ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាម CNBC បានបង្ហាញថា ភាពចាស់ត្រូវបានបែងចែកជាពីរប្រភេទគឺ ភាពចាស់ផ្នែកខាងក្នុង (Intrinsic aging) និងខាងក្រៅ (Extrinsic aging)។ ភាពចាស់ខាងក្នុង គឺដោយសារកត្តាហ្សែន រីឯភាពចាស់ខាងក្រៅ អាចត្រូវបានកំណត់ដោយសារការជ្រើសរើសរបៀបរស់នៅ ដូចជាទម្លាប់ទទួលទានគ្រឿងស្រវឹង ការជក់បារី របបអាហារ ការធ្វើលំហាត់ប្រាណ និងការគ្រប់គ្រងភាពតានតឹងជាដើម។
ក្នុងនាមជាវេជ្ជបណ្ឌិតផ្នែក អាយុវែង (Longevity) លោក Neil Paulin បានជួយបុគ្គលឆ្នើមៗ ដូចជា នាយកប្រតិបត្តិក្រុមហ៊ុន អត្តពលិក និងតារាល្បី ក្នុងការពង្រឹងសុខភាពរាងកាយ និងជួយឱ្យរូបរាងខាងក្រៅមើលទៅក្មេងជាងវ័យ។ លោកបានលើកឡើងថា «ការគេងមិនមានគុណភាព គឺជាកំហុសលេខ ១ ដែលនាំឱ្យមនុស្សឆាប់ចាស់មុនអាយុ។»
ជាមួយនឹងជីវិតដែលមានការវិវត្តន៍យ៉ាងលឿន និងមមារញឹករបស់យើង ទម្លាប់គេងមិនគ្រប់គ្រាន់ ត្រូវបានកើតឡើងជាញឹកញាប់។ ភស្ដុតាងនៃការស្រាវជ្រាវជាច្រើនបានបង្ហាញថា ការគេងដែលមានគុណភាព គឺជាគន្លឹះ នៃការបង្កើតជីវិតដែលមានសុខភាពល្អ។
នៅពេលដែលយើងគេង រាងកាយរបស់យើង នឹងជួសជុលកោសិកា ដែលខូចខាត ដោយខ្លួនឯង។ ការគេងគ្រប់គ្រាន់ពី ៧ ទៅ ៨ម៉ោង ក្នុងមួយយប់ អាចជួយពង្រឹងសុខភាពកោសិកា និងជាលិកា មុខងារយល់ដឹងរបស់ខួរក្បាល ប្រព័ន្ធភាពស៊ាំ កម្រិតថាមពល និងសម្រួលដំណើរការរំលាយអាហារ។
ទន្ទឹមនឹងនេះ ការគេងមិនលក់អាចបណ្ដាលឱ្យមានបញ្ហាសុខភាពជាច្រើនដូចជា ជំងឺលើសឈាម ជំងឺធ្លាក់ទឹកចិត្ត ជំងឺធាត់ ជំងឺដាច់សរសៃឈាមខួរក្បាល ជំងឺទឹកនោមផ្អែម ជំងឺបេះដូង ស្នាមជ្រួញ និងស្បែកឆាប់ចាស់ ការចុះខ្សោយមុខងារយល់ដឹងរបស់ខួរក្បាល និងការចុះខ្សោយប្រព័ន្ធភាពស៊ាំ៕
