រកឃើញបេក្ខជន ៨ក្រុមបន្តទៅវគ្គជម្រុះជុំទី៣ កម្មវិធីជជែកដេញដោលយុវជន

ភ្នំពេញ – វគ្គជម្រុះជុំទី២ នៃកម្មវិធីជជែកដេញដោលយុវជនថ្នាក់ជាតិឆ្នាំ២០២២ ធ្វើឡើងតាមរយៈប្រព័ន្ធអនឡាញ កាលពីថ្ងៃទី0៨-0៩ ខែមេសាកន្លងទៅ បានរកឃើញបេក្ខជនចំនួន ៨ក្រុមនឹងបន្តចូលរួមប្រកួតនៅវគ្គជម្រុះជុំទី៣ នៅថ្ងៃទី២១ ខែឧសភា ឆ្នាំ២០២២ ខាងមុខ ។ លទ្ធផលវគ្គជម្រុះជុំទី២ វិទ្យាល័យដែលបានបន្តទៅវគ្គជម្រុះជុំទី៣ សរុបចំនួន ០៨ក្រុម ។

បេក្ខជនវិទ្យាល័យទៅវគ្គបន្តទាំងចំនួន ០៨ក្រុម មានដូចជា ទី១. វិទ្យាល័យសម្ដេចហ៊ុនសែន ប៉ើស២ ខេត្តត្បូងឃ្មុំ ប្រកួតលើប្រធានបទ “គុណវុឌ្ឍិរបស់គ្រូបង្រៀន គឺជាកត្តាជំរុញដ៏មានប្រសិទ្ធិភាពដល់លទ្ធផលល្អនៃការសិក្សារបស់សិស្ស” ទី២. វិទ្យាល័យហ៊ុន សែនប្រាសាទបាគង ខេត្តសៀមរាប ប្រកួតលើប្រធានបទ “ការវិនិយោគលើស្រ្តី និងក្មេងស្រ្តី និងក្មេងស្រី ក្នុងវិស័យអប់រំ គឺជាកត្តាអាទិភាពសម្រាប់ការអភិវឌ្ឍសេដ្ឋកិច្ចជាតិ” ។

ទន្ទឹមគ្នានេះ ទី៣. វិទ្យាល័យហ៊ុន សែនកំពង់ចាម ខេត្តកំពង់ចាម ប្រកួតលើប្រធានបទ “យុវជនដើរតួនាទីយ៉ាងចម្បងក្នុងការលើកកម្ពស់សុខដុមនីយកម្មនៅក្នុងតំបន់អាស៊ាន” ទី៤. វិទ្យាល័យសម្ដេចឪ សម្ដេចម៉ែ ខេត្តរតនគិរី ប្រកួតលើប្រធានបទ “កង្វះការយល់ដឹងរបស់ប្រជាពលរដ្ឋអំពីបរិស្ថាន គឺជាមូលហេតុចប្បងដែលនាំឱ្យមានការចោលសំរានគ្មានសណ្ដាប់ធ្នាប់” និងទី៥. សាលារៀនសុណ្ណភូមិទី២៥ ខេត្តតាកែវ ប្រកួតលើប្រធានបទ “កំណត់អាយុក្នុងការសេពគ្រឿងស្រវឹងដល់យុវជន គឺជាជម្រើសដ៏ល្អបំផុតក្នុងការទប់ស្កាត់ការញៀនគ្រឿងស្រវឹង” ។

ជាមួយគ្នានេះ ទី៦. សាលារៀនមីគីវ៉េ រាជធានីភ្នំពេញ ប្រកួតលើប្រធានបទ “ប្រជាពលរដ្ឋនៅមូលដ្ឋានមានតួនាទីចម្បងនៅក្នុងការអភិវឌ្ឍវិស័យទេសចរណ៍សហគមន៍” ទី៧. សាលារៀនប៊ែលធី អន្តរជាតិរាជធានីភ្នំពេញ ប្រកួតលើប្រធានបទ “ការចាក់វ៉ាក់សាំងដូសជំរុញ គឺជាយន្តការដ៏មានប្រសិទ្ធិភាពបំផុត ក្នុងការបើកដំណើរការប្រទេសជាតិឡើងវិញលើគ្រប់វិស័យ” និងទី៨. វិទ្យាល័យឬស្សីកែវ រាជធានីភ្នំពេញ ប្រកួតលើប្រធានបទ “ការប្រើប្រាស់បណ្ដាញសង្គមមិនត្រឹមត្រូវ ជាមូលហេតុចម្បងដែលបង្កឱ្យមានផលប៉ះពាល់សុខភាពផ្លូវចិត្តរបស់យុវជន”។

លោក សេរី ជំនះ អនុរដ្ឋលេខាធិកា ក្រសួងអប់រំយុវជន និងកីឡា មានប្រសាសន៍ថា លក្ខណៈវិនិច្ឆ័យដែលគណៈកម្មការផ្ដល់ពិន្ទុដល់បេក្ខជនផ្ដោតទៅលើចំណុច ៤យ៉ាងសំខាន់ៗ រួមមាន ទី១. ផ្តោតលើខ្លឹមសារប្រធានបទ ទី២. វិធីសាស្រ្តបកស្រាយប្រធានបទ ទី៣. ឥរិយាបទរបស់បេក្ខជន ក្នុងការប្រើប្រាស់ទឹកមុខ ការស្លៀកពាក់ សីលធម៌ក្នុងការនិយាយស្ដី ការប្រើប្រាស់កាយវិកា ការលើកដាក់សំឡេង និងការប្រើក្រសែភ្នែកជាដើម និងទី៤. ការងារសហការជាក្រុម ព្រមទាំងផ្ដល់ឱកាសឱ្យទស្សនិកជនមានឱកាសចូលរួមបោះឆ្នោតគាំទ្រដល់ក្រុមដែលខ្លួនពេញចិត្តផងដែរ ។

គួរជម្រាបជូនថា កម្មវិធីជជែកដេញដោលយុវជនថ្នាក់ជាតិ ២០២២នេះ ប្រារព្ធឡើងក្នុងគោលបំណងបណ្តុះបណ្តាលយុវជន ឱ្យចេះប្រើប្រាស់វប្បធម៌សន្ទនា ចេះដោះស្រាយបញ្ហា មានភាពក្លាហាន ចេះប្រើប្រាស់សិទ្ធិស្របច្បាប់ក្នុងការបញ្ចេញមតិ ពង្រឹងជំនាញត្រិះរិះពិចារណា ការស្រាវជ្រាវ ការចែករំលែកគំនិត ការនិយាយសាធារណៈដល់យុវសិស្សកំពុងសិក្សានៅថ្នាក់ទី១១ កម្រិតថ្នាក់វិទ្យាល័យ។

សូមបញ្ជាក់ថា ក្នុងចំណោមបេក្ខជនចំនួន ៨ក្រុមដែលនឹងបន្តទៅវគ្គជម្រុះជុំទី៣ ដោយចូលរួមប្រកួតលើប្រធានបទចំនួន ៤ប្រធានបទ ដោយមានក្រុមស្រប និងក្រុមបដិសេដ ប្រកួតនៅពីថ្ងៃទី២១ ខែឧសភា ឆ្នាំ២០២២ ខាងមុខ ៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍សម្រាប់សិស្សនារីទៅសិក្សានៅសហរដ្ឋអាមេរិក តាមរយៈកម្មវិធី SHE-CAN

ព័ត៌មានអាហារូបករណ៍, ព្រឹត្តិការណ៍

• 29/08/2024

ជាថ្មីម្តងទៀតនៅឆ្នាំនេះ កម្មវិធីអាហារូបករណ៍ SHE-CAN បានកំពុងស្វែងរកនិស្សិតស្រ្តីឆ្នើមពីប្រទេសកម្ពុជា លីបេរីយ៉ា និងហ្គាតេម៉ាឡា ដែលមានការតាំងចិត្តខ្ពស់ក្នុងការចូលរួមអភិវឌ្ឍប្រទេសខ្លួន ទៅបន្តការសិក្សានៅសហរដ្ឋអាមេរិក។

ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 03/04/2025

កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។

បណ្ឌិត្យសភានគរបាលកម្ពុជា ផ្តល់អាហារូបករណ៍សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតវិទ្យាសាស្រ្តនគរបាល ចំនួន៤០កន្លែង

ព័ត៌មានអាហារូបករណ៍, ព្រឹត្តិការណ៍

• 06/01/2026

សម្រាប់មន្រ្តីនគរបាល ឬមន្រ្តីពន្ធនាគារ ដែលចង់បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ពេលនេះ បណ្ឌិត្យសភានគរបាលកម្ពុជា បានប្រកាសជ្រើសរើសនិស្សិតអាហារូបករណ៍សរុបចំនួន៤០កន្លែង...

អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌

ព័ត៌មានអាហារូបករណ៍, ព្រឹត្តិការណ៍

• 18/11/2025

ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួងចំនួន ៥នាក់ ឱ្យទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សានៅប្រទេសកូរ៉េ ក្រោមកម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។

អាហារូបករណ៍សិក្សាវិស្វកម្មឌីហ្សាញ 3D Design & 3D Printing ជាមួយ ស.ស.យ.ក រាជធានីភ្នំពេញ និង STEAMING Cambodia

ព័ត៌មានអាហារូបករណ៍, ព្រឹត្តិការណ៍

• 01/09/2023

ជាឱកាសសម្រាប់ប្អូនៗជាសិស្សថ្នាក់ទី៩ ដល់និស្សិតមហាវិទ្យាល័យ (ពិសេសប្អូនៗដែលចង់រៀនខាងមេកានិក) ពេលនេះ មានការផ្តល់អាហារូបករណ៍សម្រាប់ការសិក្សាវិស្វកម្មឌីហ្សាញ 3D Design & 3D Printing ...

វិទ្យាស្ថានជាតិសហគ្រិនភាព និងនវានុវត្តន៍ ផ្តល់អាហារូបករណ៍ដល់យុវជន រៀនធ្វើនំ ធ្វើម្ហូប ភេសជ្ជៈ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 31/05/2024

សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ ដែលមានបំណងចង់រៀនធ្វើនំ ធ្វើម្ហូប ក៏ដូចជាធ្វើភេសជ្ជៈ ពេលនេះ វិទ្យាស្ថានជាតិសហគ្រិនភាព និងនវានុវត្តន៍...

អាហារូបករណ៍ចូលសិក្សាវគ្គបណ្តុះបណ្តាលជំនាញអប់រំភាសាកូរ៉េ នៅសាកលវិទ្យាល័យភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 24/07/2025

សាកលវិទ្យាល័យភូមិន្ទភ្នំពេញ បានប្រកាសដល់និស្សិតដែលកំពុងសិក្សាថ្នាក់បរិញ្ញាបត្រ ឬបញ្ចប់ការសិក្សាថ្នាក់បរិញ្ញាបត្រភាសាកូរ៉េ នៅសាកលវិទ្យាល័យភូមិន្ទភ្នំពេញ និងគ្រប់ស្ថាប័នទាំងអស់ថា សាកលវិទ្យាល័យនឹងផ្តល់អាហារូបករណ៍ចំនួន១៥កន្លែង...