ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យ Monash University ដែលជាគ្រឹះស្ថានឧត្តមសិក្សាដ៏ល្បីល្បាញរបស់ប្រទេសអូស្ត្រាលី កំពុងប្រកាសផ្តល់អាហារូបករណ៍ពេញលេញ (Full Scholarship) សម្រាប់ថ្នាក់បរិញ្ញាបត្រ ជូនដល់និស្សិតអន្តរជាតិ ដែលរួមមានទាំងនិស្សិតមកពីប្រទេសកម្ពុជាផងដែរ។
នៅក្នុងឆ្នាំ២០២៦នេះ Monash University បានជាប់ចំណាត់ថ្នាក់លេខ ៣៦ លើពិភពលោក, មិនត្រឹមប៉ុណ្ណឹង សាកលវិទ្យាល័យនេះ ក៏មានភាពលេចធ្លោខ្លាំងផ្នែកឱសថសាស្ត្រ និងឱសថវិទ្យា (Pharmacy & Pharmacology) ជាប់ចំណាត់ថ្នាក់លេខ ២ លើពិភពលោក, ផ្នែកអប់រំ (Education) និងគិលានុបដ្ឋាក (Nursing) ក៏ស្ថិតក្នុងចំណោមក្រុមកំពូលទាំង ២០ ផងដែរ។
និស្សិតជ័យលាភីដែលជាប់អាហារូបករណ៍នេះ នឹងទទួលបានការឧបត្ថម្ភពេញលេញ ដូចជា ៖
- ថ្លៃសិក្សា ៖ ឥតគិតថ្លៃ ១០០% ក្នុងអំឡុងពេលសិក្សា។
- ប្រាក់ឧបត្ថម្ភប្រចាំឆ្នាំ ៖ ទទួលបានចំនួន AUD 14,000 ក្នុងមួយឆ្នាំ។
- ការស្នាក់នៅ ៖ ផ្តល់កន្លែងស្នាក់នៅដោយឥតគិតថ្លៃនៅក្នុងបរិវេណសាកលវិទ្យាល័យ។
- ការធ្វើដំណើរ និងទិដ្ឋាការ ៖ ជួយបង់ថ្លៃទិដ្ឋាការសិក្សា (Student Visa) និងផ្តល់សំបុត្រយន្តហោះទៅប្រទេសអូស្ត្រាលីសម្រាប់ជើងដំបូង។
- ប្រាក់ឧបត្ថម្ភដំបូង៖ ផ្តល់ជូន AUD 3,000 សម្រាប់ការរៀបចំខ្លួនពេលទៅដល់ភ្លាម។
- ឱកាសពិសេស ៖ ទទួលបានការចូលរួមក្នុងកម្មវិធីហាត់ការងារ (Internship) និងសកម្មភាពគាំទ្រការសិក្សាផ្សេងៗទៀត។
ដើម្បីមានសិទ្ធិដាក់ពាក្យស្នើសុំ បេក្ខជនត្រូវបំពេញតាមលក្ខខណ្ឌដូចខាងក្រោម៖
- ជានិស្សិតអន្តរជាតិ មកពីបណ្តាប្រទេសក្នុងតំបន់អាស៊ីអាគ្នេយ៍ (រួមទាំងកម្ពុជា)។
- ដាក់ពាក្យចូលរៀនកម្មវិធីបរិញ្ញាបត្រពេញម៉ោង (Single Degree) នៅ Monash University ប្រទេសអូស្ត្រាលី។
- មិនធ្លាប់សិក្សានៅ Monash University ពីមុនមក។
- មិនទាន់បានចាប់ផ្តើមការសិក្សាថ្នាក់ឧត្តមសិក្សា (បរិញ្ញាបត្រ) នៅស្ថាប័នណាមួយឡើយ។
- មកពីគ្រួសារដែលមានជីវភាពខ្វះខាត (មានតម្រូវការផ្នែកហិរញ្ញវត្ថុ)។
កាលបរិច្ឆេទសំខាន់ៗ
ថ្ងៃបើកទទួលពាក្យ ៖ ថ្ងៃទី០៥ ខែមិថុនា ឆ្នាំ២០២៦
ថ្ងៃផុតកំណត់ទទួលពាក្យ ៖ ថ្ងៃទី២០ ខែកក្កដា ឆ្នាំ២០២៦
កាលបរិច្ឆេទចាប់ផ្តើមសិក្សា ៖ ខែកុម្ភៈ ឆ្នាំ២០២៧
របៀបដាក់ពាក្យ ៖ សិស្ស និស្សិត ដែលមានចំណាប់អារម្មណ៍ និងមានសមត្ថភាពសិក្សាល្អ ប៉ុន្តែមានការខ្វះខាតផ្នែកហិរញ្ញវត្ថុ អាចស្វែងរកព័ត៌មានលម្អិត និងដាក់ពាក្យសុំផ្ទាល់តាមរយៈ [ គេហទំព័រផ្លូវការរបស់សាកលវិទ្យាល័យ ]៕
