ពីធីបុណ្យចូលឆ្នាំខ្មែរ ៖ រៀបចំបច្ច័យ៤ ជូនអ្នកមានគុណតាមលទ្ធភាពបង្ហាញ

ភ្នំពេញ – ជាទំនៀមពិធីបុណ្យចូលឆ្នាំថ្មីប្រពៃណីជាតិខ្មែរ តែងប្រព្រឹត្តធ្វើរយៈពេលបីថ្ងៃនៅក្នុងខែចេត្រ ឬនៅពាក់កណ្តាលខែមេសា ។ ពិធីបុណ្យចូលឆ្នាំថ្មី ក្រៅពីពិធីសាសនា ដើម្បីអបអរដល់ការផ្តាច់ឆ្នាំចាស់ និងឈានចូលឆ្នាំថ្មី ក៏ជាការផ្តល់ឱកាសសម្រាប់ការជួបជុំសាច់ញាតិឪពុកម្តាយបងប្អូនផងដែរ ។ ដូច្នេះ តើកូនប្រុសស្រី គួរប្រតិបត្តិអ្វីខ្លះចំពោះអ្នកមានគុណក្នុងឱកាសនៃពិធីបុណ្យចូលឆ្នាំថ្មីនេះ?

លោក សំបូរ ម៉ាណ្ណារ៉ា សាស្រ្តាចារ្យផ្នែកប្រវត្តិសាស្រ្ត មានប្រសាសន៍ថា អ្វីដែលកូនប្រុសស្រីគួរប្រតិបត្តិមុនដំបូងគេនោះ គឺការរៀបចំចង្ហាន់ ម្ហូប ចំណីអាហារ ដើម្បីលោកអ្នកមានគុណបានយកទៅវត្ត ។ មួយទៀតកូនប្រុសស្រីត្រូវតែជូនជាបច្ច័យ៤ ទៅដល់អ្នកមានគុណតាមលទ្ធភាពដែលអាចធ្វើទៅបាន ដោយមានដូចជា ម្ហូបអាហារ សម្លៀកបំពាក់ ទឹក ផ្លែឈើ ថ្នាំពេទ្យជាដើម ដើម្បីបង្ហាញពីភាពកត្តញូ។

– លោកសាស្រ្តាចារ្យ សំបូរ ម៉ាណ្ណារ៉ា

“ប្រពៃណីទំនៀមទម្លាប់របស់យើង បាននិយាយប្រាប់យើងអំពីព្រះកន្លោង។ ព្រះកន្លោង គឺជាព្រះដំបូង ព្រះទី១ ព្រះធំជាងគេបង្អោះ មិនមែនព្រះសាមនគោត្តម មិនមែនព្រះសាមសាមពុទ្ធនោះទេ សូមជ្រាបថា កូនទាំងអស់ដែលកើតមកពីឪពុកម្តាយ ត្រូវតែយល់ថា ខ្លួនឯងមានព្រះ, អញ្ចឹងបើយើងនិយាយថា តើកូនត្រូវធ្វើម៉េចនៅពេលចូលឆ្នាំនោះ គឺយើងត្រូវថ្វាយបង្គុំព្រះ យើងត្រូវតែធ្វើពិធីកត្តញូចំពោះព្រះ គឺព្រះដែលមានគុណនៅក្នុងផ្ទះនោះឯង”

ក្រៅពីការរៀបចំបច្ច័យ៤ សម្រាប់អ្នកមានគុណហើយ បន្ទាប់ពីនោះនៅក្នុងថ្ងៃណាមួយ នៃពិធីបុណ្យចូលឆ្នាំ កូនប្រុសស្រី គួរតែធ្វើពិធីស្រង់ព្រះ ដើម្បីសុំសិរីសួស្តីពីអ្នកមានគុណ និងបង្ហាញពីការសងគុណដែលលោកធ្លាប់បីបាច់ថែរក្សាយើងតាំងពីតូចរៀងមក។

– លោកសាស្រ្តាចារ្យ សំបូរ ម៉ាណ្ណារ៉ា

“ក្នុងចំណោមមួយនោះ ដែលយើងតែនិយាយពីបុរាណមក គឺការធ្វើពិធីស្រង់ព្រះ នៅក្នុងថ្ងៃទាំងអស់ហ្នឹង គឺគេប្រើមួយថ្ងៃណាមួយ ដើម្បីធ្វើជាពិធី ជាកិច្ចស្រង់ព្រះ ឬក៏កូនខ្លះគេធ្វើរាល់ថ្ងៃក៏បាន ព្រោះខែចេត្រវាក្តៅ អញ្ចឹងទេបានធ្វើជាពិធីស្រង់ព្រះស្រោចស្រពអ្នកមានគុន ដុសសម្អាតអ្នកមានគុណ កុំភ្លេចថា គាត់ងូតទឹកឱ្យយើងមិនមែនតែមួយឆ្នាំទេ ក៏ប៉ុន្តែយើងគ្រាន់តែធ្វើកិច្ចការទាំងអស់នេះ នៅពេលចូលឆ្នាំ”

ចំណុចចុងក្រោយដែលកូនប្រុសស្រីគួរធ្វើនៅក្នុងឱកាស នៃពិធីបុណ្យចូលឆ្នាំថ្មី គឺការធ្វើពិធីថ្វាយបង្គុំសុំខមាលទោសអ្នកមានគុណ ។ លោកសាស្រ្តាចារ្យ បានលើកឡើងថា ពិធីបុណ្យចូលឆ្នាំ ក្រុមគ្រួសារនីមួយៗតែងតែមានការជួបជុំគ្នា ដូច្នេះកូនប្រុសស្រីគួរតែជួបជុំឪពុកម្តាយខ្លួនឯង ថ្វាយបង្គំ សុំខមាលទោសគាត់នូវអំពើខុសឆ្គងទាំងឡាយណាដែលបានកើតមាននៅក្នុងអំឡុងពេលមួយឆ្នាំ កុំឱ្យលោកយកទោសអូសដំណើរលើកូនរបស់ខ្លួន សូមឱ្យលោកអភ័យទៅលើកូន។

សូមបញ្ជាក់ថា ពិធីបុណ្យចូលឆ្នាំថ្មីប្រពៃណីជាតិសម្រាប់ឆ្នាំនេះ គ្រោងនឹងប្រព្រឹត្តទៅនៅថ្ងៃទី១៤-១៥-១៦ ខែមេសា ឆ្នាំ២០២២ ។ បើតាមទំនៀមខ្មែរ ក្នុងរយៈពេលបីថ្ងៃ នៃពិធីបុណ្យចូលឆ្នាំថ្មីនេះ ថ្ងៃដំបូងគេយកចង្ហាន់ទៅប្រគេនព្រះសង្ឃនៅវត្ត លុះពេលល្ងាចគេនាំគ្នាជញ្ជូនខ្សាច់សាង វាលុកចេតិយ នៅជុំវិញព្រះវិហារ ឬនៅជុំវិញដើមពោធិណាមួយនៅក្នុងវត្តនោះ ។ នៅពេលព្រលប់ គេប្រគេនភេសជ្ជៈដល់ព្រះសង្ឃ និមន្តព្រះសង្ឃចម្រើនព្រះបរិត្ត និង សំដែងធម្មទេសនា ។

ថ្ងៃទី២ ដែលជាថ្ងៃបន្ទាប់ កូនចៅជូនសំម្លៀកកបំពាក់ នំចំណី លុយកាក់ ដល់អ្នកមានគុណ មានឪពុកម្តាយ ជីដូនជីតាជាដើម ។ ជួនកាលគេធ្វើទានដល់មនុស្សបម្រើ ឬអ្នកក្រីក្រទៀតផង ។ ពេលរសៀលគេនាំគ្នាទៅពូនភ្នំខ្សាច់ទៀត ហើយសូត្រធម៌អធិដ្ឋានភ្នំខ្សាច់ដែលគេសន្មត់ទុកដូចចូឡាមនីចេតិយ ហើយនិមន្តព្រះសង្ឃបង្សុកូលចេតិយបញ្ជូនមគ្គផលដល់វិញ្ញាណក្ខន្ធបងប្អូន ដែលបានស្លាប់ទៅ ។ សម្រាប់ថ្ងៃទី៣ ដែលជាថ្ងៃចុងក្រោយ ពេលព្រឹកគេនិមន្តព្រះសង្ឃឆ្លងភ្នំខ្សាច់, ពេលល្ងាច និមន្តព្រះសង្ឃស្រង់ទឹក និងស្រង់ព្រះពុទ្ធរូប ។ សូមជម្រាបថា បច្ច័យ៤ នៅក្នុងព្រះពុទ្ធសាសនា រួមមាន បិណ្ឌបាត្របច្ច័យ (គ្រឿងហូបចុក បាយ នំចំណី ត្រីសាច់), ចីវរបច្ច័យ (គ្រឿងដណ្ដប់ស្លៀកពាក់ ស្បង់ ត្រៃ ចីវរ), សេនាសនបច្ច័យ (ទីជម្រក ទីបាំង រាំងខ្យល់ កម្ដៅថ្ងៃ), និងគិលានភេសជ្ជបច្ច័យ មានថ្នាំព្យាបាល និងបង្ការជម្ងឺផ្សេងៗ ថ្នាំពេទ្យ ថ្នាំចាក់ ថ្នាំលេប ប្រេងខ្យល់ តែ ស្ករ ម្លូស្លាជាដើម ៕

លោក សេក សត្យា | Mr. Sek Sathya

លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

៤គន្លឹះ អាចជួយអ្នកឱ្យទទួលបានអាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 18/04/2025

ការទទួលបានអាហារូបករណ៍គឺជាឱកាសដ៏ល្អសម្រាប់សិស្សានុសិស្សដែលចង់បន្តការសិក្សាទាំងក្នុង ឬក្រៅប្រទេស។ ទោះជាអាហារូបករណ៍មានការប្រកួតប្រជែងខ្ពស់ក៏ដោយ តែការត្រៀមខ្លួនឱ្យរួចរាល់ អាចជួយពង្រីកឱកាសដល់អ្នកបាន...

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 25/04/2023

កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...

ឱកាសផ្លាស់ប្ដូរការសិក្សា៨សប្ដាហ៍នៅសាកលវិទ្យាល័យក្យូតូ ប្រទេសជប៉ុនឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 12/12/2024

ឱកាសទទួលបានការផ្លាស់ប្ដូរការសិក្សានៅសាកលវិទ្យាល័យក្យូតូ នាប្រទេសជប៉ុនក្នុងឆ្នាំសិក្សា២០២៥ ពីកម្មវិធីអាហារូបករណ៍ 2025 Kyoto University Amgen Scholars Program។ កម្មវិធីផ្លាស់ប្ដូរការសិក្សាមានរយៈពេល៨សប្ដាហ៍...

ឱកាសសម្រាប់អ្នករៀនជំនាញព័ត៌មានវិទ្យា រដ្ឋសភាជ្រើសរើសមន្រ្តីកិច្ចសន្យា ចំនួន៣០នាក់

ព័ត៌មានអាហារូបករណ៍, ព្រឹត្តិការណ៍

• 21/11/2025

ជាឱកាសសម្រាប់សិស្សនិស្សិតដែលមានជំនាញព័ត៌មានវិទ្យា (IT) ពេលនេះ អគ្គលេខាធិការដ្ឋានរដ្ឋសភា បានប្រកាសប្រឡងជ្រើសរើសមន្រ្តីកិច្ចសន្យាទាំងពីរភេទ ចំនួន៣០នាក់ ដើម្បីបំពេញការងារនៅរដ្ឋសភាជាតិ។

រដ្ឋមន្រ្តីអប់រំផ្តល់អាហារូបករណ៍ ១០០% នៅវិទ្យាស្ថានគរុកោសល្យបាត់ដំបង ជូនដល់កូនៗរបស់វីរៈកងទ័ពកម្ពុជា

ព័ត៌មានអាហារូបករណ៍, ព្រឹត្តិការណ៍

• 04/08/2025

វិទ្យាស្ថានគរុកោសល្យបាត់ដំបង បានប្រកាសជូនដំណឹងដល់ក្រុមគ្រួសារវីរៈកងទ័ពកម្ពុជា ដែលបានពលីជីវិតក្នុងបុព្វហេតុការពារបុរណភាពទឹកដីថា វិទ្យាស្ថានបានសម្រេចផ្តល់ជូនអាហារូបករណ៍ ១០០%

អាហារូបករណ៍សិក្សានៅប្រទេសចិនចំនួន៨០កន្លែងសម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 09/12/2025

តាមរយៈគណៈកម្មធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍សិក្សានៅសាធារណរដ្ឋប្រជាមានិតចិន សម្រាប់ឆ្នាំសិក្សា...

ឱកាសសិក្សាថ្នាក់បរិញ្ញាបត្រជាន់ខ្ពស់បណ្ឌិតផ្នែក AI នៅសាកលវិទ្យាល័យជាតិ Chungbok ប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 05/04/2023

ជាឱកាសសម្រាប់អ្នកចង់បន្តការសិក្សា លើជំនាញ AI Processor Chip Design និង AI Deep Learning Image Recognition ពេលនេះសាកលវិទ្យាល័យជាតិ Chungbok ...

អាហារូបករណ៍ពីកម្មវិធី UWC សម្រាប់សិស្សវិទ្យាល័យឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 03/12/2024

កម្មវិធី United World College (UWC) ប្រកាសផ្ដល់ឱកាសសិក្សាអាហារូបករណ៍ដល់សិស្សកម្ពុជា ដែលកំពុងសិក្សានៅវិទ្យាល័យ ចំនួន៥កន្លែងសម្រាប់ឆ្នាំសិក្សា២០២៥ ដល់ ២០២៧។ អាហារូបករណ៍ផ្ដល់ជូនការសិក្សានៅប្រទេសជប៉ុន ប្រទេសចិន...