរដ្ឋសង្គមនិយមវៀតណាម។
ឱកាសសិក្សាអាហារូបករណ៍ថ្នាក់បច្ចេកទេសជាន់ខ្ពស់ចំនួន២០០កន្លែងនៅសាលាបច្ចេកទេស ដុនបូស្កូខេត្តកែប
ព័ត៌មានអាហារូបករណ៍, ព្រឹត្តិការណ៍
• 04/10/2023
សាលាបច្ចេកទេស ដុនបូស្កូ ខេត្តកែប ប្រកាសជ្រើសរើសសិស្សចូលសិក្សាអាហារូបករណ៍ជំនាញថ្នាក់ជាន់ខ្ពស់បច្ចេកទេសចំនួន២០០កន្លែងសម្រាប់ឆ្នាំសិក្សា២០២៣-២០២៤។........
ACE ផ្តល់អាហារូបករណ៍ 100% ចំនួន ៣៤ កន្លែងសម្រាប់ការសិក្សាភាសាអង់គ្លេសរយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 27/07/2026
មជ្ឈមណ្ឌលអូស្ត្រាលីសម្រាប់ការបណ្តុះបណ្តាល (ACE) បានប្រកាសផ្តល់អាហារូបករណ៍សិក្សាភាសាអង់គ្លេស ១០០% ចំនួន ៣៤ រង្វាន់ សម្រាប់រយៈពេលមួយឆ្នាំពេញ ជូនដល់សិស្សានុសិស្សកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
