ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បច្ចុប្បន្នការងារក្រុមមានឥទ្ធិពលយ៉ាងខ្លាំងដល់ដំណើរការអាជីវកម្ម ក្រុមហ៊ុន ការសិក្សា និងនវានុវត្តន៍ផ្សេងៗនៅក្នុងសង្គម ។ សម្រាប់អ្នកគ្រប់គ្រងអាជីវកម្ម ឬក្រុមហ៊ុនធំៗ បានចាត់ទុកការងារក្រុមជាចំណុចស្នូល និងជាយុទ្ធសាស្ត្រជំរុញឱ្យសម្រេចលទ្ធផលតាមការរំពឹងទុក ។ តាមការពន្យល់និយមន័យរបស់វចនានុក្រម Cambridge Dictionary បានបញ្ជាក់ថា ការងារក្រុម (teamwork) ជាសកម្មភាពធ្វើការរួមគ្នាក្នុងទិសដៅសម្រេចលទ្ធផលអ្វីមួយ ប្រកបដោយថាមពល ស្មារតីសហការ ។ ខាងក្រោមនេះ ជាគន្លឹះទាំង ៥ ចំណុចជួយឱ្យការងារក្រុមសម្រេចតាមផែនការកើតឡើងដោយស្មារតីក្រុម ។
១. ស្គាល់ចរឹកលក្ខណៈក្រុម ៖ ធម្មតាពាក្យថា “ក្រុម” សម្តៅដល់ការចូលរួមរបស់បុគ្គលចាប់ពីមនុស្សពីរនាក់ឡើងទៅ ។ មនុស្សពីរនាក់ត្បិតរួមការងារក្រុមក៏ពិតមែន ប៉ុន្តែមិនប្រាកដទាំងស្រុងថា មនុស្សមានចរឹកលក្ខណៈដូចគ្នានោះទេ ។ ចុះទម្រាំការងារក្រុមមានមនុស្សច្រើននាក់នឹងទៅជាយ៉ាងណា? ត្រង់នេះ ចំណុចខ្លាំងរបស់ក្រុម គឺការទទួលស្គាល់ចរឹកលក្ខណៈរបស់បុគ្គលម្នាក់ៗនៅក្នុងក្រុម និងរៀបចំទិសដៅការងារសមស្របតាមចរឹកលក្ខណៈរបស់បុគ្គល រាប់ទាំងឥរិយាបថនៃការសន្ទនាការងារ ការទំនាក់ទំនង របៀបធ្វើការ និងការទទួលខុសត្រូវផ្សេងៗ ។
២. រៀបចំក្រុមការងារត្រូវតាមជំនាញ ៖ ក្រុមការងារមួយតែងមានសមាជិកមកពីជំនាញចម្រុះគ្នា ។ សមាជិកក្រុមដែលមានជំនាញច្រើន អាចបង្កើតបានគំនិត ឬសកម្មភាពថ្មីៗនៅក្នុងក្រុមជានិច្ច ។ ក្រុមពហុជំនាញទាំងនេះមានសក្តានុពលផ្សេងៗគ្នា និងមានចំណុចខ្លាំងៗខុសគ្នា ។ ដំណើរការក្រុមល្អ គឺចាំបាច់ត្រូវចាត់ចែងសមាជិកជំនាញទៅតាមទេពកោសល្យរបស់ពួកគេ ។
៣. ជ្រើសរើសបុគ្គលតំណាងក្រុម ៖ ការងារក្រុមបង្កើតបានគំនិតនិងមតិយោបល់ជាច្រើន ។ ស្មារតីក្រុមអាចបែកបាក់សាមគ្គី ប្រសិនបើគំនិតរបស់សមាជិកណាម្នាក់ទទួលការបដិសេធដោយគ្មានហេតុផលពន្យល់សមស្របឆ្លើយត្រឡប់ទៅវិញ ។ ដូច្នេះ ដំណោះស្រាយល្អបំផុតសម្រាប់កិច្ចការងារក្រុម ត្រូវជ្រើសរើសយកសមាជិកក្រុមណាម្នាក់ឱ្យសម្រេចចិត្តរួម ឬជាអ្នកកាត់សេចក្តីដោយសមហេតុផលបំផុតលើគំនិតផ្សេងៗ ។ បុគ្គលម្នាក់ហ៊ានសម្រេចគំនិតរួមអាចជាប្រធានក្រុម ហើយក៏ជាអ្នកសម្របសម្រួលកិច្ចការងារក្រុមផងដែរ ។
៤. ផ្តល់ការងារដោយទំនុកចិត្ត ៖ ការសិក្សាក្តី ការលេងកីឡាក្តី ឬការប្រកបអាជីវកម្មក្តី គឺការកសាងទំនុកចិត្តនេះហើយជាស្នូលនៃមិត្តភាពការងារក្រុម ។ សមាជិកក្រុមម្នាក់ៗត្រូវការតម្លៃផ្ទាល់ខ្លួនពីការងាររបស់ពួកគេ ហើយតម្លៃផ្ទាល់ខ្លួននោះហើយ គឺទំនុកចិត្តពីសមាជិករួមក្រុមទាំងអស់ ។ ការជឿជាក់លើសមត្ថភាពរបស់សមាជិកណាម្នាក់ នោះមិនធ្វើឱ្យក្រុមបារម្ភជ្រុលលើលទ្ធផលការងារឡើយ ។
៥. ស្មារតីទទួលខុសត្រូវរួមគ្នា ៖ សមាជិកក្រុមប្រាកដជាចង្អុលការទទួលខុសត្រូវលើប្រធានក្រុម ឬអ្នកដឹកនាំក្រុមនៅពេលការងារជួបឧបសគ្គ ឬមានបញ្ហាអ្វីមួយកើតឡើងខុសពីការរំពឹងទុក ។ ប៉ុន្តែរូបភាពនេះ នឹងមិនល្អឡើយសម្រាប់ការងារក្រុម ដោយសារការងារក្រុមទាមទារឱ្យមនុស្សមានស្មារតីទទួលខុសត្រូវរួម ។ ការទទួលខុសត្រូវការងាររួមគ្នា ជារបៀបធ្វើការដែលមិនដាក់បន្ទុកឱ្យគ្នាទៅវិញទៅមក ។ របៀបធ្វើការងារក្រុមបានល្អជាជំនាញការងារមួយសម្រាប់យុវជនក្នុងរបត់នៃការរីកចម្រើនបច្ចេកវិទ្យា និងសង្គម៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសចូលរួមវគ្គសិក្សាជាស៊េរី “មេរៀនអតីតកាល មាគ៌ាឆ្ពោះទៅអនាគត” ពី អ.វ.ត.ក.
ព័ត៌មានអាហារូបករណ៍, ព្រឹត្តិការណ៍
• 08/12/2025
ជាឱកាសសម្រាប់គ្រូបង្រៀន សាស្រ្តាចារ្យបង្រៀនលើមុខវិជ្ជាមនុស្សសាស្រ្ត ព្រមទាំងអ្នកដឹកនាំជំនាន់ក្រោយទាំងអស់! ពេលនេះ អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក.) ប្រកាសបើកដាក់ពាក្យ សម្រាប់ការចូលរួមវគ្គសិក្សា...
អាហារូបករណ៍៦០កន្លែង សម្រាប់ជំនាញវិស្វកម្មអេឡិចត្រូនិកនៅវិទ្យាស្ថានជាតិពហុបច្ចេកទេសអង្គរ
ព័ត៌មានអាហារូបករណ៍, ព្រឹត្តិការណ៍
• 20/12/2024
វិទ្យាស្ថានជាតិពហុបច្ចេកទេសអង្គរ បានប្រកាសពីការផ្តល់ជូនអាហារូបករណ៍១០០% ដល់សិស្សធ្លាក់ ឬជាប់ថ្នាក់ទី១២ សម្រាប់ជំនាញវិស្វកម្មអេឡិចត្រូនិក សិក្សារយៈពេល២ឆ្នាំ ចំនួន៦០កន្លែង។
អាហារូបករណ៍ជំនាញបច្ចេកទេស និងវិជ្ជាជីវៈ១ នៅវិទ្យាស្ថានជាតិពហុបច្ចេកទេសតេជោសែន
ព័ត៌មានអាហារូបករណ៍, ព្រឹត្តិការណ៍
• 18/02/2025
វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើស សិស្ស និងសាធារណជនទៅរៀនជំនាញបច្ចេកទេស និងវិជ្ជាជីវៈ ជាច្រើនកន្លែងសម្រាប់ថ្នាំសិក្សាថ្មី ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ។
អាហារូបករណ៍ថ្នាក់បរិញ្ញាបត្ររង និងបរិញ្ញាតបត្រ៥០កន្លែងនៅសាកលវិទ្យាស្ថានអភិវឌ្ឍន៍អាស៊ីសច្ចៈ
ព័ត៌មានអាហារូបករណ៍, ព្រឹត្តិការណ៍
• 01/02/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអភិវឌ្ឍន៍អាស៊ីសច្ចៈចំនួន៥០កន្លែង សម្រាប់សិស្សានុសិស្ស និងសាធារណៈជន ...
អាហារូបករណ៍សម្រាប់និស្សិតកម្ពុជា ទៅបន្តការសិក្សានៅប្រទេសហុងគ្រី ៣០កន្លែង សម្រាប់ឆ្នាំ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 29/11/2024
ក្រោមកម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេសហុងគ្រី នឹងផ្តល់អាហារូបករណ៍ចំនួន ៣០កន្លែងដល់និស្សិតកម្ពុជា ដើម្បីបន្តការសិក្សានៅតាមសាកលវិទ្យាល័យនានាក្នុងប្រទេសហុងគ្រី...
អាហារូបករណ៍ថ្នាក់បណ្ឌិតនៅសាកលវិទ្យាល័យ Victoria ប្រទេសនូវែលសេឡង់ចំនួន១១០កន្លែង
ព័ត៌មានអាហារូបករណ៍, ព្រឹត្តិការណ៍
• 04/07/2023
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Victoria នៅប្រទេសនូវែលសេឡង់ក្រោមកម្មវិធីអាហារូបករណ៍ Wellington Doctoral Scholarship។ ...
បណ្ឌិត្យសភានគរបាលកម្ពុជា ផ្តល់អាហារូបករណ៍សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតវិទ្យាសាស្រ្តនគរបាល ចំនួន៤០កន្លែង
ព័ត៌មានអាហារូបករណ៍, ព្រឹត្តិការណ៍
• 06/01/2026
សម្រាប់មន្រ្តីនគរបាល ឬមន្រ្តីពន្ធនាគារ ដែលចង់បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ពេលនេះ បណ្ឌិត្យសភានគរបាលកម្ពុជា បានប្រកាសជ្រើសរើសនិស្សិតអាហារូបករណ៍សរុបចំនួន៤០កន្លែង...
អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 02/04/2026
ឱកាសទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សាជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន
ឆ្នាំសិក្សា២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍១០០% ថ្នាក់បរិញ្ញាបត្ររង ១២០កន្លែង និងថ្នាក់សញ្ញាបត្របច្ចេកទេស ១៤០០កន្លែង
ព័ត៌មានអាហារូបករណ៍, ព្រឹត្តិការណ៍
• 10/09/2025
សម្រាប់ឆ្នាំសិក្សាថ្មី ២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង បានប្រកាសជ្រើសរើសសិស្សនិស្សិតឱ្យចូលសិក្សា ដោយផ្តល់អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររងចំនួន១២០នាក់ ខណៈថ្នាក់សញ្ញាបត្របច្ចេកទេស...
កម្មវិធីពិសេសរបស់ AMS EDUCATION
ព័ត៌មានសង្ខេប
