គិតគូរគុណភាពចំណីអាហារនៅតាមសាលារៀន លើកកម្ពស់សុខភាពសិក្សារបស់សិស្ស

ចំណីអាហារសំខាន់សម្រាប់មនុស្សគ្រប់រូប ព្រោះបានជួយទ្រទ្រង់រាងកាយ ផ្ដល់កម្លាំង និងប្រាជ្ញា ក៏ដូចជាការធ្វើសកម្មភាពប្រចាំថ្ងៃ។ ទន្ទឹមគ្នានេះ ប្រសិនបើចំណីអាហារគ្មានគុណភាព បរិភោគហើយមិនបានបំពេញសេចក្ដីត្រូវការរបស់រាងកាយ នោះនឹងនាំឱ្យឈឺ ខួរក្បាលលូតលាស់មិនបានល្អ បាត់បង់ផលិតភាពក្នុងការសិក្សា និងធ្វើការងារ។

តាមការសិក្សារបស់អ្នកជំនាញផ្នែកអាហារ បានបង្ហាញថា មានអាហារមួយចំនួនមិនបានផ្ដល់អត្ថប្រយោជន៍ដល់រាងកាយក្រោយពេលបរិភោគរួច ជាពិសេស អាហារកែច្នៃ អាហារមានជាតិខ្លាញ់ច្រើន និងភេសជ្ជៈមានជាតិផ្អែមខ្លាំង ដែលផ្ដល់ផលប៉ះពាល់ដល់កុមារយ៉ាងខ្លាំង។ ទន្ទឹមគ្នានេះ ការអប់រំ និងណែនាំកុមារអំពីរបៀបជ្រើសរើសចំណីអាហារល្អសម្រាប់សុខភាព ទាមទារឱ្យ​មានការចូលរួមគិតគូរពីភាគីពាក់ព័ន្ធ រួមមាន សាលារៀន គ្រួសារ និងសហគមន៍។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តី ក្រសួងអប់រំ យុវជន និងកីឡា

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តី ក្រសួងអប់រំ យុវជន និងកីឡា  មានប្រសាសន៍ថា ការលើកកម្ពស់សុវត្ថិភាពចំណីអាហារនៅតាមសាលារៀនគឺជាអាទិភាពរបស់យើងទាំងអស់គ្នាដែលត្រូវតែអនុវត្តឱ្យបានខ្ជាប់ខ្ជួន ។ ហើយសុវត្ថិភាពចំណីអាហារនៅតាមសាលារៀនគឺជាកាតព្វកិច្ចរបស់យើងទាំងអស់គ្នា។

ជាមួយគ្នានេះ ដើម្បីធានាថា ចំណីអាហារនៅក្នុងសាលារៀន មិនមានសារធាតុគីមី និងមានអនាម័យល្អ និងធានាថាសិស្សានុសិស្សមិនទទួលរងផលប៉ះពាល់អវិជ្ជមាន ពីចំណីអាហារក្នុងសាលារៀន ជាពិសេសសាលារៀននៅតាមបណ្តាខេត្តនានា និងតំបន់ដាច់ស្រយាល ក្រសួងអប់រំ យុវជន និងកីឡា បានចេញសេចក្ដីប្រកាសព័ត៌មាន ស្ដីពីយុទ្ធនាកាផ្សព្វផ្សាយ អំពីសុវត្ថិភាពចំណីអាហារ នៅក្នុងសាលារៀន។

តាមរយៈសេចក្ដីណែនាំលេខ១៨ អយក.សណន ចុះថ្ងៃទី២ ខែឧសភា ឆ្នាំ២០១៩ ចំណីអាហារនៅតាមគ្រឹះស្ថានសិក្សាសាធារណៈនិងឯកជន ដែលត្រូវបានហាមឃាត់មាន ៦ប្រភេទ រួមមាន ១. ចំណីអាហារគ្រប់ប្រភេទដែលហួសកំណត់បកាលរិច្ឆេទ ២. គ្រឿងស្រវឹង និងផលិតផលថ្នាំជក់គ្រប់ប្រភេទ ៣. ចំណីអាហារដែលមិនមានប្រភពច្បាស់លាស់ ៤​. ភេសជ្ជៈប៉ូវកម្លាំង ភេសជ្ជៈផ្អែមខ្លាំង កាហ្វេ ការ៉េម ទឹកស៊ីរ៉ូប៍គ្រប់ប្រភេទ ៥. ស្ករសូកូឡា ស្ករគ្រាប់ និងស្ករកៅស៊ូគ្រប់ប្រភេទ ៦. ចាហួយគ្រប់ប្រភេទ នំដូណាត់ នំផ្អែមខ្លាំង។

អ្នកគ្រូ ធូ ចំរើន ជាគ្រូបង្រៀននៅវិទ្យាល័យសម្ដេចតេជោ ហ៊ុន សែន រលាំងឈូក លើកឡើងដែរថា ពីមុននៅសាលារៀនជាច្រើនមានលក់ភេសជ្ជៈផ្អែមៗច្រើន ប៉ុន្តែចាប់តាំងពីក្រសួងបានចេញការណែនាំ អំពីសុវត្ថិភាពចំណីអាហារនៅក្នុងសាលារៀនមក នាយកសាលាបានអញ្ជើញលោកគ្រូ អ្នកគ្រូទាំងអស់ចូលរួមប្រជុំ ដើម្បីឱ្យលោកគ្រូ អ្នកគ្រូ ណែនាំសិស្សនៅពេលចេញលេងគួរទិញនំចំណីណាដែលមិនប៉ះពាល់ដល់សុខភាព ។ លើសពីនេះ លើកទឹកចិត្តឱ្យសិស្សញ៉ាំចំណីអាហារដែលផ្ដល់ប្រយោជន៍ដល់សុខភាព ជាពិសេសការលូតលាស់ផ្នែករាងកាយ និងខួរក្បាលរបស់សិស្ស ហើយបើញ៉ាំចំណីអាហារណាមិនល្អអាចធ្វើឱ្យឈឺ និងប៉ះពាល់ដល់ពេលវេលារៀនសូត្រ។

«ការលក់ចំណីអាហារឥឡូវមិនសូវមានអ្វីប៉ះពាល់ដល់សិស្សានុសិស្សទេ ទោះបីជាសិស្សយកនំចំណីមកពីផ្ទះ ឬសិស្សទិញភេសជ្ជៈគ្រឿងកប៉ុងមករៀន ក៏មិនអនុញ្ញាតឱ្យយកចូលក្នុងបរិវេនសាលាបានដែរ»

អ្នកគ្រូ ធូ ចំរើន

អ្នកគ្រូ ធូ ចំរើន ក៏បានសំណូមពរថា ប្រសិនបើអ្នកលក់នៅសាលារៀន ផ្ដូរមកលក់នំបត់ នំគម ជានំដែលដូនតាខ្មែរបានបន្សល់ទុក គាត់ពិតជាសប្បាយចិត្ត ព្រោះវាមិនប៉ះពាល់ដល់សុខភាពសិស្ស ជាពិសេស ប្រសិនបើលក់ផ្លែឈឺគ្មានជាតិគីមី និងមានតម្លៃសមរម្យទៀតនោះកាន់តែល្អសម្រាប់សិស្ស។

ចំណែកអ្នកគ្រូ ឃឿន ម៉ាលីស បង្រៀននៅវិទ្យាល័យហ៊ុនសែនទឹកឃ្លាំងវិញ មានប្រសាសន៍ថា តាមការសង្កេតរាល់ថ្ងៃ នៅតាមសាលារៀនមួយចំនួន ជាពិសេសសាលានៅតាមបណ្ដាខេត្ត(ជនបទ)ការលក់ចំណីអាហារនៅតាមសាលារៀនមិនទាន់គោរពតាមគោលការណ៍ណែនាំរបស់ក្រសួងអប់រំនៅឡើយទេ។ អ្នកគ្រូបន្តថា ប្រភេទនំចំណីទាំងនោះ ភាគច្រើនជាប្រភេទនំ ឬភេសជ្ជៈមានរសជាតិផ្អែមខ្លាំង មានជាតិខ្លាញ់ ហើយអាហារខ្លះក៏ខ្វះអនាម័យ។

«ខ្ញុំតែងណែនាំ និងពន្យល់សិស្សឱ្យជ្រើសរើសញ៉ាំអាហារណាដែលមានប្រយោជន៍ដល់សុខភាព ដូចជា បន្លែ ផ្លែឈើ ទឹកដោះគោ គ្រាប់ធញ្ញជាតិ និងផឹកទឹកឱ្យបានច្រើន»

អ្នកគ្រូ ឃឿន ម៉ាលីស

អ្នកគ្រូ ម៉ាលីស បញ្ជាក់បន្ថែមថា ក្រោយពេលក្រសួងអប់រំ យុវជន និងកីឡា បង្កើតឱ្យមានយុទ្ធនាការផ្សព្វផ្សាយ អំពីសុវត្ថិភាពចំណីអាហារក្នុងសាលារៀនឃើញថា មានសាលារៀនរដ្ឋមួយចំនួនចាប់ផ្ដើមរឹតបន្តឹងការលក់ចំណីអាហារដែលគ្មានគុណភាព និងប៉ះពាល់ដល់សុខភាពសិស្ស។  នេះជាការប្រសើរដែលបញ្ហាចំណីអាហារនៅតាមសាលារៀន ជារឿងដែលយើងគួរយកចិត្តទុកដាក់ និងចូលរួមទាំងអស់គ្នា។

បើយោងតាមរបាយការណ៍ឆ្នាំ​២០២១ ​​របស់​អង្គការ​សុខភាព​ពិភពលោក ​(WHO) បាន​បង្ហាញថា ​អត្រា​នៃ​ការឡើង​ទម្ងន់​និង​ជំងឺ​ធាត់កុមារ​ បាន​និង​កំពុង​កើនឡើង​យ៉ាង​ឆាប់រហ័ស​នៅ​តំបន់​អាស៊ីអាគ្នេយ៍​ដែល​បណ្តាល​មកពី​ការបរិភោគ​អាហារ​សម្រន់​កញ្ចប់​មាន​ជាតិ​អំបិល ស្ករ និង​ខ្លាញ់​ខ្ពស់ ហើយ​មាន​សារជាតិ​ចិញ្ចឹ​ម​តិចតួច ​។ ក្នុងនោះដែរកុមារនៅកម្ពុជា​អាយុចាប់ពី​៥-១៩ឆ្នាំ​ ប្រមាណ​ជាង១/៨ មានបញ្ហា​ឡើងទម្ងន់​ និងជំងឺធាត់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានជាតិវិជ្ជាជីវៈបាត់ដំបង ប្រកាសជ្រើសរើសសិស្សចូលរៀនជំនាញវិជ្ជាជីវៈ កម្រិត១ ឥតគិតថ្លៃចំនួន ៦៣០នាក់

ព័ត៌មានអាហារូបករណ៍, ព្រឹត្តិការណ៍

• 08/12/2023

វិទ្យាស្ថានជាតិវិជ្ជាជីវៈបាត់ដំបង ដែលជាគ្រឹះស្ថានសិក្សា​របស់រដ្ឋស្ថិតក្រោម​ក្រសួងការងារ និង​បណ្តុះបណ្តាល​វិជ្ជាជីវៈ បានប្រកាស​ជ្រើសរើសសិស្ស​ចំនួន ៦៣០នាក់ សម្រាប់កម្រិតសញ្ញាបត្របច្ចេកទេស និង​វិជ្ជាជីវៈ១ (C1)...

សម្តេចតេជោផ្តល់អាហារូបករណ៍សម្រាប់និស្សិត​កម្ពុជាទៅ​សិក្សា​នៅ​ប្រទេស​ចិនចំនួន ៨០កន្លែង

ព័ត៌មានអាហារូបករណ៍, ព្រឹត្តិការណ៍

• 15/03/2024

អាហារូបករណ៍​សម្តេចអគ្គមហាសេនាបតីតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត តាមរយៈ​សម្តេច​មហាបវរធិបតី ហ៊ុន ម៉ាណែត និង​លោកជំទាវបណ្ឌិត ពេជ ចន្ទមុន្នី បានប្រកាស​ផ្តល់​អាហារូបករណ៍​ចំនួន ៨០កន្លែង...

វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈ​ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 24/06/2025

ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធី​បណ្តុះបណ្តាលជំនាញ​វិជ្ជាជីវៈ និង​បច្ចេកទេស របស់​រាជរដ្ឋាភិបាល

ឱកាសសិក្សាអាហារូបករណ៍ KOICA-GIST ប្រទេសកូរ៉េ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 31/03/2023

កម្មវិធីអាហារូបករណ៍ពេញលេញ KOICA-GIST កំពុងផ្ដល់អាហារូបករណ៍ថ្នាក់ឧត្ដមសិក្សានៅវិទ្យាស្ថានបច្ចេកវិទ្យា Gwanju នៃប្រទេស​កូរ៉េ ...

ឆ្នាំសិក្សា២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍១០០% ថ្នាក់បរិញ្ញាបត្ររង ១២០កន្លែង និងថ្នាក់សញ្ញាបត្របច្ចេកទេស ១៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 10/09/2025

សម្រាប់ឆ្នាំសិក្សាថ្មី ២០២៥-២០២៦ វិទ្យាស្ថានជាតិវិជ្ជាជីវៈ​បាត់ដំបង បានប្រកាស​ជ្រើសរើស​សិស្ស​និស្សិត​ឱ្យ​ចូលសិក្សា ដោយផ្តល់អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររងចំនួន១២០នាក់ ខណៈថ្នាក់សញ្ញាបត្រ​បច្ចេកទេស...

ACE ផ្តល់អាហារូបករណ៍​ដល់សិស្សនិស្សិតចំនួន ៣១កន្លែង

ព័ត៌មានអាហារូបករណ៍, ព្រឹត្តិការណ៍

• 25/08/2023

មជ្ឈមណ្ឌលអូស្រ្តាលី​សម្រាប់ការបណ្តុះបណ្តាល ប្រកាស​ផ្តល់អាហារូបករណ៍​ដល់​សិស្ស​និស្សិតចំនួន៣១កន្លែង ដោយ​ម្នាក់ៗ​នឹង​ទទួល​បាន​អាហារូបករណ៍​រយៈពេល​១ឆ្នាំ។

សាកលវិទ្យាល័យអន្តរជាតិ ផារ៉ាហ្គន ផ្តល់អាហារូបករណ៍សាកលវិទ្យាធិការដល់សិស្សឆ្នើម និងមានស្នាដៃក្នុងសង្គម

ព័ត៌មានអាហារូបករណ៍, ព្រឹត្តិការណ៍

• 16/10/2025

នៅឆ្នាំ២០២៥នេះ សាកលវិទ្យាល័យអន្តរជាតិ ផារ៉ាហ្គន បន្តផ្តល់អាហារួបករណ៍សាកលវិទ្យាធិកា ជាចំណែកផ្តល់ឱកាសដល់សិស្សានុសិស្សដែលមានទេពកោស្យខ្ពស់ មានស្នាដៃឆ្នើម តាមរយៈការងារសង្គម និងការប្រកួតប្រជែងនានា ទទួលបានអាហារូបករណ៍...

ឱកាស​សម្រាប់ប្រជាពលរដ្ឋ និង​យុវជន​នៅ​ខេត្តបន្ទាយមានជ័យ សិក្សាជំនាញបច្ចេកទេស និង​វិជ្ជាជីវៈឥតគិតថ្លៃ​ចំនួន ១៦៥០នាក់

ព័ត៌មានអាហារូបករណ៍, ព្រឹត្តិការណ៍

• 13/03/2024

វិទ្យាស្ថាន​ពហុបច្ចកទេស​ខេត្ត​បន្ទាយមានជ័យ បានជូនដំណឹងថា វិទ្យាស្ថាន​នឹង​បើក​វគ្គបណ្តុះបណ្តាល​ដល់បងប្អូន​ប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពី​គ្រួសារក្រីក្រ គ្រួសារងាយរងហានិភ័យ...

រៀនជំនាញដូនតាដោយឥតគិតថ្លៃ ជាមួយក្រសួងវប្បធម៌ និង​វិចិត្រសិល្បៈ

ព័ត៌មានអាហារូបករណ៍, ព្រឹត្តិការណ៍

• 07/04/2026

ក្រសួងវប្បធម៌ និង​វិចិត្រសិល្បៈ ប្រកាស​ពីការ​ផ្តល់ជូន​ការ​បណ្តុះបណ្តាលជំនាញដូនតាដោយ​ឥតគិតថ្លៃ សម្រាប់ឆ្នាំ២០២៦ ដល់យុវជន និងសាធារណជន ដែលចង់ចេះជំនាញ​ដូចជា តម្បាញសូត្រ និងអំបោះ, តម្បាញក្រមាពណ៌ត្រុំ,